########
" بعد يومين "
##########
خرج المأذون يركض خلف هادي و هو ممسك بالدفتر بيد و اليد الأخري يضعها علي العمامه الخاصة به كي لا تسقط من أثر الرياح
المأذون وهو ينهج بشدة : يبني أهدي يبني هي العروسة هتهرب
هادي و هو مازال يركض : لا يا مولااااانا بس هتخرج من المستشفي علي الكوافير عايز أتجوز البت بسرعاااه
ركض المأذون و هادي حتي وصلوا الي باب غرفة نورا
كانت نورا تجلس بالداخل و معها أسرتها و ياسمين و أسرة ياسمين لطالما ظلوا أسرة واحدة طوال هذا العمر ، و كان كريم يجلس هو و محسن و محمد
كريم بملل و صريخ : أنجز أبوس أيدك أنجز عايز أروح أجهز نفسي للفرح
دخل المأذون و هو يأخذ نفسه بصعوبة قائلاً : تجهز نفسك اي أنت كمان دا احنا الساعة ٦ الصبح يعني الفجر أذن من ساعة
ياسمين بسخرية : معلش يا مولانا أصله عرة و بنتنا تهبل الي يشوفها فخايف تتشقط ولا حاجة
هادي بغيظ : اللهم طولك يا روح
ياسمين بترقب: لا يا مولانا قوم روح مفيش جواز هنا
هادي بغيظ : أقسم بالله لو طلع كلامك صح و هيطلقك لكون أول واحد مشجعه
ياسمين ببرود : اسم الله مش روحت قولتله إني متجوزة أهو الراجل يحبة عيني كل دا ميعرفش أني ياسمين الي بيحبها
سهير تحاول أن تداري كسوفها من تصرفات أبنتها : ياسمين فتحت في الردح مش هتقفل
المأذون بنبرة أوشكت علي البكاء : يا جماعة أبوس أيدكم أخلصلوا عايز أروح أنام........جلس المأذون و جلس كريم علي مضض ليكتبوا الكتاب و قد أنتهي المأذون من كتب الكتاب ليقول " بارك الله لهم و بارك عليكم و جمع بينكم في خير "
نهض و أستعد للرحيل ليجد يد تجعله يجلس مكانه : و كتاب الله ابداً تروح بيتك و انت كاتب كتاب واحد فينا بس؟؟؟؟
أبتسم المأذون و قال بملل : اصل العيلة دي بتتجوز بالدستة مين تاني هيتجوز؟؟؟
أبتسم خالد و قال : انا يا مولانا
كريم بنبرة أوشكت علي البكاء : يارب يوم كتب كتابي طلع عين أهلي علشان أتجوزها و يوم الفرح مصحيني من الفجر أشكو إليك ياااارب
ضحك الجميع علي كريم و جلسوا مرة أخري لعقد قران ريحان و خالد
قال المأذون جملته المعتادة ثم نظر لهم : و كتاب الله لو قفلت الدفتر مش هفتحه تاني الي عايز يتجوز يقول قبل ما أقفل الدفتر
ضحك الجميع ليقول كريم مسرعاً : يلا يا مولانا نمشي لسه عايز أستحمي
ليذهب الجميع حتي يستعدوا للأمس و ظلت ياسمين بجوار نورا
هادي بملل و هو ينظر الي ياسمين : اي ؟؟؟؟
ياسمين و هي تنظر له بعدم فهم : اي؟؟؟؟
هادي بغيظ : هو اي الي اي ما تقومي تغوري و سبيني مع مراتي شوية
وقفت ياسمين و هي تردح له : نعم يا الدلعدي أسيبك مع نورا شوية اذا كان مفيش بينكم حاجه و بوستها ما بالك لما كتبت الكتاب أرجع ألقي البت مخلفه تلاته و حامل في الرابع
ضحكت نورا بشدة لتنظر ياسمين لها بتعجب قائلة : يا هبلة انا بهزقك بتضحكي علي اي؟؟؟؟
هادي برجاء : طب حابب أتكلم معاها شويه و هوصلها الكوافير بنفسي
ياسمين بأستفزاز : تؤتؤ نورا هتنزل معايا علي الكوافير دلوقتي
هادي بغضب : يشيخة اللهي ينزل يلمك عنا بقا ابو ام كده
ياسمين بأستفزاز : اوكي يلا يا نوسة نروح الكوافير
غادرت ياسمين مع نورا و ظل هادي يحترق مكانه من الغيظ
(((( قد أتت الليلة المنتظرة ))))))
جلس الجميع في القاعة و كان المنظر كالأتي
قاعة ضخمة تكاد من كبرها تصبح متاهه للزائرين كانت لونها أرجواني فاتح يتوسطها ورود من اللون الأورجوني و مقاعد بيضاء منقوشة بنفس لون القاعة و كذلك الترابيزات ، لتصبح في غاية الجمال تخطف نظر من يراها
دخلت ياسمين و نورا و هي تسير ببطئ حتي لا ترهق و معهم شهد التي لا ترتدي مثلهم فقط ظلت ترتدي الأسود و بعض الأكسسورات الملونة مثل فساتين أصحاب العرائس
ضحكت ياسمين و قالت : تقريباً مفيش حد من صحاب العرايس غيرنا احنا التلاتة الباقي كله هو الي بيتجوز
نورا بضحك : لما نتصور هنبقا أحنا المميزين علشان أقل من العرايس متخيلة؟؟؟؟
كان الجميع ينظر لنورا و ياسمين بنبهأر فكانوا يرتدون نفس اللون الأرجواني الفاتح و فضلت ياسمين ان تفرد شعرها المنسدل الطويل لتبدوا في غاية الجمال
و نورا فضلت ان ترفع نصف شعرها و تفرد النصف الأخر
فنورا أطول من ياسمين ببعض السنتيمترات لذلك أرتدت ياسمين كعب خفيف ليصبحوا في طول بعضهم البعض
و شهد أرتدت فستان أسود خالي من الدنتال و أكسسورات بالألون الأورجوني
بدأ الدي جي ليقف الرجل لطالما كان يزعجني في الأفراح صاحب الكاميرا و رجل الدي جي
أوقف الأغاني و قال جملته المعتادة : ياريت يا جماعة كل واحد علي مكانه علشان العريس و العروسة يدخلوا
نظرت ياسمين بملل لترفع ديل الفستان و تستعد للرحيل
أمسكتها نورا بتسأل : راحة فين يولية؟؟؟؟
ياسمين بغيظ : سبيني فرح أول واحدة من شلتنا لازم يبقا مميز
تركت نورا يدها بيأس لتذهب ياسمين للدي جي قائلة بحنق : أنت ياض هات الميكرفون و أتلقح في اي داهيه
نظر لها الشاب بدهشة و أشار الي نفسه قائلاً: افندم حضرتك بتكلميني انا؟؟؟؟
ياسمين بأبتسامة : كنت هتخانق معاك و أجيبك من شعرك بس بعد كلمة حضرتك دي هكلمك بالذوق و أقولك هات الميكروفون و أعد علي جنب
نظر الشاب للهاتف ليرا الأمن ينبه بدخول العروسين
نظرت ياسمين في نفس إتجاه لتمسك الشاب في الغرفة التي بجوراه و تقفل الباب عليه
وقفت ياسمين علي الدي جي و أمسكت بالميكروفون و هي تقول بسعادة : سمعاني يا جماعة الوووو بيب بيببب
سمع كريم من الخارج صوت ياسمين ليلطم و هو يقول : كده مفيهاش فيرست لوك الله يخربيتك يا ياسمين أشوف واحد يهدك يا بعيدة
دخل كريم لتبدأ ياسمين الغني : بيب بيب بيب بيب متزينة الليلة عروستتا حلوة جميلة
نظر الجميع تجاه ياسمين و هم يضحكون بشدة ليصرخ كريم بها : عروسة مين حوللللله انا العريس العروسة لسه هتدخل يا أستاذة عبلة كامل
نظرت ياسمين بتعجب لتقول في الميكروفون : اسفين يا كيمو من كتر التلزيق بتاعك قلبت علي شكل نديم
ضحك الجميع بشدة لينظر كريم تجاهها بغضب حتي قاطع حديثهم دخول نديم ......فقد كانت قطعة من السحاب وسط السماء لتبدوا بفستانها الأبيض الخلاب ملكة جمال قلب كريم
وقف كريم و هو لا يصدق نفسه و ينظر لها بأنبهار : اي الجمال دا بجد اي الجمال دا؟؟؟؟
أبتسمت نديم بخجل ليحضنها كريم بسعادة أمام الجميع
ياسمين في الميكروفون : شوفتوا يا جماعة ادي دا واحد قليل الأدب و حضن مراته قدام الناس أخص علي الرجالة أخص
تركها كريم تتحدث فهو كان شارد بعيون تلك الهاربة من أحد ملوك الجمال و قدمت كي تأثر قلبه
ظلت ياسمين تتحدث و تقول : و دخلت المزة أمام العرة شوف شوف بنتنا قشطة إزاي و العريس مقشف .....شوف شوف الطعامة .....و دلوقتي كريم مسك ايد نديم و هي قد أمسكها و ها قد أقترب منها و جوووووووون حضنها هالله هالله علي السفالة
أمسكت نورا بديل فستانها و هي تقول : أنزلي أنزلي أنتِ اي مش بتتهدي الله يهدك دا فرح مش ماتش
نزلت ياسمين و هي تقول : بصي يا ام جنب مخروم أعدي علي جنب لسه فيه أربعه داخلين كمان
رجعت ياسمين للدي جي و هي تقول : الممحون يجي جنب علشان الي بعده يدخل
نظر كريم بحنق لياسمين علي تصرفاتها و هو يقول لنديم : أولع فيها طيب و أريح البشرية
هادي من خلفه : يارب يجي الي يهدها و يبعدها عن دماغنا يارب
رد الجميع بنفس واحد : اااااامين
فتح باب القاعة ليدخل منه خالد بصحبة ريحان
أبتسمت ياسمين بسعادة و هي ممسكة الميكروفون و تقول : العريس العبيط وصل يا حاااارة الي كان هيضيع البت من أيده و انا الي رجعته ليها طب و الله لتسقفوا ليا
نظر جميع من في القاعة لها لتبرق لهم ياسمين بشر و هي تصرخ بالميكروفون : سقف ياض منك ليها
سقف الجميع و هم يضحكون عليها فهذة أغرب دخلة لفرح قد شاهدوها في حياتهم
دخل من خلفهم فريدة برفقة محسن
و دخل إسلام بحبيبته الصغيرة المدللة حنين
لتبدأ أجواء الأحتفالات بينهم بسعادة
#####
خلع نظراته عند خروجه من المطار ، نظر للمكان حوله بحنين شديد فقد مرت سنين من الغربة و ها قد عاد مرة اخري
أستنشق الهوا براحة لم يشعر بها من قبل
ليقطع شروده صوت التاكسي و هم يقنعوه الصعود معاهم
وقف بملل و هو يعيد نفس الكلام الذي قاله لمئه سائق قبله : شكراً انا معايا عربية
الرجل بسخرية : و مالك متقنعز لي و أنت بتقولها
نظر لها بتعجب و قال : بتقنعز!!!!!!!!
