ابكم سحرني
البارت الرابع والعشرون
بقلم اوتار حزينه
،،،،،
اتيتك هاربه من الاذى
فاذيتني انت ايضا
عمار
رحت لبيت خالتي واني اريد الصلح وي اهلي
كلت بلگي هم يگدرون
يأثرون على ابويه وهو بعدين يحجي وي ريم
وصلت للبستان مالتهم وشفت
الهوسه مال العرس والناس ملتمه
تلاگاني فهد اول مانزلت من السياره
هلا عمار كل الهلا
هلاا فهد
شفت ريسان يحجي وي ولد عمه بره
خلص حجي واجه عليه وصاح
هلاااا ومراحب عرفتك والله ماتگدر على زعلي
وكلتو لهذا الواكف يمك راح يجي
ابتسمت بوجهه وبوسته وباركت الهم
تعال طب جوه شووون مسوين گهوه
تلوك لهل الجهره الزفره
هااا ولك بدينا تره بعدني بره هسه ارجع
اانجب بله ولاتسويها علينا منيه تره نطلبك
فزعه هم عرسك وهم العمليه
تبشر من هاي العين
اشرت على عيوني وطبيت للربعه شفت ابويه
كاعد ويحجي وي رجال كبار بعمره
بس شافني وجهه تغير ودار راسه
ذبيت حسره وريسان شافه وحجه
تهون يازوبع يرضى اذا مو اليوم باجر
انت بس طول خلگ ويااا وشحجي لاتجابوا
اگضبو للسانك الهذا الجنو برنو
هزيت راسي وسلمت على الگل تمشيت لابويه
اريد اسلم وقبل لااوصله كام وترخص من الكاعدين
وطلع من يمنا
خلگي ضاج وضليت واكف شويه وبعدين
تمشيت لبره رحت كعدت بالحديقه
ورثت جگاره وسحبت نفس وذبيته بضوجه
وره مشوار اجتي امي وخالتي
سلمت وباركتلها على زواج عمر خالتي ماظلت ترخصت وطبت جوو
كعدت يم امي وسالتها
شلونج يمه وشلون ريم
الحمد لله كلنا زينين
سمعتها وذبيت حسره وكملت
يممه رحمه لاهلج احجي وي ابويه خلي
يرضى عليه تره تعبت كلش يعني يصير اني بجهه وانتو بجهه ثانيه
من اايدك انت الجبتها لروحك والنا
سكتت وهي كملت بضوجه
شلون تريد احجي وي ابوك واكله يرضى عليك
واني الي اسمي امك مو راضيه عليك ولا على السويته
فرگت وجهي بقوه وجاوبتها بقهر
يممه هم بديتي بالملامه تره تعبت والله مالي خلگ
بعد اسمع اي شي اعرف نفسي تصخمت وغلطت
واجيت برجلي اريد اعتذر منكم وانتو رفضتو
بعد شسووي انطيني حل يرضيكم كلكم
واني اسوي
BINABASA MO ANG
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
