مـن نـسل المتحولين ( مكتمله)

"بجوارك ،سيف&رغد"

مفاجأة البارت كله لسيف ورغد بس هيكون فيه حاجات حلو وأول مره أكتب بارت كامل للبطل و البطلة و دي مش فكرتي اتعملت في اكتر من روايه قبل كده فقط الفكره عجبتني يارب يعجبكم وقولوا رأيكم علشان اعرف عجبكم ولا لأ 🐬❤️❤️❤️🐬
.............

شعر سيف بأشعة الشمس رغم بروده الجو لكن الشمس ساطعة فتح عيناه العسليه ببطء شديد ونظر بجواره لكن رغد ليست بمكانها تحرك بتسائب من الفراش و دخل الحمام و غسل وجهه و أسنانه و توضئ ليصلي فرضه بعدها خرج من غرفته وهو يبحث بعينيه على رغد لم يجدها في المنزل كله فقرر الذهاب لغرفتها مره أخرى دخل الغرفه بعد طرقه أكثر من سبع مرات دخل لتسقط عيناه على رغد التي تقف أمام خزانتها وتوليه ظهرها وترتدي بُورنس يصل لفوق ركبتيها وشعرها تتساقط منه قطرات الماء وتضع سماعه لذلك لم تسمعه نظر لها و هو يبتسم على هيئة شعرها الفوضوية ولكن عندما سحبت رغد رباط البُورنس وكادت أن تتلفت أغلق سيف الباب بقوه مما جعلها تنتفض وهو في الخارج يستغفر ربه هو لم يرى جسدها لكنه كان ينظر لها
ارتدت رغد ملابسها بسرعه وخرجت لتجد سيف مازال امام الباب
ربعت يدها أمام صدرها و أردفت بحنق
_ خير يا أستاذ إيه إللي جابك قدام أوضتي

_ فضلت اناديكي يا أستاذه ومش تردي قلقت عليكي لما جيت هنا شوفتك واقفه و أنتِ كنتي هتفكي البورنس وأنا استحييت و قفلت الباب جامد إيه المشكله يعني مش أحسن ما أشوف جسمك و تدخليني جهنم الحمره ياختي انتوا البنات كده تعملوا العمله و تلبسوها فينا إيه ده استغفر الله العظيم استغفر الله العظيم

" قالها سيف بطريقه أضحكت رغد عليه و فر من أمامها وتركها تضحك على طريقته تلك.....لحقت به رغد و وجدته يتجه للمطبخ فدخلت وراءه و أردفت

_ آه أنت كمان هتعمل الأكل يا صغنونه

_ عيب على طولي ده يتقالي يا صغنونه ولله عيب على العموم لأ ياختي أنتِ إللي هتعملي الفطار النهارده أنا زهقت من القبيله ممكن اخرجك برا النهارده مش عشان سواد عيونك لأ علشان أنا عايز أخرج ومش هسيبك هنا علشان متولعيش في البيت مش اكتر أصل الحصن إللي عليه الدور هندخله بكرا فالنهارده أنا فاضي و هخرجك
" قالها سيف بهدوء لتبتسم رغد و تردف"

_ بجد هتخرجني يا سيف
قفزت فوقه و قبلته عده قبلات على خده وسيف حملها من خصرها لكي لا تسقط وهو يضحك على جنونها هذا جنونها الذي يحبه كثيراً....

_ هخرجك يا مجنونه اعملي الفطار بقى خليني اطفح

_ حاااضر عنيا طب ما كنت تقول من الصبح يا جدع كنت اتفننت في الفطار وحياة أمي وأمك وأمه لا اله لا الله كلها
أنت راجل جدع وأحمد السقا في نفسك لا تكون تعبان ومش مركز في اللي بتقوله آه صح ممكن ولما أخرج معاك تقلب ذئب بشري و تقتلني
" قالتها رغد وهي تتجه للتلاجه وتخرج منها اللانشون و الجبن ليصرخ بها سيف وهوا يمسك رأسه"

_ يا غبيه خلي بالك الكرسي إللي أنتِ واقفه عليه مكسور أبعدي بسرعه و...