نظر لها الرجل و ملامح الغضب علي وجه : اه كل الي رايح و الي جي ماشي يدوس علي خلق الله اي مفيش في قلوبكم رحمه
حس الشاب أن هذا الرجل قست عليه الدنيا أكثر من اللازم لذلك قرر أن يهون عليه حته و لو قليل : خلاص يا حج انا والله لهركب معاك توصلني يكش تولع العربية
نظر الرجل لها و كأنه كان يتوقع أن يشخط به و يخانقه كمثل الذين لا يقدرون الناس : لا يبني والله ما أقصد انا بس مخنوق من معاملة الناس روح لعربيتك
الشاب بأبتسامة خلابة : والله أنا حلفت يا حج يلا بقا نفسي أشوف بيتي
نظر له الرجل بضحكة بشوشة و يفكر لماذا لا يكون جميع الشباب مثله
ركب معاً و بعد ساعة و نص وصل أمام منزله و هو يستعد ليحمل حقائبه و حقائبها فتلك المشاغبة نجمته المجنونة رحلت و تركت جميع أغراضها ، يعلم انها رحلت لسبب و يعلم أنه قسي عليها برسالته الحمقاء و لكن غلبه الخوف تجاه أن تكون لا تحبه فهذة الفكرة جعلته يفقد أعصابه
كاد يخرج ليري أحد ينادي بأسمه : احمد!!!!!!
لم يكن سوا أبيه و هو متعجب من قدومه اليوم فهو كان يعتقد أنه سيأتي بعد عدة أيام
ذهب احمد الي ابيه سريعاً و هو لا يصدق أنه رأي أبيه بعدة تلك السنين
شريف بسعادة و دموع الفرح في عيونه : مقولتليش لي أنك جي لي يبني دا انا هموت و أشوفك من سنين لولا حلفانك عليا
احمد و هو يقبل يد أبيه : علشان كان نفسي أشوف فرحتك دي يا بابا كنت محوش أستحمل البعد دا كله علشان أشوف فرحتك دي
حضنه شريف و مسح دموعه و هو يقول : طب يلا أطلع أجهز و انا هستناك
احمد بتعجب : هنروح فين؟؟؟؟
شريف ببسمة : هنروح فرح نديم و محمد و صحابها
احمد بدهشه : نديم هتتجوز ؟؟؟؟ و صحابها كمان هو كام فرح ؟؟؟؟
ضحك شريف و قال : خمسة يلا يلا أنجز هنتأخر
ليصعد المنزل و يفتح شنطه كي يختار ما يرتديه ليرا جاكت أسود و البلوفر الأبيض الخاص بها ابتسم بحنان و هو يتذكر ملابسها ليلة عقد القران ليقول في سره : أمتي هشوفك يا نجمتي المجنونة
أستعد احمد و ذهب مع والده الي فرح نديم و أخيها و أصحابها كما يقول والده
########
وسمع هوووووص
و دي صاحبتي و عشرة عمري و بيني سنين
كريم بغيظ : و كتاب الله يا ياسمين صوتك يقرف و أتفضحنا أنزلي بقا
ياسمين بأستفزاز : تعرف إني كان نفسي يبقا جوزي صوته حلو بس تقريباً دي أنسان كئيب
هادي بتلميح : هنقوله و نشوف الحوار دا
ياسمين بتحدي : و انا هقول لنورا حاجات بردو كتير
نظر هادي لنورا فكان جمالها رقيق و فريد بخجلها و خدودها التي تتورد عندما ينظر لها
ياسمين بتقزز : يخربيت محنك أنت ياض يا ممحون
رد كريم سريعاً : نعم؟؟؟؟؟
ياسمين و هي ترفع حاجبها : هو أنت خلاص أتعودت أقولك ممحون
ضحك الجميع و رضت ياسمين أن تجعل الدي جي يشغل أغاني و أن تكف عن أفضاحهم قليلاً كي ترتاح و لكن هي لم تستسلم
نظر كريم بعشق لنديم و هو يقول : فاكرة لما كنا علي السفينة و جتلي إني أغني أغنية و قولت هغنيلك الأغنية يوم ليلة العمر
صفقت نديم بحماس قائلة : ياريت ياريت يا كريم انا بحب صوتك أوي
نهض كريم وقال : من عيون كريم
ذهب الي اخته اولاً ليجد هادي بجانبها
كريم بغيظ : هالله هالله أنت فاكر أنك أخوها لوحدك و هتتغزل فيها لوحدك
ضحك هادي و فريدة ليقول كريم : أختي أجمل عروسة تشوفها عينيا مش مصدق أنك كبرتي خلاص و بتتجوزي يا فريدة
فريدة بدموع الفرحة : ربنا يخلينا لبعض و ميحرمنيش من طيبة قلبكم دي
تدخل محسن و هو يقول : طب و مش عايزة يخليلك جوزك
فريدة و هي تنظر له : ربنا يديمك ليا العمر كله
ليقول هادي بتهديد ممتزج بمزاح : لو عرفت بس أنك زعلتها يا محسن هخليك تندم والله
كريم مكمل : أختنا وراها رجالة و كمان رائد في الدخلية و شغال في المخابرات يلهوي يلهوي علي الي هيحصلك
ضحك محسن و هو ممسك بيد فريدة بحنان : متقلقوش عليها دي جوة عينيا
#######
نظرت هديل بدموع الفرح و هي تقول : قمر يا ريحان كان نفسي أعيش و أشوفك بالأبيض قبل ما يحصلي حاجة
ريحان معاتبة : بعد الشر عليكي يا ماما متقوليش كدة لعيط معاكي و نقلبها نكد
أوليفار بدموع : انتِ جميلة خالث يا اروسة
هديل بتعجب : اروسة!!!!!!
