مـن نـسل المتحولين ( مكتمله)

"كابوس غريب"

"صفعه نزلت على وجه سيف لينظر لوالدته بصدمه فهي و للمره الأولى التي ترفع يدها عليه تصنم مكانه ليردف أيوب بحزن وخزى"

_ ليه كده يا أمي

"نظرت له زهراء و أردفت "

_ يستاهل يا أيوب علشان نسي الطريقه إللي لازم يتكلم بيها مع أمه نسي أنا مربياه إزاي أنت هنا القائد والكل تحت طوعك إلا أنا يا سيف فاهمني ولا لأ

"​لم يتحدث سيف أبدا كان متصنم مكانه ينظر لها بغضب ليردف سهيل بتوتر"

_ بت يا چانا شكل القائد هيتهور و هيعمل حاجه غلط ناو أنا حاسس بكده واحساسي ميخيبش ابدا

_ ولله يعني هيضرب والدته يعني يا سهيل اتكتم بغبائك المتناهي ده

"قالتها چانا وهي تتابع المشهد الذي أمامها بتركيز وكأنها في امتحانات الثانويه العامه لينظر لها سهيل و يردف "

_ حريم ظلمه بصحيح أنا قولت رأيي لو مش عاجبك متستفزنيش أنا مش ناقص اسكتي بقا عايز اركز

"كانت رغد في تلك اللحظه تبكي على ما يحدث بسببها وتنظر لسيف الذي مازال يقف بينها وبين والدته اردفت بدموع"

_ سيف... قول حاجه أنا خايفه

_ أيوب خلي الهانم ترتاح في اي بيت من البيوت أو عند الجده

"قالها سيف وهو ينظر لوالدته بخزى ثم أكمل"

_ أنتِ مش أم.. مش علشان القلم تؤ لأنك مش مقتنعه أنك غلطتي في حقي بكونك ولدتيني أصلا متقلاقيش أنا مش ناسي تربيتك ليا ومش ناسي إزاي اتكلم مع أمي لكن ممكن تكون الأمور هي إللي اتغيرت وحياتي هي اللي اتغيرت عن اذنك

"نظر سهيل لچانا و أردف "

_ الحمدلله توقعاتي طلعت خاطئة المره دي لكن أنا مبسوط

"ابتسمت له چانا و أردفت "

_ أنت تكتم خالص افكارك تودي في داهيه .... هي نادين فين

"تسائلت چانا باستغراب لينظر لها بمكر ويردف"
_ بتجهزلي سهره جميله و..

"قاطعته ضربه من چانا وهي تردف."
_ أندر ايدچ معفن بصحيح قال سهره قال اتنيل يا سهيل متخلنيش اغلط
_ يوووه أنتِ بتقللي من قدراتي وعلى فكره بقى أنا ونادين مع بعض من فتره كبيره طول عمرنا مع بعض بس للأسف كاصدقاء

"نظرت له چانا وعلى ملامحه الحزينه و أردفت "

_ طالما أنت متنيل كده عامل فيها دنجوان ليه... أنت زعلان بجد؟ أنا فكراك بتهزر

تسائلت باستغراب عندما نظر لها ثم وضع رأسه بين يداه بخزى"

_ أيوه ياختي فكراني بحبها حب أخوه علشان كبرنا سوا.. بس أنا مش عايز كده تخيلي بتقولي أنا وأنت أخوات وتوأم
قال توأم قال... لما كنا في المنظمه كنت مرعوب عليها ولما رجعتها تحضني وتقولي أنا واثقه أن اخويا مش هيسبني يا شيخه كنت عايز اخبط راسها في الحيط