قبل أن يكمل سيف جملته كانت رغد على الأرض وتصرخ
_ هيجيلي الغدروف بسببك يا أبن مديحه إللي بتحط البانجو في الكابوتشه

أبتسم سيف ابتسامه جذابه و أمسك بيدها وجعلها تستقيم في وقفتها و أردف
_ أنا يا رغد إبن مديحه طب شوفي مين هيخرجك من البيت ده أما حبستك زي الكلبه مكونش أنا أبن مديحه.. أقصد مكونش أنا سيف

_ يا سيف خلي قلبك ابيض يا جدع مش لسه بقول انت أحمد السقا في نفسك ده شيطان و دخل ما بينا طب بص بقى أنا لسه مصحتش والكلام إللي قلته دلوقتي مش واعيه يا ابني مش واعيه
" قالتها رغد بنظره طفوليه باكيه وكوميديا في نفس الوقت
لينظر لها سيف ببرود و يردف"
_ أحمد السقا في المسقه ياختي ماليش دعوه ومش هتخرجي يا رغد كلامي خلص

" كان ينتظر رده فعلها فهو يعلم أن رغد ليستت كالباقي في ردود الأفعال وجدها خرجت من المطبخ بحزن انتظرها قليلاً لكن لم تعود فخرج من المطبخ بهدوء وهو يبحث عنها واقترب من حمام السباحة بجوار حديقه المنزل ليجد رغد ساقطه به ولا تتحرك انقبض قلبه بقوه و قفز به وسبح حتى وصل لرغد و أخذها في حضنه وبدأ يخبط على وجهها بخفه ولكنها لا تتنفس حتى كان سيف على وشك الانهيار يهزها ولا تتحرك وكأنها قد تركت الحياه وتركته هو أيضاً

_ رغد قومي أنتِ فكراني بتكلم جد ده أنا هلففك العالم كله
قومي أنا أحمد السقا و هخرجك ولله بس أنتِ قومي وهعمل إللي أنتِ عيزاه يا رغد متمشيش وتسيبيني علشاني فتحي عيونك

سحبها من المايه ونيمها على قدمه ورأسها على ذراعه ويحاول أن يفعل أي شئ لتفتح عيناها لكنها لا تتنفس أبدا
ضمها سيف وسقطت دموعه على كتفها وهو يقول
_ مش هتروحي مني ارجوكي أنا عايزك جنبي كلهم سابوني أنا خسرت كتير خسرت كتير بس مش مستعد اخسرك أنتِ
رغد قومي وقولي أنه مقلب قومي بقا يا رغد

لم تتحدث حاول أن ينشط عضله القلب كما كان يرا في الافلام لكنه لا يعلم كيف يفعل هذا شبك يداه فوق بعضهما و نيم رغد على سطح الأرض وبدأ بالضغط فوق قلبها لوقت طويل ولكن لم تتحرك أيضاً ضمها سيف وبكى على خسارتها فهذا هو قهر الرجال ظل متمسك بها ليسمع ضحكتها العاليه وهي تردف
_ أنت صدقت ههههههههه أنا كنت واخده مدليات في السباحه و الغطس وبعرف أكتم نفسي هههههه أسفه مكنتش أعرف أنك هتتأثر كده

نظر لها بعدم تصديق لتردف ببسمة
_ يا أخينا أنا مش ميته ده مقلب فرفش بقى

رماها سيف في البسين و أتجه لغرفته واغلقها

خرجت رغد و رقدت وراءه و وقفت أمام الباب و أردفت
_ أنا هدخل تمام

لم يأتها رد من سيف هيا تعلم أنه غضب من تصرفها هذا لتردف بهدوء
_ طب متزعلش أنا كنت بعمل مقلب صغير معلش أنا هزاري تقيل سيف كان مقلب بس حقيقي فرحت أن في حد هيزعل عليا لما أموت ممكن تفتحلي أنا أسفه عارفه إني لعبت بمشاعرك حقك عليا أنا غبيه مش هعمل كده تاني يا سيف أفتح بقا

لم يرد عليها فدخلت الغرفه وجدته يقف أمام البلكونه ولا ينظر لها اقتربت منه واردفت
_ أنا أسفه وافق بقى متقللش من كرامتي اكتر من كده انت عارف حوا ملهاش غير كرامتها...

_ افتكرتك متتي بجد وكان قلبي هيقف أنتِ قاسيه حتى في هزارك يا رغد أنتِ قاسيه أوي
" قالها سيف بهدوء لتنظر له رغد بحزن و قلبها يؤلمها فكلماته حرقت قلبها هي لم تقصد فعل هذا هي كانت تمزح ليس إلا ولكن احيانا عندما يمزح البشر يخطئون خطأ كبير
ويجرحون قلوب احباءهم ويرمون كلمه في نصف الهزار بكوا بها قلوب الكثير دون الملاحظه حتى....