ضحكت ريحان ليقول خالد : هو عم أوليفار لسه بيتعلم مصري كل دا؟؟؟
هديل بحسرة : تقريباً قرر ميتعلمش مصري و يتعلم ينقطني
ضحك الجميع و أعتذر خالد لهم علي ما حدث معهم
لتقول هديل بتسأل : أنتِ لي مرضتيش أقول ان ياسمين سافرت علشان صحبتها كانت بتموت و كمان مقولهوش أننا نازلين مصر علشان فرحك
ريحان بخبث : شوية و هتعرفي كل حاجة
#######
ظلت جالسة جواره بخجل لم تتوقع قط أنها ستجلس علي كرسي الزفاف بجانب رجل تحبه بهذة السرعة فهي لم تعرف معني الحب يوماً فكان أصدقائها يقولون لها : من كثرة جديتها في العمل أنها معقدة
محمد بسعادة : تعرفي اني مبسوط أوي
سارة بخجل شديد : وانا كمان
محمد بأبتسامة وهو يقبل يدها : ربنا يخليكي ليا
صعدت ياسمين علي الأستديج مرة آخري لتمسك الميكروفون و هي تغني : جاااامدين و مفيش إلا احنا جاااامدين جااامدين......حلوين و مفيش إلا احنا حلووووين حلوووين
تعالات الأصوات ليقول إسلام بصوت مرتفع : ووووييي
نظر الجميع تجاه ليقول : هما بيغنوا و يقولوا ويوي في النص بتبصولي كدة ليه؟؟؟
ضحكت حنين ضحكتها الطفولية و هي تقول : شكلك اهبل اوي
إسلام بتعجب : اهبل !!!! من أولها هتشتميني
نظر لها ثم أكمل بسعادة : تعرفي ان دا أحلي يوم في عمري انا مكنتش أتخيل اني هبقا مبسوط بالشكل دا
نظرت حنين بخجل ليكمل هو : من أول يوم لما خبطتي فيا و فضلتي تعيطي و تعتذري حسيت أنك بنتي الصغيره و خايف عليها لدرجة كان نفسي أحضنك علشان أطمنك بس أكتشفت اني بحبك اوي يا حنين
توردت خدود حنين ليبتسم هو لخجلها : طب اي مش ناوية تقوليها؟؟؟؟؟
كادت تتحدث
لتغلق أنوار القاعة جميعاً و يسلط الضوء علي كريم و هو يقف في المنتصف و يمسك الميكروفون بتلك الأناقة التي جعلته قادر علي لفت أنتباه من يراه
وقف و هو يغمز لنديم و لتبدأ موسيقي الأغنية........
نولتها لي هي كلمة قلتها لي قلبي داب
دار علي شكل دائرة لتفتح أنوار القاعة جميعها مرة أخري
نظر إسلام بضحك و قال لحنين : أهو كريم عبر علي الي عايز أقوله
........فرحتني، غيرتني، وصلتني فوق السحاب
مسك كريم يد نديم و هو يتراقص بها بسعادة و يكمل :......
خلي أيامي معاك، حلي عمري بهواك
أيوه هفضل ليك وبيا وبيك أنا إستكفيت
يا اللي، يا اللي يا اللي ضلك صاحب ضلي
قلتها على طول وهفضل أقول.... أنا حبيت
والليلة الليلة
ليلة، ليلة، ليلة
ليلة، ليلة العمر
والليلة الليلة
ليلة، ليلة، ليلة
ليلة، ليلة العمر
دخل احمد القاعة ليبتسم شريف وهو يبحث عن ياسمين فهو يعلم ما حدث معهم من هادي و يريد أن يحل هذا الأمر
تقدم احمد و هو يتسأل : يلهوي كل دي أفراح نديم فين وسطهم
لمح شريف ياسمين تركض وراء هادي ليقول بخبث : هناك هي و عريسها بيرقصوا علي الأستديج
ذهب احمد تجاهم
أثناء ركض ياسمين تجاه كريم كي تأخذ منه الميكروفون......
ليصطدم الأثنان ببعضهم البعض و يسقطوا أرضاً
ضحك كريم علي منظر ياسمين و تقدم منها و هو يغني بغيظ :........
في حد عادي وحد تاني مرة واحدة بنلاقيه
لينظر لنديم و هو يضمها و يكمل :
هو أنت عارف يا حبيبي أنت بالنسبة لي إيه؟
كادت تنهض ليذهب كريم من أمامها سريعاً وقفت هي تنفض التراب من فستانها و كادت تشتم لترفع نظرها بغضب
احمد بغيظ وهو يرا دبلته سقطت من يده : أنتِ مش شايفه قدامك ...........
لم يكمل كلامه و هو ينظر لها بصدمة فها هي حبه الأول تقف أمامه
ياسمين بخوف : انا آسفة
لتحضر له دبلته التي سقطت منه و هي تبتسم بسعادة غارمة حين رأت أنه لم يخلعها من يده
كادت أن تذهب ليوقفها احمد فهذا الصوت ليس غريب عليه
احمد مسرعاً : ثواني ثواني مش أنتِ ياسمين؟؟
دق قلب ياسمين بشدة لا تعلم ماذا تفعل تري هل يسألها أنها ياسمين زوجته ام ياسمين حبه الأول
ألتفت ياسمين بتوتر شديد تحاول أن تغير نبرة صوتها كي لا يميزها : اه أنت تعرفني؟؟؟
نظر احمد لها بشك و هو يحاول أن يجعلها تتحدث أكثر كي يميز صوتها : أنا الي كنت معاكي في المينا من أربع سنين
ياسمين و هي تمثل أنها تتذكر : اه اه أفتكرت أزيك يا احمد عامل اي؟؟؟
احمد بسخرية : بس انا مقولتلكيش أني اسمي احمد
ياسمين بتوتر :ما عرفت من هادي و عمو شريف بعد الحادثة
لتنظر حولها و كأنها تستنجد بأحداً : انا لازم أمشي عن اذنك
ذهبت بعيداً و هي يدق قلبها بسرعة شديدة فهي سعيدة حقاً لرؤيته و خائفة من ردة فعله حين يعلم الحقيقة
تركها احمد و هو يحاول أن يقنع نفسه أنها ليست ياسمين زوجته ولكن هذا الصوت و تلك الحركات فهو حفظ كل شئ يخص زوجته
ذهب الي نديم لتراه نديم و تبتسم بسعادة شديدة : احمد أنت عمليتك نجحت؟؟
احمد بخبث : و أنتِ عرفتي إزاي إني كنت بعمل عملية؟؟؟
نديم بتوتر : ها .....اصل
ليكمل أحمد : ياسمين قالتلك
أعتقدت نديم أنه عرف الحقيقة لتقول بغباء : أنت عرفت ان ياسمين مراتك هي تبقا ياسمين صاحبتي
وقف احمد من شدة الصدمة لا يعرف ماذا يقول : اي؟؟؟
نديم و هي تضع يدها علي فمها سريعاً : مفيش مفيش منور يا احمد
وقف احمد و أخذ يربط الإحداث ببعضها وهو يتذكر حديثها معه
" لو ياسمين حبيبتك طلعت انا هتكون مبسوط؟؟؟"
"نظرت ياسمين له و عروقه الذي خرجت للتو من كثرة العصبية لتقول ببكاء : كويس أن ياسمين أتجوزت و سابتك "
"جلست بجواره قائلة : اه ، انا بحب واحد وهو كمان بيحبني .....نظرت له و قالت بغيظ : بس هو غبي فاكر أني مكنتش هقدر الي هو فيه ، او الأصح هشيل نفسي الذنب و هكون معاه علشان مشفقه عليه مش علشان بحبه
سأل احمد : هو ماله ؟؟؟
نهضت ياسمين و هي تمسح دموعها : هو غبي ، يلا علشان نلحق مشوارنا "
نظر لنفسه بغيظ شديد و هو يقول : انا فعلاً غبي يا ياسمين ، غبي إني معرفتش سبب تضحايتك دي كلها ليا
نديم متسأئلة بقلق : مالك يا احمد أنت كويس؟؟ أنت زعلت لما عرفت الحقيقة ؟؟
احمد بسعادة و لغبطة: زعلت اي أنتِ مش متخيلة فرحتي ليكمل بتذكر :اه اه شلبي فين؟؟؟
نديم بتعجب : شلبي مين؟؟؟
احمد و هو يتذكر : فيه كرتون فيه شخصيات شلبي و وشوشني، ياسمين تبقا وشوشني مين بقا شخصية شلبي؟؟؟؟
نديم بتفكير : أنت تقصد نورا؟؟؟؟
أحمد مسرعاً : اه هي فين ؟؟؟؟
نظرت نديم بعيونها تبحث عن مكان نورا لتجدها تجلس بجوار هادي علي أحدي الترابيزات
أشارت علي أتجاههم و قالت : أهي قعدة مع هادي هناك
نظر احمد بشوق حين سمع أسم صديقه فمرت أعوام منذ آخر لقاء بينهم نظر في مكانهم ليجده يجلس قرب فتاة بسيطة حتي كسي الجمال ملامح وجهها أقترب منهم من الخلف ليسمع هادي يقول : علفكرة أنتِ زي القمر النهاردة
توردت خدود نورا خجلاً ليكمل هادي بغيظ : مش كان زمانا بنتجوز دلوقتي
رفع هادي يده في السما و هو يدعو : منك لله يا ياسمين أشوف فيكي يوم أنتِ و جوزك دايماً مطالعين عين أهلي
ليجد يد توضع علي كتفيه و تقول : نعيش و نطلع عين أهلك
ألتفت هادي مسرعاً ليجد احمد يقف أمامه ليقول بصدمة: احمد !!!!!
