أربعه راكب ( مُكتملة)

تعريف الروايه

روايتنا عباره عن كتله ضحك مع جنان..... لاحظت كتير اوي ان اغلب الناس بتحب الصداقه الي بين الولاد و بعضها عن البنات و انا الحقيقه مع الناس دي الصداقة بين البنات مليانة نكد😂😂
ف قولت اكتب حاجه بشكل مختلف و جديد عن فكره الصحاب البنات هما بأختصار أربع بنات مجانين هنعيش معاهم قصص مضحكه و رومانسيه من العيار الي قلبكم يحبه هنضحك و نحب معاهم و نعيط علي حزنهم هنشوف فكره للصحاب البنات بمنظور نتمني نشوفه الأيام دي بعيد عن فكره الحقد و النكد المستمر في اي شله بنات ......
ابطال روايتنا

ياسمين/ ياسمين من القاهره دي بقا دماغها مطرقعه و لا في دماغها كبير ولا صغير ماشيه بمبدأ الي يقولك بم قوله ضربة الدم بس اكتر حاجه بتحبها صحابها و تضحي بحياتها علشانهم و قصتها كبيره اوي معانا في الرواية هي و الفارس بتاعها

نورا/ نورا من القاهره دي بقا علي الله حكايتها يجدع لا ليها في الأكشن ولا غيره مسالمه لمواضيع حياتها اوي و هي اقرب حد لياسمين معروفه بالقلب الطيب حنيتها علي الشله و شخصيتها الي تكاد تكون أبسط من البساطة

نديم/ نديم من القاهره استغربت انها اسمها نديم و وبنت صح . بس الأسم دا ليه هدف و كبير كمان بس الي اقدر اقوله ان اغلبنا بيفضل متمسك بالحاجه الي كانت عون له في مشاكل حياته و اسم نديم عون لبطلة الحكاية..... ما علينا نديم دي بقا صديقه ياسمين في الشر تقولها راحه خناقة ترد و تقولها انا و انتِ  رايحين خناقة ، شخصيتها جريئه و مش بتخاف فيها كتير من ياسمين

شهد/ شهد من الشرقيه عايشه بمبدأ هنأكل اي يا رجاله اي مصيبه تحصل او اي اكله جديدة فقد و حصريا مع شهد

انتظروا مكس جديد عليكم مليان سفر و حكايات و طموح ، أحلام بتتحقق

العمل دا إهداء لشخص قريب لقلبي هيتعرف في الآخر و إهداء لكل واحد افتكر أن ثانوية العامة نهايه حياة
و عارفه ان كلامي تقليدي و اتقال الف مرة بس مش هنخسر حاجه لو جربنا نرسم مستقبلنا بمنعطف غير المنعطف الي بنرسمه و احنا صغيرين و نشوف هيحصل أي

ها جاهزين؟؟؟؟

يلا بينا..........