_ مقصدتش صدقني أنا أسفه يا سيف بلاش تزعل مني............ أنا مش قد زعلك يا سيف

" قالتها رغد بحزن وهي تحاول إمساك يده لكنه أبعد يده لتنظر له بحزن شديد و تبادلوا نظرات اللوم ولكن كان صوت
سيف سبب ابتسامتها مره أخرى"
_ خلاص يا رغد حصل خير بس متعمليهاش تاني

_ طبعًــــــــا مستحيل أكررها علشان متزعلش تعالا بقى نفطر وبعدها تفسحني آه صح هتفسحني فين.. في جزر المالديف ولا هتوديني جزيره محدش شافها قبل كده زي الروايات هتوديني باريس، سان فرانسيسكو هتوديني إيه رد بقا
" صرخت به رغد بحماس ليبتسم "

_خياراتك كلها حلوه بس نشوف الأحلى مافيش أحلى من بلدنا يا رغد مصر مافيش أحلى منها فيها أماكن حرفياً روعه
وأنا هلففك كل الاماكن دي بالتنقل الفوري يعني قوانا الخارقه

_ قال يعني أنت شوفت الأماكن دي ده أنت طول عمرك محبوس يا جدع طب أنا أعمل حساب رحله طويله يعني وما البسش جيبه ولا فستان
" قالتها رغد بمرح لكن كلماتها جعلت سيف يحزن لجملتها
' أنت طول عمرك محبوس' ولكنه أبتسم لسعادتها واردف

_ أيوه الرحله طويله استني نفطر بقى عصافير بطني بتنهق

" ضحكت رغد عليه و أردفت ببسمة لعوبه"
_ ايه رأيك نروح شرم الشيخ أو الغردقه

_ ماشي إللي تعوذيه هلففك مصر كلها و خلي المالديف دي لشهر العسل
" قالها سيف بخبث ولم يلحظ ما قاله إلا عندما نظرت له رغد ببسمة غبيه ليردف
_ لما أنا اتجوز يعني اروحها مع مراتي وكده

_ آه قلتلي ياخي ربنا يقربك من بت الحلال وتتجوز وتخلف صبيان وبنات ويطلعوا البلى الاخبر على جتتك ما تنقي يا واد وأنا اخطبلك أصل بسم النبي حارسك وصاينك مش لاقي بت لحد دلوقتي ومحتاج خاطبه تجبهالك تعيسه الحظ إللي هتتجوزك
" قالتها رغد بغضب من جملته تلك ليبتسم بمكر و يردف"
_ غيرانه عليا ولا إيه يا ملاكي الجهنمي .. بصي أنا معاكي أنا مسمسم و يتغار عليا و قاهر قلوب الفرنسيات بس متبينيش غيرتك كده اومال أنا أصلاً كنت هجوزك لأول ولد من ولادي في المستقبل..

_ تجوزني لواحد من ولادك... طيب أما وريتك مكونش أنا رغد يا سيف
" قالها رغد وهي تنظر للمكان وراء سيف وهو كان البلكونه التي تلتحق بغرفته ركضت نحوه بقوه وهي تمد يدها لتدفعه للخلف و يسقط من البلكونه لكنه أمسك يدها وابتسم "

_ رغد عارفه في مشاعر جوايا عايز اعترفلك بيها و بتبقي حلوه وجذابه لما تبقي شبه الفار إللي رايح يجيب الديب من ذيله كده

_ مشاعر جواك... طب قول وفضفض يا خويا
" كانت رغد تنظر له منتظره سماع كلماته وتتخيل مليون سيناريو رومانسي يحدث بينهما

_ أيوه دي حقيقه أنا في جوا قلبي كلام كتير ومشاعر تجاهك مش عارف ليه يا رغد كل ما بشوف خلقتك نفسي بتنسد ولا الشعور إللي جوايا بيقولي اضربها وعذبها وامسكها من زنقور رقابتها زي البرص ومليون دافع جوايا بيقولي أقطع لسانها وريح طبله ودنك.. ده كله في قلبي يا رغد

" كاد وجه رغد أن ينفجر من الغضب من كلماته دبدبت على الأرض بغضب واردفت بصوت عالي
_ نـــــــعم يا روح النانا قال تقطع لساني قال ده أنا أقطع إيدك قبل ما تمد إيدك عليا اومال فاكر إيه وأنا هستنى إيه من واحد زيك طب تصدق وتؤمن بالله أنت شبه سيد جاز في كرتون العم جدو راجل ممل ورخم لأ سيد جاز جميل أنا كنت بحبه علشان كان عاقل أما أنت عقلك ده مكانه فول سوداني .

_ يعني أنا لو مديت أيدي عليكي هتقطعيها صح يا ملاكي الجهنمي...
" قالها سيف ببسمة خبيثه شيطانية لتحاول رغد أن تظهر قويه أمامه و أردفت وهي ترفع سبابتها أمام عيناه

_ أيوه يا سيف لو مديت إيدك هخرشمك و اقطع دراعك واهوه أعلى ما في خيلك تركبه ونقطني بسكاتك و وريني عرض اكتافك و هلله هلله على الجد و الجد هلله هلله عليه

وضع سيف يده على فمها لتصمت ثم أمسك سيجارة وابتسم بخبث واردف وهو يفحص وجهها
_ تحبي اطفي سيجارتي في خدك ولا عينك ولا مناخيرك ويبقى عندك بدل خرمين تلاته.