أبتسم احمد بحنين حين رأي الدموع تكونت في عيون صديقه ليمسكه هادي بلهفة : مقولتليش لي أنك جي .....أخيراً يا احمد أخيراً نزلت ولي غيرت كل أرقامك في آخر أسبوع يا أحمد
حضنه احمد بشدة هو الأخر : حبيت اعملها ليكم مفأجاة وحشتني يا صديقي
جلس احمد و هادي ليبادر هادي قائلاً : أقدم ليك يسيدي مراتي نورا صاحبة العقربة مراتك
احمد مرحباً : أزيك يا شلبي
شهقت نورا ليضحك احمد قائلاً : تعرفي أنا اتخنقت مع صاحبتك قد اي علشان كنت فاكر أن شلبي دا راجل بجد
نورا بصدمة : أنت عارف ان ياسمين مراتك تبقا صاحبة نديم؟؟؟
احمد مبتسماً بسعادة : لسه عارف حالاً بس عايز أعرف اي الي نزلها و سبتني وقت العملية مدام أنتِ قريية منها أوي كدة أكيد هتقولك
نورا بحزن : أنا السبب
هادي معاتباً : أنتِ ملكيش ذنب انا السبب أني وثقت في واحد زي تامر و خدعني و خطفك
احمد بتعجب : تامر!!! و خطفها!!!!!!!
نظر هادي له و حكي كل شئ ليقول بعد أن أنتهي : في النهاية باباك أستلم العملية مكاني و الحمد الله قبضنا علي الشرقاوي و ياسمين أتبرعت بالدم لنورا و لما جت تكلمك لقت رسالتك أنك هتطلقها
نورا بسعادة : بس انا كنت واثقة أنك مش هتطلقها قبل ما تشوفها علشان كدة كنت بصبرها
احمد بسعادة فقد أحس أنه يملك الكون و ما عليه ليقول مسرعاً : رني عليها بسرعة يا نورا و شوفي سبب تخليها تقابلك فيه في أوضة العمال الي قدام القاعة
أخذت نورا هاتفها بحماس فهي عرفت كيف تحضرها : الو ....ياسمين تعالي بسرعة في أوضة العمال هادي خدني جوه و هيقفل الباب عليا وانا خايفة
جري الدم في عروق ياسمين و هي تقول بعصبية : و كتاب الله لهطلقك منه السافل الحقير دا
أغلقت الهاتف لينهض احمد وهو يشكر نورا كي يذهب الي الغرفة قبلها و أخذ يركض بسرعة
هادي بتعجب : انا أتهزقت لي؟؟؟؟؟
نورا معتذرة : معلش يا حبيبي دا كان الحل الوحيد علشان تيجي هي بتسمع سيرتك بتتعفرت
########
دخلت الغرفة و ملامح الغضب تحتل وجهها بشدة لتصرخ قائلة : أنت فين يا هادي الكلب؟؟؟
خرج أحمد من خلف الباب ليقول : أزيك يا ياسمين؟
أرتخت عروق ياسمين بعد أن سمعت صوته لتنظر بتوتر قائلة : بخير
ألتفت حولها ثم قالت بتعجب : أنت اي الي جابك هنا؟؟
جلس احمد علي أحدي الكراتين الورقية و هو ينفض يده الأثنان ببعضهم قائلاً : مفيش يستي عايز أتكلم معاكي في موضوع مهم
بدأ القلق يتسلل في قلب ياسمين لتقول متسائلة : موضوع اي؟؟؟
أحمد ببسمة خبيثة : تعرفي أني لما أنقذتك علي المينا أنقذتك لي؟؟؟
ياسمين بقلق و هي تلتف حولها : لي؟؟؟؟
احمد بصدق: علشان بحبك
زاد توترها و هي تحاول إلا تنظر له ليكمل هو : أنا الي رقصت معاكي تحت المطر يا ياسمين
ياسمين بتعجب و هي تحاول أن تخرج الكلام من فمها بصعوبة : أنا دلوقتي متجوزة مينفعش حضرتك تقولي الكلام دا
ضحك احمد بشدة و هو يقول : طب ما أنا اتجوزت بردو.....يوم لما وقعت من علي المينا فقدت البصر و سافرت و أتجوزت واحدة اسمها ياسمين بردو
ياسمين بتوتر أشد : ربنا يخليكم لبعض
احمد بخبث : لا يستي لا انا ما صدقت أنها مشيت و بعدت من نفسها انا كنت لا بطاقها و لا حاببها كانت بثبتها بكلمتين حلوين و خلاص
ياسمين و بدأت الدموع تتكون في عيونها : يعني محبتهاش
احمد بمكر أشد : محبتش غيرك أنتِ و كدة كدة أنا هطلقها و أنتِ سيبي جوزك و نتجوز أحنا الأتنين
ياسمين بحزن : كمان هتخونها و رغم كل الي أستحملته علشانك هتغدر بيها
احمد بخبث : و عرفتي منين أنها أستحملتني؟؟؟
ياسمين و هي تمسح دموعها : أكيد مش بتقول كانت معاك طول ما أنتِ فاقد البصر
احمد و كأنه تذكر : اه اه .....المهم هتتطلقي من جوزك أمتي؟؟؟
نظرت له ياسمين و هي تحاول أن توقف دموعها و لكن دون فائدة : آسفة يا أستاذ احمد انا بحب جوزي و مش هفكر أسيبه في يوم حتي لو هو قرر يبعد عني
رق قلب احمد ليقرر أن يتوقف عن مشاكستها نهض و أقترب منها لتتراجع هي للخلف حتي أصبحت ملاصقة للحائط خلفها كان علي بعد سنتيمترات منها و قال بحنان : طب مدام بتحبي جوزك أوي كدة سبتيه لي لوحده و مشيتي يا ياسمين
ياسمين بتوتر : قصدك اي؟؟؟
احمد و هو يلاعب خصلات شعرها بحنان : انا عرفت كل حاجة يا ياسمين
نظرت له ياسمين بصدمه حتي سقطت دموعها لتضمه بشوق و هي تبكئ بشدة : كان غصب عني كنت عايزة أكون معاك أول ما تخرج و تعرف أني ياسمين الي حبتها
ضمها احمد هو الأخر بحنان و شوق و هو يحاول أن يهدائها : أهدي خلاص حقك عليا انا كنت برخم عليكي والله .... خلاص بقا و حياة عم شكشك
ضحكت ياسمين بين بكائها ليكمل هو : وحشتيني أوي
نظرت ياسمين بخجل لتتدفن رأسها داخل صدره و هي تقول : مبعتش الورقة لي يتربية زبالة يلا عايز تطلقني
ضحك احمد بشدة و هو يقول : يستي سيبي مشهد رومانسي بيني و بينك يعدي بسلام
نظرت له ياسمين بشوق : أنت كويس من بعد العملية صح محصلكش حاجة او تعبت؟؟؟
احمد و هو ممسك بيدها : دلوقتي أنا كويس لما شوفتك و مبسوط لما حبيبة عمري طلعت مراتي انا بحبك أوي يا ياسمين
دخل الجميع ليصرخ هادي : ماسك أيدها و بتتكلموا عادي وكتاب الله لهقرف أهلكم زي ما قرفتي أهلي يا ياسمين
تقدم شريف و هو يبتسم : مشوفتش أجدع من ياسمين تساعدك و تقف جنبك بالشكل دا أنت حبتها قيراط هي حبتك مية قيراط يا احمد
أكمل عبد الرحمن والد ياسمين : ربنا يخليكم لبعض يبني و يسعدكم
احمد بتعجب : هو باباكي عارف؟؟؟
همست ياسمين له و قالت : كل العيلة عارفة و حياتك علشان تعرف أجابة سؤالك لي واحدة تقرر تضحي بحياتها علشان واحد علشان الأجابة كانت سهلة أوي بس أنت غبي ......صمتت قليلاً و قالت : علشان بحبك يا عم شكشك
أبتسم احمد بسعادة شديدة و هم يخرجون جميعاً لأكمال الأحتفال ........
######
خرج الجميع للخارج و أحمد ممسك بيد ياسمين لا يريد تركها لتقول له ياسمين بسعادة : تحب تعرف الأربع عرايس التانين
احمد بحماس شديد : اه أوي
وضعت ياسمين يدها علي عيونه و هي تقول : تعالي معايا هوريك العروسة التانية
أغمضت عيونه و أوقفته أمامهم قائلة : فتح
فتحَ أحمد عيونه ليجد ريحان بفستانها الأبيض احمد بتعجب و هو لا يعرف من هذة : الف مبروك يا عروسة لينظر لخالد و يكمل : ألف مبروك يا عريس
ثم نظر لياسمين و تسأل بهمس : مين دول؟؟؟
ياسمين بمكر : خمن كدة
بدأت تتكون الدموع في عيون ريحان بعد أن رأت السعادة في عيونه
لتقول : حمدالله علي سلامتك يا صديقي الصدوق
نظر أحمد بصدمة و هو يقول : ريحان!!!!!
