مـن نـسل المتحولين ( مكتمله)

" فريد من نوعه ،سيف&رغد"

رغم إن البارت إللي فات مافيهوش تفاعل زي ما توقعت بس مش مشكله لعله خير 🤍
+ زي ما وعدت وفيت بوعدي البارت كامل لسيف ورغد و هيكون ٤٠٠٠ كلمه زي البارت إللي فات

..................................

_ لأ يا سيف مليش دعوه أنا عايزاك توديني الغردقه أنت وعدتني أوفي بوعدك
" صرخت رغد بتلك الجمله وهي تحملق بسيف بغضب لينظر لها وهو يستند على دركسيون السياره قائلا"

_ ماشي نكمل رحلتنا بكرا حقيقي أنا مهدود من الإنتقال وكمان أنتِ لففتيني وراكي المكان كله جسمي مهدود وربنا ما قادر

_ وأنا إيه ذنبي يا سيف خليك قد كلمتك أنت مش إللي قلتلي هخرجك و هلففك مصر كلها و شوحت بإيدك كده.... جيت من أول فسحه و تعبت
" قالتها رغد بغضب وهي ترفع رأسه بتحريك ذقنه للأعلى لكي ينظر لها وبالفعل نظر لها لكن بتعب ونظره هي لم تفهمها وكان يدور صراع بين قلبه و عقله
العقل
_ أنت غبي ولا إيه انت بتفكر تنفذ إللي عايزاه دي مش مهتميه بتعبك حتى روح و استريح و سيبها تزن

قلبه
_ أنت هترتاح أصلا لما تشوف بسمتها صح يلا فسحها و فرحها حرام أنت حبستها كتير أنت جربت الحبسه وعارف إحساس أنك تخرج بعد حبسه طويله

عقله
_ خلاص خرجها بكرا انت تعبان من التنقل و اللف وراها طول اليوم هتتعب و هتندم

قلبه
_ أتعب و تعالا على نفسك علشان رغد 

_ سيف أنت نمت ولا إيه يا سيـــــــــــــــــــــف
" صرخت رغد وهي تهزه وهو شارد وبعدها نظر أمامه واردف"

_ خلاص يا رغد هنروح الغردقه بس هتطر أحجز جناح كامل لينا علشان أنا حقيقي محتاج أرتاح الجده قالتلي لو اتنقلت كتير واستخدمت قوايا بشكل مستمر هتعب وأنا مسمعتهاش

_ يــــــــــــــس بجد طيب يلا ننتقل على طول أنت لسه هتسوق المشوار من هنا للغردقه تقولي أربع ساعات بالقليل انتقل على طول أريح
" قالتها رغد بمرح لينظر لها و يردف بجدية"

_ ده أريح ليا يا رغد أنا حقيقي تعبان الساعه كام دلوقتي

_ الساعه تجيلها سبعه بعد المغرب بص ولا متأخر ولا حاجه
" قالتها رغد وهي تنظر لساعه يده ليبتسم و يردف وهو يغمز لها"
_ شاب و آنسه مع بعض بعد المغرب والنظام ده هيستمر لبكرا الصبح لا عندك حق مش متأخر ولا حاجه ويا ترى الشاب ده هيعمل إيه في البنت وهما مع بعض لوحدهم في الضلمه في منتصف الليل و..

صرخت رغد ونظرت له بغضب
_ أنت قليل أدب أنا هبات في اوضه لوحدي ولو مش معاك فلوس اوضتين و مفلس تنام في الشارع فاهم قال مع بعض قال ده عند أمك يا سيف

قهقه سيف بصوته الرجولي الساحر واردف
_ أنا إللي قليل الادب أنا كنت قصدي اخوفك بس مش اكتر
بس تصدقي و تؤمني بالله أنا نفسي ادوق التوت