_ نـــــــعم تلاته إيه أستهدى بالله أنا معايا شهاده معامله اطفال يابني في المحكمه مش بياخدوا بكلمتي أنت العاقل الراسي هتاخد بيها يا جدع لأ طبعًــــــــا أنا قلت من الصبح ده شيطان ودخل بيننا أعوذ بالله من الشيطان الرجيم بص هتهدى دلوقتي قول اللهم اخذيك يا شيطان .

" قالتها رغد ليضحك سيف بصخب على ملامحها الجبانه و أردف"
_ دي سجاير أيوب مش سجايري أصلا أنا مش بشرب حالياً ممكن أشرب بعدين مش عارف لكن دي مش بتاعتي بس حقيقي واضح أنك هتخرشميني.

_ هزارك بايخ على فكره أنا ماشيه
" قالتها رغد بغضب وخرجت من الغرفه اتجهت للمطبخ وسيف خرج من الغرفه يضرب كف في كف على حواء

بعد القليل من الوقت كانوا قد بدأوا في الأكل لتردف رغد بتساؤل
_ طفولتك كانت عامله إزاي يا سيف

_ كانت شبه كعب رجل الواد ايوب
" كانت تلك إيجابة سيف المقتضبة لتنظر له رغد بحزن وتردف"
_ ياعيني عليك دي كانت صعبه أوي على كده ... طيب أنت مسامح أيسر سؤال غبي صح

_ مش غبي يا رغد أنا مش ناسي تعذيبه ليا طول العشرين سنه بالكذب وبرضوا مش ناسي أني كنت بحضنه و أقوله أنا تعبان يا بابا طول العشرين سنه ومش ناسي لما كان ياخدني في حضنه و يهديني كذب آه أنا عارف بس مش ناسي ساعات بحن وبقول ياريتني ما هربت من اوضتي وسمعت الحقيقه يارتني فضلت أعمى البصر عن الحقيقه

_ أنت كنت بتحس بإيه لما كنت بديلك الحقنه إللي تحت جلد البطن " تساءلت رغد للمره الثالثه ليبتسم لها سيف ويردف"

_ كنت بحس إني عايز أمسك دماغك وادبها في الحيطه بس مش عارف مسكت نفسي إزاي ربنا مبارك في عمرك يا ملاكي الجهنمي

_ طيب ليه بتناديني باللقب ده ملاكي الجهنمي؟
" تساءلت رغد ليبتسم لها ويردف"
_ علشان أنتِ جيتيلي في كابوس قبل ما اجيلكوا الفيلا وكنتي ملاك ساحره وبعدها خنقتيني وبقيتي ملاكي الجهنمي.... ومش هغير اللقب ده مهما حصل حاسس أنه مناسبك.

وجد رغد تمد يدها في طبقه وتسحب اللانشون أثناء حديثه لينظر لها بغضب ويردف"
_ بقى بتستغفليني يا رغد وعملالي فقرة سؤال وجواب ده انا هطلع عين إللي جابوكي

ركضت رغد لغرفتها وهي تمسك اللانشون ليضحك سيف عليها ويذهب لغرفته ليبدل ملابسه ليستعد للخروج وهو يفكر في يومه كيف سيكون معها بجوارها هي فقط

دخلت رغد غرفتها وهي سعيده بقضائها وقت بجوار سيف و قد نسيت كلام والدها ولكن ليس لوقت طويل ارتدت بلوزه قطنيه باللون اللافندر وتصل لفوق الحزام ( فوق الكامر) وتربط من الظهر و بنطلون ( بوي فريند)واسع لأن البلوزه قصيره ولا ينفع أن ترتدي بنطال ضيق على بلوزه قصيره تكون أشبه بالعاريات الساريات في رأيها

لمت شعرها على هيئة كحكه وتركت قصتها آلتي قصتها كاغره ارتدت عقد به حبات لولو صغيره وارتدت كوتشي أبيض أمسكت حقيبتها وبدأت بإلقاء بها أهم الأشياء بالنسبه لها وهي تردد
_ كريم مرطب، ازازه مايه معدنيه، نضاره شمس، تلاته هوهوز اتنين عسليه علبتين عصير شوكولاته باللبن ، واقي شمس، شوكولاته نوتيلا، الموبايل، وصله الشاحن، السماعات وبس أوف أصعب حاجه حيات البنت بتبقى شنطتها شبه الصيدلية او السوبر ماركت أما الصبيان يا حظهم بنطلون وتي شيرت و شبشب الحمام والنيو لوك أكتمل يا بختهم و الواد الروش الدنجوان يحطلك چيل الشعر ويبقى جامد طحن واه بقى لو لبس ساعه يالهوي بيبقى تامر حسني الدفعه