ياسمين بغيظ : يا مستفزة كنت عايزة أرخم عليه
ضحك خالد ليبتسم أحمد بسعادة وهو يبارك لهم و حكت ياسمين له ملخص علاقتهم و كيف تزوجوا
ليرا هديل تتقدم تجاههم و هي تحضنهم و تحمد الله علي سلامتهم
ذهب احمد و ياسمين الي كريم ، ليجدوا كريم يصرخ بالجميع و هو يقول : والله ما هغني تاني هي أغنية واحدة لمراتي الله يخربيتكم هتنبحوا صوتي
ياسمين بتشجيع : يلا يا أخوانا أحرقوا دموا و خليه يغني
كريم بنبرة أوشكت علي البكاء : علشان خاطري يا ياسمين اهدي بقا هتجلط والله .......لينظر لأحمد و يكمل : انت يا اخ يلا طلعت جوزها ساعدني يساعدك ربنا علي البلوة دي
كادت تتقدم ياسمين تجاه بغيظ ليشدها احمد لحضنه
وهو يضحك بشدة و قال : أنتِ عاملة قلق للناس دي كلها لي؟؟؟
ياسمين بتمثيل : بيخرجوني عن شعوري و انا جوايا ست مؤدبه هما الي رمامه و غجر و مش من مستوايا
ضحك الجميع بشدة علي تمثيل ياسمين ليذهب احمد و يمسك الميكروفون من كريم : روح يبني عند مراتك انا هتصرف
ياسمين و هي تتدعي البكاء: انا عايزاه يغني بقا مليش دعوة
أقترب هادي من احمد قائلاً : ممكن أختار أغنية
هادي بأبتسامة : قول يا ولهان
همس هادي في أذن احمد ليبتسم احمد له و هو يهز رأسه
ياسمين بعدم فهم : في اي؟؟؟
هادي بأبتسامة : هتعرفي يختي علشان تقولي كان نفسك جوزك يعرف يغني عايزك تسمعيه كويس أهدي شوية بقا يهدك ربنا
ذهب احمد لتبدأ الأنوار في التسليط عليه و هدأ الجو لتبدأ رتم الأغنيه ........
أخذ نفس عميق و أغمض عيونه ثم فتحها و هو ينظر لها هي الذي خطفت قلبه بأكمله لتأثره في حبها:
نخبي ليه فى أسرارنا وانا وأنت مفيش غيرنا
نظر هادي الي نورا ليتقدم منها و هو يضم رأسها بيده الأثنان : تعرفي أن الأغنية دي بتمثل قصة حبنا
أبتسمت نورا ليسمعوا غناء احمد .........
ولو ننسى مشاعرنا نكلم مين يفكرنا
يا روح الروح بتنسانى و انا فاكر ومش بنساك
تقدم احمد من ياسمين و هو يمسك يدها و يراقصها ثم أكمل.......
تغيب عن عينى من تانى ومن غير حب أعيش ازاي
ومهما تغيب بعيش وياك و أشوفك وردة في الشباك
ودمعة حب فى عينيا بتستناك يا احلى ملاك اااااا اك
نهض العرسان ليتراقصوا جميعاً علي صوته فقد كانت القاعة تمتلئ بكثير من المشاعر و الحب ...............
قالولى الحب له علامات فى نبض القلب والهمسات
وروح تنادى عليك ورعشة ايدى فى السلامات
فى عز سكوتنا نتكلم عيوننا بتحكى
وبتحلم وانا حسيت بأنفاسك تدفى ايديا و تسلم
اقول انا اه
ومن غير صوت تحبنى موت واحبك موت
واحساسنا يونسنا واقوى من الحياة والموت
أنتهي من الغناء و هو يقترب منها و يراقصها أمام الجميع
كان الجميع في حاله دهشة لتبدأ التسؤلات وقفت نورا تشرح لهم أن ياسمين متزوجة من احمد
دخل بسرعة شديدة بفستانها الرقيق و شكلها الطفولي لتخبط به بشدة و يسقطوا أرضاً
يوسف معتذراً : انا آسف مخدتش بالي
يمني بتوجع : خبطني جامد.....
يوسف لا يعرف ماذا يفعل ليمسكها من يدها الأخري محاول أن يسندها
كانت ستسقط مرة أخري و لكن أمسكها بيده سريعاً
يمني بخجل و هي تنظر ليده المحاطه بها
ليبعد يوسف يده سريعاً و هو يعتذر لها
حتي قال يوسف ببسمة بلهاء : أنتِ يمني السيد صح؟؟؟
أؤمات يمني رأسها ليكمل يوسف بسعادة : انا متابع البرنامج بتاعك و حابب أتناقش معاكي في حاجات كتير
يمني مشجعة : حضرتك أعلامي بردو؟؟؟
يوسف ببسمة : انا محامي........
بعد أنتهاء الفرح أستعد الجميع علي دخولهم حياة جديدة و صفحة بيضاء مع شريك حياتهم ..........
#######
" بعد مرور ثلاث أعوام "
#######
يبني يبني تعبت والله تعبت أعد بقا......كان هذا صريخ نديم و هي تصرخ في أبنها (مالك )
دخل كريم ليجد المنزل مبعثر و نديم تجري وراء هؤلاء الصغار و تصرخ بهم حتي ألقت الشبشب في وجه أحد منهم ليأتي في وجه كريم
كريم بخوف : في اي يخربيت السيرك القومي دا في اي؟؟؟
نديم بصريخ : أبنك الي مكملش سنتين ماشي ورا البت جميلة بنت شهد مسبهاش بوس
ضحك كريم بشدة و قال : يبنتي دول أطفال مش في دماغهم حاجه
نديم بحسرة : و لما شهد تيجي من السفر هقولها معلشي أصل الواد صغير
كريم بضحك و هو ينهض و يقبل رأسها : أهدي يا حبيبتي كدا غلط العصبية علشان الي في بطنك
نديم بغيظ : خلاص لما مروان و شهد يرجعوا من السفر و يلاقوا أبنك بيبوس بنتهم أبقي قولهم معلش عيال
ضحك كريم علي غضب زوجته فهو تعود في حملها الأول أنها سريعة الغضب و العصبية في الشهور الأخيرة
ليقترب منها و هو يقبل رأسها : حبيبة قلبي خلاص انا هفهموا
نديم بغيظ : ياربي انا قادرة علي واحد علشان أحمل في تاني منك لله يا كريم
كريم بحنان : علشان نفسي أكون عيلة و أعيش وسطكم بدل ما كنت طول عمري يتيم
هزت نديم رأسها فهي تعرف شعور كريم تجاه الوحدة لتقترب منه و هي ترمي نفسها بين أحضانه لطالما أصبح مكانها الذي تذهب إليه كلما قست عليها هموم الدنيا
نهض كريم ليحمل جميلة و يمزح معاها ثم نظر الي نديم قائلاً : يلا أجهزي علشان نلحق معاد طيارتهم و بعدين تطلعي لصحبتك علي الكوافير
ذهبت نديم و أستعدت للذهاب ليذهبوا جميعاً .......
#######
ظلت جالسة في المطار بضيق تدعو الله ان لا تتأجل موعد رحلتها فاليوم زفاف أقرب الأشخاص لقلبها
رن هاتفها لتبتسم حين رؤيه اسمه و تجيب : عم الناس الغالي
ضحك احمد بشدة و قال : يبنتي بقا حسسيني بأنوثتك شوية
غيرت ياسمين نبرة صوتها لتقول : ابو اتدشم واحشني
احمد بتعجب : ادم بقا ادتشم لا خليكي راجل أحسن
ليكمل : مش لما تعطفي علينا الأول بس و نتجوز علشان نجيب ادم و عمر و علي و محمد و كل اسماء الدنيا
ياسمين بسخرية : و نخلف ناهد و الجيران هي جت عليهم .......و بعدين تعالي هنا مش أتكلمنا في حوار الفرح دا الف مرة و قولتلك مش هتجوز غير لما صحابي كلهم يتجوزوا
احمد بحسرة : لما نشوف أخرتك اي يا ياسمين
ياسمين متذكرة : ها هتعمل اي دلوقتي؟؟؟
أجاب احمد وهو يفتح باب سيارته : خلاص انا رايح للعريس ، أنتِ هتوصلي أمتي؟؟؟
ياسمين بخوف : معرفش بس شكل معاد الطيارة أتاجل ربنا يستر
احمد : خير يا حبيبتي بأذن الله توصلي علي الميعاد ، أخبار الأجتماع كان اي؟؟!