_ طب بطلي تتنمري وتجيبي في سيره الناس ويلا علشان ننزل ولا أنتِ ناويه تصلي العصر جماعه مش فاهم يعني
" قالها سيف وهو يقف خلفها تماماً ثم أكمل بجديه قاتله

_ ومش هتنزلي معايا غير لما تغيري الطقم ده أنا النزول معايا ليه قواعد واولهم أنك متلبسيش الحاجات دي

_ نـــــعم وهلبس إيه بقى يا سي السيد
" قالتها رغد بضجر من حديثه ليبتسم ويقترب من خزانتها ويردف
_ في فساتين حلوه ماشاءالله وفي عبايات ممكن ليه لأ وفي بصي الجمال ده اسدال البسيه وتعالي ورايا

نظرت له رغد بسخريه واردفت بحنق
_ أمك و عيالها

_ أنتِ حره يا رغد عايزه تفضلي بده مش هقول حاجه على راحتك بس مش هتخرجي معايا لكن لو هتلبسي من دول هفسحك علشان متقوليش إني بظلمك أنا اديتك حريتك
" قالها سيف وهو يجلس على السرير لتنظر له رغد وتتقدم منه وتردف بهدوء
_ يرضيك أقع كل شويه بالعبايات دي

_ أنا.. آه يرضيني تقعي كل خمس دقايق وامسكك احسن ما
الناس تبص عليكي ويتكلموا وأنا امسكك برضوا بس أضرب دماغك في الحيطه
" قالها سيف ببرود وهو ينظر للسقف لتنظر له بغضب وتردف"
_ ربنا على المفتري يا سيف.. طيب بص هغير بس مش هلبس الهدوم دي قول ليه

_ ليه ....

_ علشان زي ما قلت امك وعيالها تلبسه أنت وأمك يلا يا حبيبي هوينا عايزه اتنيل على عيني اغير

نظر لها سيف وأشار بجواره على السرير واردف
_ اقعدي يا رغد.. هقولك حاجه

جلست رغد بجواره ويعتلي ملامحها الغضب من تصرفاته ليردف بجديه وهدوء
_ لو تعرف البنت إحنا الشباب بنبصلها إزاي هتدفن نفسها حيه أنتِ فاكره لما بنت تلبس محزق وملزق بنقول وااو البت عود وجامده وبنرتبط بيها لأ إحنا بنقول لبعض دي كذا وكذا وبنشتمها بأهلها علشان هي متربتش مش عشان سواد عيونها يعني وأنا يا رغد مش هقبل الكلمه دي عليكي لأني عارف أنك متربيه ومحترمه فبعد أذنك أنا بستأذن لأني ولا ابوكي ولا اخوكي ولا جوزك ولا حتى خطيبك بلاش تلبسي كده " صمت قليلاً وهو ينظر لملامح رغد التي يبدو أنها غيرت رأيها بسبب اسلوبه اللطيف لكنه أكمل بنبره عالية"
_ وإلا قسما بالله يا رغد ما أنتِ شايفه الشارع تاني ده شرطي واللي أوله شرط آخره نور فخلصي وانجزي فااااهمه

_ اعوذ بالله إيه يا عم انت عفريت ولا إيه مالك طلعت فيها فجأه ليه... طيب كنت ماشي حلو وكنت هسمع كلامك اتنيل بقى خرجلي طقم على زوقك المعفن علشان ألبسه ونتنيل ننزل في اليوم الأسود ده.
" قالتها رغد بحنق ليقترب من الخزانه ويمسك فستان أبيض قصير قليلا بالنسبه له لكن لو ارتدته هي سيكون طويل بالنسبه لقصر قامتها الفستان كان أبيض وبه ورود زرقاء ومعه كوتشي أبيض واردف
_ البسي دول ولو الفستان قصير غيريه ادخلي الحمام والبسيه واطلعي وريني ولو وحش تغيري مافيش أي مشكله

_ تصدق وتؤمن بالله أنت إنسان رخم وبارد ومعفن وغتت وباد بوي

ظلت تشتمه وتسبه ودخلت الحمام لتبدل ملابسها وهو جلس مبتسم ابتسامه الرجل الشرقي حين ينفذ شئ كان يخطط له.
بعد قليل من الوقت خرجت رغد من الحمام وهي مبتسمه من هيئة الفستان عليها هي لم ترتديه ولا مره منذ شراءه وحقا تفاجئت بمظهره