أجابت ياسمين بسعادة لطالما أحبت أن تُحكي كل تفاصيل يومها لزوجها و صديقتها القريبة لتبدأ الحديث قائلة : دخلت الأجتماع علشان أترجم ليهم الأيطالي أنما اي حاجه كده خيال يا جدع والله و مزز اي كوم كدة زي الرز
ضحك احمد بشدة و هو يقول : ماشي يختي أنا وصلت يارب تلحقي تيجي علي الفرح لصحبتك تتهبل و تلغيه مجنونه و تعملها
########
خرجت من المطار بسعادة بجوار زوجها الذي أصبح لها حياتها بالكامل هي و أبنتها الصغيرة المُدللة ( جميلة ) فقد تزوجت بعد فرح نديم بخمس أشهر بأحتفال بسيط للغاية كما رغبت هي
خرجت من المطار لتجد أبنتها ذات العامين من عمرها تركض تجاهها بسعادة و هي تنادي عليها : مامي جت مامي جت
حملتها شهد بسعادة و نظرت لنديم و هي تذهب إليها كي تحضنها بشوق
لتقول نديم بسعادة و أشتياق : حج مقبول يا حجة شهد
شهد بسعادة : وحشتيني أوي يا نديم
ثم نظرت قليلاً لأسفل و أكملت : و أنتِ يا لمض يا صغنن وحشتني
رد مالك الذي يبلغ من العمر ثلاث أعوام : انا عايز أتجوز بنتك يا خالتو
ضحكت شهد بشدة و قالت : يبني تتجوز اي الله يخربيتكم أنتوا لسه بترضعوا أصلاً
نظر مالك بغضب و هو يربع يده أمام صدره
لتقول نديم بحسرة : منك لله يا ياسمين تربية أيدك هكون مستنية اي؟؟
زفر مالك بضيق و هو يقول : ملكيش دعوة بياسو بتاعتي
ضحك الجميع و..
تقدم مروان منهم و رحب بالجميع بسعادة ثم نظر لشهد قائلاً : مش ملاحظين حاجة علي القمر دا؟؟؟
كريم بسعادة : الحجاب جميل عليها منور وشك يا شهد
لتقول شهد بسعادة : أنا قررت أتحجب بعد ما حققت حلم ماما و عملتلها حج و عمرة
أبتسم الجميع بسعادة لينظر كريم للساعة بيده و يقول مسرعاً : يلا يا جماعة الكل بيستجعلنا هنتأخر ، تعالي نوصلهم يا مروان الكوافير للبنات و بعدين نروح أحنا للعريس........
#######
كانت جالسة فشعورها بالخوف من كونها عروس سيطر عليها بالكامل ، ظلت تنظر لنفسها بأعجاب شديد بالمرآة و هي تقول للكوافيرة بعض التعديلات كي تقوم بها
نظر الجميع لها بسعادة و تعالات أصوات زغاريد شهد و نديم مع باقي الفتيات فريدة و حنين و دميانة و سارة و ريحان
أحست أن أحد يمسك لها ديل الفستان الخاص بها لتنظر لهم و تقول بحنان منادية عليهم : عدي و جني و مي و جودي تعالوا هنا
تقدم الأطفال ذات الثلاث أعوام و هما يهتفون بفرحة : نورا أحلي عروسة نورا أحلي عروسه
نورا بسعادة و هي تنظر لهم : حبايب قلبي الصغننين
بدأت الدموع تتكون في عيون الجميع بسعادة لتنظر نورا الساعة و تسأل ريحان بقلق : ياسمين لسه موصلتش؟؟؟
ريحان بحزن : للأسف رحلتها أتعطلت و أول رحلة لمصر هتكون بكرة الصبح
نورا بصدمة : اي؟؟؟؟ يعني ياسمين مش هتحضر فرحي؟؟؟؟
تقدمت فريدة منها و هي تقول : لما تيجي نعمل فرح تاني علي الضيق يستي متكشريش بقا فيه عروسة تكشر يوم فرحها
نورا بحزن شديد : ماشي
سمعت أصوات زغاريد من الخارج ليعلموا بقدوم العريس
تقدم هادي بصحبة احمد و باقي الشباب
دخل كي يراها ليجدها حورية من الجنة أبتسم بسمة بلهاء : لا يا جدع دا انا خايف أمسكها تتبهدل
ضحك الجميع و تقدم منها و هو يهمس لها : سحرتيني بجمالك يا نور هادي
أبتسمت بخجل رغم حزن قلبها علي عدم وجود صديقتها معاها اليوم
خرج الجميع و ذهبوا للقاعة لبدأ الأحتفال ......
########
أستووووووب
علشان ميحصلش لبس بس
هقول شرح للعيال علشان محدش يتلغبط
😂😂
( جميلة) / بنت مروان و شهد
( مالك ) / ابن كريم و نديم
(عدي ) و ( مي ) تؤم/ ابناء ريحان و خالد
( جودي ) / ابنت حنين و إسلام
( جني ) / أبناء محسن و فريدة
و سارة و محمد لسه مخلفهوش
يلا نكمل🌚
########
جلس الجميع في القاعة بسعادة فهذا فرح الفتاة اللطيفة و الهادئه بينهم ظل هادي ينظر لها بحنان شديد ليهمس لها : أجمل من شافت عيني ،أجمل نور هادي
أبتسمت بخجل ليأتي احمد مبارك لهم و هو يقول بمزاح : مبارك يا صديقي ......ثم نظر لنورا قائلاً بمزاح : مبارك يا شلبي
أبتسمت نورا و قالت بسخرية : مراتك لو مجتش يا احمد ياريت تقولها نورا مش عايزة تشوف وشك تاني ماشي انا مش بهزر
احمد محاول أن يحل الموقف : هو غصب عنها يا نورا والله هي قعدة في المطار من الفجر
نورا بغيظ : وحياة امها قولتلها بلاش السفر دا قالتلي لا لازم و دا شغلي و قعدت ترغي و قالتلي دي سفرية صد رد هسافر الفجر و هرجع العصر مشيت من غير ما تعد معايا
قاطع حديثها أنقطاع الكهرباء عن القاعة بأكملها
هادي بتعجب : في اي؟؟؟؟
بدأت صوت الناس تعلو فالظلام كان يحتل المكان بأكمله
ليسمعوا صوت في القاعة :
badtameezee ek bimari hai
ek aisi bimari
jo dhere dhere waqt ke saath
budhaape mein badal jaati hai
main kehta hoon jab tak budhaapa nahi aata
thodi badtameezee hi kar lete hai
هادي بأستغراب : لغة اي دي في اي يا جماعة؟؟؟؟
نورا بسعادة و هي تصرخ بحماس لتجعل هادي يسقط علي الأرض بجانبها : ياااااااااسمين
نظر الي ما تنظر لها نورا لتجد فتاة ترتدي بذلة سوداء و قبعة سوداء تغطي أغلب وجهها
قفزت ياسمين من علي الأستديج و هي تمثل نفس حركات الفيلم الهندي (YEH JAWAANI HAI DEEWANI) لتكمل نفس الحركات علي الأغنية :
paan main pudeena dekha
naak ka nageena dekha
chikni chameli dekhi
chikna kameena dekha
chaand ne cheater hoke cheat kiya toh
saare taare bole gilli gilli akhaa
pa para para…
meri baat, teri baat
zyada baatein boori baat
thaali mein katora leke
aaloo bhat, muri bhat
mere peeche kisi ne repeat kiya toh
saala maine tere muh pe maara mukka
نهضت نورا بسعادة كادت تطير من مكانها لتركض تجاه ياسمين و تحضنها بشوق كبير و هي تصرخ بأسمها
ياسمين بسعادة : شربتها يا هبلة انا سفرت اليوم دا علشان أعمل المقلب دا فيكي
ضحكت بسعادة شديدة و هي ترحب بها
دخل احمد بتعجب قائلاً: أستاذة شارو خان حضرتك بتعملي فيها مقلب أنا مال أهلي مقولتليش لي؟؟؟
نظر جميع من بالقاعة لياسمين بأنبهار لتنهض فتيات تجاهها و هم يقولون : عرفتي ترقصي رقصه رانبير كابور أزاي؟؟؟؟
نورا بضحك : ياسمين يا حبايبي مجنونة هندي من صغرها دا العادي بتاعها
نظرت ياسمين بسعادة لنورا و هي تحضنها بشدة قائلة : مبارك يا اجمل عروسة شافتها عيني مبارك يا حبيبتي
دمعت عيون نورا و قالت : كان هيبقا يوم وحش أوي يا ياسمين من غيرك كنت هنهار بجد
ياسمين و هي تضمها بسعادة : يا هبلة انا مقدرش مجيش فرحك حتي لو ورايا شغل هيخسرني كل حاجه
نظر الجميع لهم بسعادة لتنظر ياسمين بعيونها تبحث عن احمد فلم تجده .......سألت كريم بهمس : هو احمد فين ؟؟؟