_ حلو أوي خلاص انا كده جاهزه و..
قاطعها سيف وهو يشير على ما يظهر من قدمها
_ و اللمض النايلون دي هتعملي فيهم إيه.. اقطعهملك واهوه حل

_ كتك قطعه في نفسك يا أخي ماله الفستان الحته إللي فوق الشراب دي طبيعي تبان لأنه مني دريس وعلشان أنا ميني جيرل بقى عامل كده عليا هو في الحقيقة بيبين جزء أكبر من كده بس العتب على الطول بقى سيف متبصليش كده الفستان عجبني أوي ولله بلاش نبدأ تاني...
" قالتها رغد وهي تحاول إقناعه لكنه لم يقتنع واردف وهو يخرج من الغرفه
_ إللي يريحك اعمليه قال يعني هعرف أخد معاكي حق من باطل حريم ظالمه...

_ يعني ألبسه موافق
" تساءلت رغد لينظر لها و يردف
_ اهوه كويس عن إللي قبله تعالي يلا وخلي بالك وأنتِ نازله أصل البعيد حمار

نزلت رغد وراءه وهي تغني وتقول
_ الحلزونة ياما الحلزونة
" ضحك سيف عليها و أردف وهو يمسك يدها وهي تنزل آخر درجات السلم
_طيب بزمتك دي تصرفات واحده في طب

_ أيوه عادي هو علشان أنا في طب اكئب على روحي لأ طبعاً ده أنا أبقى فرش روبي قالتلك خليك فريش
"قالتها رغد بمرح ثم أكملت وهي تجري لتعبر الباب قبله"
_ مش عارفه هفضل أقول افيهات من 2019 لحد امتى

_ لحد ما تتلفي بالابيض
" قالها سيف بسخريه لتنظر له رغد وتردف بمرح
_ لحد ما اتجوز لأ طبعا ده أنا هقرف جوزي بالافيهات القديمه دي علشان يطلقني وابقى سيده مطلقه

نظر لها سيف بغباء حقا هذا ما فهمته هو لم يقصد الزواج كان يقصد الكفن الأبيض نظرت له رغد واردفت
_ خير في إيه بتبصلي كده ليه قلت حاجه غلط

_ هاه لأ خالص ده أنتِ عبقريه اينشتاين يا بت في نفسك
" قالها سيف بسخريه لتردف رغد بفخر وكأنها على الوشك أخذ جائزه نوبل للطب
_ طبعًــــــــا طبعًــــــــا

_ بتحبي المجوهرات اكتر ولا المراجيح
" تساءل سيف لتبتسم رغد و تردف"
_ إيه السؤال الغبي ده المراجيح طبعاً

امسك يدها و أبتسم
_ طب علينا وعلى الرحاب بارك ده مكان كنت بشوفه على النت وكان نفسي اروحه حرفياً كان حلم من أحلامي من خمس سنين تقريباً واهوه الحلم بيتحقق معاكي يا ملاكي الجهنمي

في ثانيه كان سيف يمسك يد رغد و أمام بوابه الرحاب بارك ( بمنطقه الرحاب ) نظرت رغد حولها بعيون لامعه من جمال المنظر حولها ونظرت لسيف الذي تقدم من الحارس ليدفع ثمن الدخول و اردفت

_ معقول الجمال ده في مصر دي أحلا من تركيا يسطا

_ مصر جميله يا رغد كفايه أن سيدنا محمد صلى الله عليه وسلم وصى بينا أهل مصر وجنودها و المسيحيين إللي في مصر والعلاقه الجميله بيننا وبينهم وكأننا أخوات مصر جميله بس عايزه إللي يحبها مش اللي يقول بكرا أكبر واسافر ايطاليا،تركيا،باريس أيا كان مافيش أحلا من بلدك

" قالها سيف ببسمه ولف ذراعه على كتف رغد ودخل الحديقه الجميله مروا بطريق أشبه بالجسر وتحته مياه جاريه كانت رغد ابتسامتها لا تفارق وجهها وأيضاً سيف سعيد بالمظهر الذي يحمل الكثير من البهجه وجدت رغد أطفال متجمعه وتلعب وأهاليهم بعاد عنهم قليلا ابتعدت عن سيف الذي ظل ينظر عليها وهي تلعب مع الاطفال بالفقعات البابلز وتركض معهم و كأنها طفلة لا ليست كطفله كفراشة حره طليقه لا أحد يطوقها تخيل سيف أنه يركض معها ويمرح كالاطفال وتمنى أن يكون هذا حقيقي ليس مجرد سراب ويتلاشى في غمضه عين...

_ سيف بص في بتاع آيس كريم اجبلك معايا
" قالتها رغد ببسمه لكن سيف كان مازال شارد اقتربت منه وامسكت يده و تحدثت وهي تهزها
_ هاااااه سيف أنت نمت ولا إيه يا سيف صحصح يا عمو سيف يا سيف سييف يا سيف ما ترد يا أخينا أنت بتنام وأنت واقف ولا إيه

نظر لها سيف وهز رأسه بمعنى ( عايزه إيه من أمي)

_ بقولك في عمو بيبيع آيس كريم اجبلك بطعم إيه أنا هجيب توت اجبلك مانجا ولا شوكولاته ولا إيه بالظبط
" قالتها رغد وهي تخرج مالها من الحقيبه ليبتسم و يردف

_ أنا هجيب تعالي معايا

_ لأ أنا إللي ادفع تمن الآيس كريم وأنت الباقي يلا بلاش ترخم عليا
" قالتها رغد وهي تريد دفع ثمن الآيس كريم لكن رفض سيف واردف"

_ لأ الخروجه على حسابي يلا روحي اطلبي الاتنين وأنا هدفع وعايزه توت زيك

_ شكلك مُصر يا سيف اشطا هروح أشتري فوريره واجيلك

وقف سيف يتكئ على السور بجزعه العلوي ويصفر لحن أغنيه (تلات دقات) رغم قدم الاغنيه إلا أنه يحب لحنها جداً
لاحظ نظرات رغد التي ستحرقه وهو يقف ينظر لها ببلاهه لا يعلم سبب نظراتها تلك بدأت رغد بالاشارة على الأرض لينظر هو مكان اشارتها ولكن لم يجد شئ فنظر لها وهي مازالت غاضبه وأشارت له للارض مره أخرى لم يفهمها سيف وظل يبحث بعينيه أن كان هناك شئ على الأرض واصبح يبدو كالغبي أمام جميع من يقف حوله أو كأنه حشاش ويبحث عن قطعه حشيش

أخذت رغد الآيس كريم من الرجل وشكرته واقتربت من سيف و اردفت بهدوء وهي تشتعل من الغضب
_ بتدور على إيه بقولك راسك في الأرض يا عنيا

_ راسي في الأرض ليه يعني خير في حاجه
" قالها سيف باستغراب لتنظر له رغد وتردف بجديه"

_ آه في يا سيف في أنك واقف تصفر ولا كأنك واقف على كورنيش النيل والبنات إللي هناك دول بيبصولك و واحده صورت وشك أنا شوفتها وشكلهم هيجوا يتقدموا قريب يا حياتي

_ اوباااا هي حكايه غيره وكده
" قالها سيف بضحك ولكن كتم ضحكته عندما لاحظ احمرار وجه رغد ليس من الخجل عزيزي القارئ لا بل من الغضب
_ احم متزوديهاش دول شكلهم ستاشر سنه أطفال يعني فكك منهم وهاتي الايس كريم بقا ويلا نمشي من هنا ونروح ده في تماثيل حلوه اوي اوي هنا تعالي

لم تهتم رغد بكلامه واقتربت من الفتيات ومدت يدها قائله
_ أنتِ يا أم أحمر الخدود الفاقع أنتِ هاتي الموبايل دلوقتي وإلا قسما بالله لهرميكي في البحيره دي اللهم بلغت اللهم فاشهد

_ انت إزاي تكلميني كده أنتِ عارفه أنا أبقى مين ولا بنت مين
" قالتها الفتاه بغضب ليقترب سيف منهن و قال بهدوء
_ رغد تعالي معايا من سكات

_ لأ يا حبيبتي محصليش الشرف واتعرفت عليكي وعلى عيلتك الكريمه هتكوني بنت مين يعني يا ضنايا لا تكوني بنت الوزير وأنا معرفش ده أنتِ شكلك من بتوع شقق المهندسين
" قالتها رغد بسخريه لتتقدم منها الفتاه وهي تصرخ قائله"
_ لأ ده شكلك فعلا متعرافيش أنا مين

_ وأنا مال أمي كنت هناسبك ولا هناسبك أنا بقولك هاتي التلفون وامسحي الصور إللي أنتِ صورتيها دلوقتي أنتِ شكلك صغيره ومش هعملك مشاكل

كان سيف يبتسم بغباء وهو يستمع لكلامهم

_ مش ماسحه الصور وزيي زيك أنا معايا صوره إنما أنتِ معاكي القمر كله ومالكيش دعوه أنا حره في فوني

وضع سيف يده على قلبه واردف
_ كلك ذوق
نظرت له رغد ليصمت وصرخت في الفتاه
_ بس لما تاخدي صور لجوزي يبقى ليا دعوه لو ما مسحتي الصور دلوقتى هجيبك من شعرك في نص البارك فاهمه ولا لأ