نظر كريم حوله يبحث عن احمد ليجده يقف بخارج القاعة
ذهبت كي تبدل ملابسها بالفستان التي طالمت ترسم له في خيالها لعرس صديقتها
بعد نصف ساعة خرجت ياسمين بفستانها السماوي لتبدو مثل سندريلا
نظر الجميع لفستانها بأعجاب حتي ذهبت الي نورا قائلة : شوفتي الفستان الي اشترتيه ليا حلو ازاي
نورا بسعادة : جبته مع فستان فرحي كنت عارفة أنك نفسك تلبسي فستان سماوي في فرحي
حضنتها ياسمين بسعادة و نظرت لهادي و هي تغمز له : يلا يا عم هسبلك البت شوية عقبال ما أشوف صاحبك دا
هادي و هي يكتم ضحكته : أستقبلي
نظرت له ياسمين بعدم فهم لتذهب الي احمد بالخارج
وقفت خلفه و هي تضع يدها علي كتفه
نظر احمد ليجدها تبتسم له بسعادة و هي تلف بالفستان حوله بسعادة قائلة : اي رأيك؟؟؟
نظر لها احمد بجمود و قال : حلوة
ياسمين بتعجب : حلوة!!!!!! شكلها خناقة يا معلم مالك في اي؟؟؟
احمد بجمود أشد : مفيش حاجه انا تمام
ياسمين بأستغراب : متأكد؟؟؟؟؟
نظر لها احمد بغضب و قال : هتتهربي لحد أمتي يا ياسمين؟؟؟؟؟
ياسمين محاولة ان تفهم ليقطع تفكيرها سؤاله : احنا هنتجوز أمتي؟؟؟
نظرت ياسمين له و قالت بتوتر فهي تعرف مغزي سؤاله : ما أحنا متجوزين
احمد بغضب : أنتِ هتستعبطي يا ياسمين احنا كاتبين كتابنا من سنتين مستنين اي علشان نتجوز؟؟؟ الشقة ؟؟؟ اهو جبنا شقة في العمارة الي صحابك كلها أتجوزوا فيها اشترينا عمارة يعتبر لينا و لصحابك كل واحد شقة ، قولتي مستنية صحابك كلهم يتجوزوا أهو كلهم أتجوزوا و خلفوا كمان نفسي أعرف أنتِ مستنية اي؟؟؟
جلست ياسمين لتبدأ دموعها في السقوط و هي تقول : خايفة
احمد بتعجب : خايفة من اي؟؟؟
ياسمين ببكاء من و أنا صغيرة بخاف من فكرة الجواز معنديش تفسير يا احمد بس انا خايفه
جلس احمد جوارها بعد ان رق قلبه عليها ليمسك رأسها و يضعها علي صدره لطالما كانت الحركه المفضلة لديه أن يسكنها داخله بعيداً عن العالم ليقول بحنان : يا ياسمين نفسي أفرح ابويا بينا و نخلف كل واحد فينا حقق حلمه و بقا حاجه كبيرة ، حتي القناة بتاعتك أنتِ و صحابك بقت أشهر قناة في الشرق الأوسط يعتبر كله
تنهيد و أكمل : علي العموم انا هسيبك براحتك ، متزعليش حقك عليا
ياسمين و هي تمسح دموعها : انا آسفة
احمد بحنان و هو يلامس خصلات شعرها : متتأسفيش يا حبيبتي المهم عندي راحتك المهم راحه نجمتي المجنونة
أبتسمت بسعادة فهي تعشق لقبها هذا الذي يقوله لها دوماً
قاطع حديثهم دخول صديقتها العزيزة عليها : سندريلا بتعمل اي مع الأمير بتاعها بره مش قولنا الساعة لما تدق ١٢ تروحي
ضحكت ياسمين و هي تحمل الطفل الذي بيدها و تضمه بحنان قائلة : سليم الصغنن عامل اي؟؟؟
رد سليم و هو يقبل ياسمين : خالتو ياسمين أنتِ حلوة أوي انا عايزة أتجوزك زي ما اونكل هادي اتجوز خالتو نورا
احمد بحسرة كانت اتجوزتني قبلك ياخويا بدل ما هخلل جنبها كدة
تقدم يوسف لهم و هو يقول : هلا هلا يا شباب المصائب
ضحك احمد قائلاً : هلا يا ابو سليم
يمني بأشتياق و هي تحضن صديقتها : الهندي بتاعنا الجامد
ضحكت ياسمين بشدة علي حديث يمني و قالت : الأعلامي بتاعي الي مبهدلني مسخرة عامل اي؟؟؟
يمني بسعادة : مستنياكم آخر الشهر في البرنامج بتاعي علشان نحكي عن قناة أربعه راكب
ياسمين بحماس : و أنا منتظرة بشدة
ضم يوسف يمني إليه و هو يقول : اشطر كتكوت في حياتي
احمد بغيظ ؛ اه ما انت عرفت يمني في فرح نديم و كريم و حبتها و هوبا اتجوزتها لو تعرف انا متعلق كام سنة جنبها و مش عايزة تتجوزني هيتحرق دمك
يوسف بضحك وهو ينظر ليمني : بعد فسخ خطوبتي بشهد كنت فاكر أني بحب شهد أتضح أني معجب بشغلها و حياتها و يمني علمتني الحب بعد ما شوفتها في الفرح قصتي انا و يمني تتلخص في الحب من أول نظرة
وضعت ياسمين يدها علي خدها و هي تنظر لهم بسعادة
احمد و هو يهزها بغيظ : والله يبنتي حبيتك من أول نظرة بردو
ياسمين و هي تنظر له : وانا حبيتك من أول خناقة يعم شكشك
ضحك الجميع و دخلوا القاعة سوياً ليكملوا الأحتفال بصديقة عمرهم " نورا"
دخل الجميع ليقف احمد و هو يشد ياسمين له قائلتً بنبرة توترها : استني انا مقولتلكيش رأي في الفستان
ياسمين بتوتر : عارفة رأيك قبل ما تقوله سيبني أدخل
طبع قبله علي خدها و هو يقول : بردو لازم أقول رأي
ياسمين و هي تحاول أن تفلت منه : احمد ميصحش الناس هتبص علينا
احمد بنفاذ صبر و هو يدفن رأسه في شعرها لطالما عشق ريحته : لما نشوف أخرتك يا ياسمين يلا......
ليتركها تدلف للداخل
########
بعد مرور عشر أيام علي زفاف نورا
#######
نهضت ياسمين من فراشها بغيظ علي صوت هاتفها المزعج لم يتوقف علي الرن و لو قليلاً
مسكته لتجد يمني تطلبها ردت بكسل و هي تقول : عايزة اي يا يمني؟؟؟
يمني بصوت أقلق ياسمين ليجعلها تنتفض من فراشها : قومي يا ياسمين انا في مصيبة
ياسمين بقلق : في اي يا يمني؟؟؟؟
يمني ببكاء : النهاردة يوم المرأة العالمي انا كنت عاملة في البرنامج زي عرض أستعراضي لشكل المرأة و جبت بنات تعمل دور بنت في المراهقة و بنت في يوم فرحها و بنت و هي حامل و بنت وهي مطلقة و بنت و هي أرملة
ياسمين بغيظ : يا بنت الحلال فين المشكلة عايزة أتخمد؟؟؟
يمني بصريخ : ما تسكتي بقا خليني أكمل .........لتكمل : و بنت الي هتعمل دور يوم فرحها جالها حالة وفاة انا مش عارفة أعمل اي و العرض هيكون في قاعة ضخمة علي البحر هيحضرها ناس مهمة في البلد و هتكون ناقلة كبيرة في تاريخي الأعلامي
ياسمين بعدم فهم : ايوة بردو مطلوب مني اي؟؟؟
يمني برجاء : تعملي دور العروسة
ياسمين بضحك : اذا كنت معملتهوش في الحقيقة هعمله تمثيل يستي سمي الله في سرك
يمني بعياط : مستقبلي هيتدمر يا ياسمين أنتِ عمرك ما طلبتي مني حاجه و قولت لأ ارجوكي مستقبلي كله هيروح
ياسمين محاولة أن تهدأئها : بس يا يمني هعمله إزاي و هلحق أسافر ليكي اسكندرية دلوقتي و أجهز ، طب ما تاخدي حد من البنات
يمني بعياط شديد : كلمتهم بس شهد مش هينفع علشان محجبة و نورا لسه عروسة مكملتش عشر أيام و نديم قعدة بعيالها
ياسمين بتفكير : طب الفستان و الميكاب كل دا هتلحقي تخلصيه
يمني برجاء : معني كدة أنك موافقة صح؟؟؟
ياسمين بأستسلام : هعمل اي يا يمني مدام مستقبلك كله واقف علي العرض دا
صرخت يمني بفرحة و هي تقول : حبيبي حبييييييي يلا أجهزي و تعاليلي اسكندرية بسرعة و متشليش هم حاجه هنلحق نخلص
نهضت ياسمين و أستعدت للذهاب إلي الأسكندرية
بعد أن وصلت وقفت أمام كوبري ستانلي الذي تعشقه أكثر من أي شئ منذ صغرها ........
نظرت حولها تنتظر قدوم يمني لتجدها خارجة لها من أحد الفنادق الضخمة التي تطل علي الكوبري
لتمسك يدها سريعاً و أخذتها كي يعبروا الطريق دون حتي ألقاء التحية عليها
ياسمين و هي تركض خلفها : براحهههه براحهههه يخربيت أبوكوا هنتشال
ضحكت يمني و أدخلتها الي أحد الغرف بالفندق
رأت ياسمين الغرفة مزينة بالكامل بأسمها و البلونات في كل مكان
ياسمين بتعجب : دا اي دا؟؟؟؟
يمني بحماس : مدير شركة الأعلام الي بشتغل فيها قرر يعمل كل أوضة بالشكل دا لصاحبة العرض تكريم صغير ليها
هزت ياسمين رأسها و ظلت تتجول بالغرفة و هي تنظر بأنبهار لكل شئ فكان بالون الوردي و أسمها مكتوب بورود الجوري الجميلة
بعد دقائق دق باب الغرفة لتجد ياسمين جميع من تعرفهم يدخلون
ياسمين بفزع : سلاماً قولاً من رب الرحيم أنتوا اي الي جابكم هنا؟؟؟؟
دخلت نورا و هي تحتضن ياسمين قائلة بحنان : يعني ياسو حبيبة الكل هتعمل عرض قدام الريس ليوم المرأة العالمي ومش عايزينا نيجي نحتفل بيكي
ضحكت ياسمين و قالت : أنتوا لي محسساني انه فرحي يا جدعان دا عرض عادي
لم تكمل كلامها لترا فتيات يدخلون الغرفة و هم يحملون فستان الزفاف بين يديهم
ياسمين بأنهبار: هو انا هلبس الفستان دا؟؟؟
اومأت سهير ( والدة ياسمين ) : و هي تقبلها من خديها بحنان
دخل سليم و هو يركض تجاه ياسمين قائلاً : النهاردة فرح ياسمين النهاردة فرح ياسمين
أمسكته يمني سريعاً لتضع يدها علي فمه و هي تقول بتوتر : النهاردة ياسمين هتعمل عرض مش هتتجوز يا حبيبي
سليم بتعجب و هو يرفع حاجبه : لا هتتجوز عمو احمد قالي انه هيدبسها
نظر سليم لنورا و قال ببراءة و صوته كلامه الغير مفهوم فهو يبلغ من العمر عام ونصف : يعني اي يدبسها يا نورا
نورا بغيظ : يعني ربنا يولع فيك انت وأمك أمشي ياض
ياسمين بغباء : يعيني الواد سليم فاكر أنه فرح بجد طلع اهبل زي امه
يمني و هي تحاول ان تكتم ضحكاتها : لا و أنتِ الصادقة طلع أهبل زيك يا حبيبتي
أنتهت ياسمين من الميكاب
أعطتها نورا سلوبت من نفس نوع فستان الفرح لتبدو سلوبت زفاف
ياسمين بتعجب : مش كان المفروض البس الفستان الجامد الي هناك دا!!!!
ضحك الجميع عليها لتقول شهد : هتلبسيه بس دا علشان نعمل سيشن سوا بقا و كدة
ياسمين بعدم فهم : وهعمل سيشن انا لي؟؟؟
نورا وهي تحل الموقف : علشان عارفين أنك نفسك تعملي سيشن علي كوبري ستاتلي فأنا هحقق حلمك يختي يلا
ذهب الجميع معها وهم يرتدون جميعاً فساتين من اللون الروز
أنتهوا من السيشن ليذهبوا أمام ملاهي كبيرة
ياسمين بحماس : يلا يلا ننزل
ضحك الجميع فنورا تعلم ان ياسمين تود ليلة زفافها ان تلتقط لها صور السيشن في ملاهي و كوبري ستانلي
ذهب الجميع لأخذ صور معاً و لعبوا أيضاً قليلاً
لتشير لهم يمني أن الوقت تأخر و العرض سيبدأ في غضون ساعة
ذهب الجميع للفندق مرة آخري و أستعدت ياسمين للعرض
أبتسمت ياسمين و هي تنظر لهم بحنان و كأنهم يجهزون لفرحها دعت في قلبها أن تدوم تلك الصداقة للأبد لا يفرقها شئ
أنتهت ياسمين لتبدوا في غاية الجمال بفستانها الأبيض
بكت والدتها بحنان لتقول ياسمين بتعجب : يا حجة دا عرض مش فرحي
سهير و هي تضمها بحنان : بنتي الكبيرة خلاص بقت عروسة زي القمر
ياسمين بتعجب : عروسة
سحبتها نورا سريعاً و هي تقول بتوتر : قصدها عروسة المولد يلا يلا
خرج الجميع بصحبة ياسمين
لتقف ياسمين علي خشبة القاعة التي تطل علي البحر و تقدمت منها ببطئ لتجد الأنوار جميعها مُطفئ ، نظرت للخلف و هي تشاور بيدها قائلة ليمني بهمس : هو مفيش حد ولا اي؟؟؟؟
أشارت لها يمني أن تكمل سيرها لتكمل ياسمين و هي متعجبة من ذلك الظلام و السكون
بدأت القاعة لتفتح الأضواء علي خشبة المسرح بالتدريج ليظهر في نهاية المسرح شاب ممسك بورود عباد الشمس وراءه البحر، ذو بذلة زادت من وسامته وسامة فوق وسامة
بدأت ملامحه توضح ليظهر احمد بكامل أناقته
ياسمين بصدمة : اي دا؟؟؟؟؟
تقدم احمد و هو ممسك بأحدي الميكروفون و بدأت الموسيقي من الأغنية الأقرب الي قلب ياسمين ليغني احمد بصوته العذب .........
يا فرحة في وقتها جات لي
يا بكره اللي مادد لي إيديه
يا أحلى حاجة حصلت لي
يا حب سنين حلمت ألاقيه
حبيبتي وانتي حواليا
بأعيش دنيا من الأحلام
مليتي الدنيا حنية
وشيلتي الخـــــوف من الأيام
يا نسمة شوق في ليل محبة
يا غنوة بتحلى حبة حبة
يا حلم جميل ما بيعديــــش
بأشوفك تحضنك عينيا
يسلّم قلبى مش إيديا
وروحى تروح ما ترجعليش
يا نسمة شوق في ليل محبة
يا غنوة بتحلى حبة حبة
يا حلم جميل ما بيعديــــش
بأشوفك تحضنك عينيا
يسلّم قلبى مش إيديا
وروحى تروح ما ترجعليش
حبيبتي افهمي إن انتي
بقيتي في حتة تانية خلاص
بتوحشي عيني لو نمتي
بأشوفك غير عيون الناس
آآآآآآآآه
وجوه القلب أنا راسمك
ومن روحي عليكي بغير
و بأفرح لما أقول اسمك
عرفت أنا ليه بقوله كتير
تقدم احمد تجاهها و هو يمسك يدها و ينظر لها بعشق : بحبك
دمعت عيون ياسمين بسعادة ليحضنها احمد و هو يهمس لها : كنت عارف أن حلك أحطك قدام الأمر الواقع و دلوقتي أقدر أقول إن النهاردة فرحنا
تجمع الجميع حولهم و أخذ الأحتفال
بكت نورا من شدة السعادة لصديقتها العزيزة لتحضنها نورا قائلة : انا الي قولتله أنك كان نفسك عريسك يكون بيعرف يغني علشان يغني ليكي أغنية يا نسمة شوق
جلس الجميع مكانه ليجلس احمد جوار ياسمين قائلاً بحب: بعرف أعمل مقالب زيك صح؟؟؟
ياسمين بأبتسامة : مكنتش متوقعة ابقا مبسوطة كدة
ليمسك احمد يدها و يقبلها قائلاً: وعد هحاول أسعدك طول حياتي يا ياسمين..........
تقدمت نورا تجاههم هي و شهد و نديم
حتي يأخذون صورة
صرخت بهم يمني قائلة : سمع هووووص كلنا هنتصور سوا
ليركض سليم و يجلس علي قدم ياسمين قائلاً ببراءة : ياسو عروستي انا
ضحك الجميع عليه ليقترب الجميع و يأخذون صورة سوياً
ألتقطت تلك الصورة التي تحمل مشاعر عديدة ، علمتنا أشياء كثيرة للغاية
فعلمتنا الحب الغامض في حب ياسمين لأحمد
و علمتنا الوفاء و صدق الوعود في وفاء كريم لنديم بوعده
علمتنا التضحية مثل يوسف ليجد عوض حياته يمني
علمتنا نهاية الصبر جبر مثل أنتظار فريدة لقدرها ليأتي لها شريك حياتها محسن
علمتنا أن لا نفرط في حبنا مقابل حياتنا المهنية مثل مروان فمن غير الحب لا ينضج الأبداع داخلك لأنجاز العمل
علمتنا أن من يحبك سينتظر اعترافك لنفسك بذلك الحب و انتظار خوفك مثل ما فعل هادي مع نورا
و كثير و كثير من قصص الوفاء و الحب
ولكن الأهم و رسالتي من هذا العمل
" ان عوض الله عن تلك الوردة التي طالما حلمت بها بستان ورود ، أن الصداقة الحقيقية تدوم و لا تكون عابرة ، قليل منا من يملك حظ لأيجاد صديق عمره و الأقل منهم أن تجد شلة لتكون عون لك مثل شلة أربعه راكب "
وأخيراً بعد أربع شهور من كتابت الرواية أقدر أقول
تمت بحمد الله
رحمه ايمن