أبتسم سيف بغباء عندما قالت جوزي اردفت الفتاه بحنق
_ مش ماسحه يلا يا بنات

شمرت رغد اكمام فستانها و اردفت وهي تعطي سيف الآيس كريم ليمسكه
_ طالما يلا يا بنات يبقى هلله هلله ع الجد و الجد هلله هلله عليه
هجمت على الفتاه وجذبت شعرها بقوه لتصرخ الفتاه وتحاول ضرب رغد لكن لم تستطع صديقات الفتاه حاولوا أبعاد رغد لكن رغد كانت كالثور الطائش امسكت بهاتف الفتاه والقته في المياه ليحملها بعدها سيف بعيد عن الفتيات خوفاً أن تنقلب تلك الفسحه إلي فيديو شاهد قبل الحذف فتاه قصيره تقتل أربع اصدقاء بسبب شاب

_ بس بقى يا رغد اهدي الفون بتاع البنت في خبر كان أهدي بقا
" قالها سيف وهو يحاول تهدئه رغد لتصرخ بوجهه قائله"

_ لأ ولو لازم اربيها قال يلا يا بنات قال هي إللي أجبرتني ولا تعرف أنت إللي غلطان من الاول أنت لازم تتحجب اه ما أنت فتنه يا بجح عامل العمله وسايبني اضرب البت يا بجح

_ اللهم طولك ياروح رغد يلا بقا نمشي من هنا ومش هوريكي التماثيل المصنوعة من الحجارة و الرمله خليكي هنا بقا

تفاجأ سيف بالبائع يقترب منه ويقول بغضب
_ ممكن تديني فلوسي يا كابتن وبعدها تتخانق براحتك

_ آه آسف اتفضل مأخدتش بالي
" قالها سيف وهو يعطي للرجل ماله ليردف البائع بغضب

_ طبيعي متاخدش في بالك ما أنت مش ملاحق
كان البائع ينظر على الفتيات حول سيف ليبتسم سيف ويردف
_ الشاب فينا ملهوش غير سمعته

أكمل رحلته هو ورغد و توقفوا أمام تمثال من الصخر على هيئه غوريلا لا هذا ليس تمثال فقط فمن فم هذه الغوريلا هناك شلال ماء قليل المظهر جميل جداً وقفت رغد وامسكت بهاتفها و أردفت
_ تعالا نتصور يا سيف

أمسك سيف الفون من يدها وبدأوا بالتصوير معا عده وضعيات منها الصور المجنونه مثل إخراج اللسان و أن يفعلوا حركه الحول بالعين وبوز البطه وصور آخره كثيره جميله وستختم في قلوبهم و ذكرياتهم

_ ياااه بص يا سيف في واحد بيصور فوتوسيشن.. أي رأيك ناخد كام صور للذكرى
" عرضت رغد ليبتسم ويردف بإيماء"
_ وليه لأ يلا بينا

بدأ الرجل بتصويرهم حمل سيف رغد على كتفه صوره مجنونه وبها معاني لا ترى بالعين بل بالقلب وصوره أخرى رغد تمسك بياقه قميص سيف وكأنها تقوم بتثبيته وصوره أخرى سيف يقف وراء رغد ويمسك بيدها وهي تغمض عيناها
اخذو الصور وهم سعيدون بهذا الوقت الجميل خرجوا من الحديقه وهم يضحكون على أحداث هذا اليوم الطويل

دي نهايه البارت عزيزي القارئ قولوا رأيكم فيه لأنه مهم أوي أوي بالذات إني أول مره أعمل بارت كله للبطل والبطله وبس.. البارت مافيهوش أحداث جامده بس دي بدايه ظهور عشقهم لبعض او مش البدايه بس إحنا شوفنا غيرتهم على بعض وحبهم أنهم يكونوا جنب بعض....

(فديو تمثيلي لسيف و رغد ❤️❤️❤️مناسب لأصحاب كروت الشحن و الباقات)

إيه رأيكوا في رده فعل رغد لما البنت صورت سيف ولا أنتِ مكانها تعملي إيه أنا لو كنت مكانها كنت عملت زي ما هي عملت 🤫😂😂😂

ولو أنت لو في شباب بيقرأوا روايتي كنتوا هتعملوا إيه لو لقيتوا إللي بتحبوها أو أختكم بتلبس ديق وقصير نفسي أعرف بصراحه لأني حاسه أن دلوقتي مش زي زمان وبقى في انفتاح شويتين تلاته 🙃🙃

آه قبل ما نخلص لو لقيت تفاعل على البارت ده وحسب رأيكم هنزل بارت تاني رغد وسيف بس
دمتم بخير وعافية
#منه_العزب
#سيده_الابداع