أربعه راكب ( مُكتملة)

الفصل العاشر(طبق المكرونة بشاميل😋)

#أربعه_راكب
#الفصل_العاشر
#بقلم_رحمة_ايمن

نورا و هي مازلت تنظر للصورة بدهشه : هي نديم دي غبية يا ياسمين و لا هي شكلها كده ؟؟؟

ضحكت ياسمين علي تعبيرات نورا و قالت : دا آخر الي يعتمد علي نديم تقوللها أبعتي صوره لاحمد تبعتلك صورته و هو لابس ماسك أطفال يارب الصبر

أخذت نورا الهاتف و هاتفت نديم قائله : بت أنتِ غبيه و لا شكلك كده بتبعتي الواد و هو في العاشره من عمره يا هبلة لا و أي كمان لابس ماسك أي باعته الصوره نتأمل في نوع شعره

ضحكت ياسمين بشده علي ملامح نورا و قالت بين ضحكاتها : خلاص أهدي يا سعديه مش عايزين نعرف شكله

نديم مغتاظه : الله مش قولتلك هو مش بيتصور اصلاً دا انا لما لقيت صوره لينا ملقتش غير دي

أغلقت نورا الهاتف بوجهها و هي تقول : يارب رزقتني بياسمين و قولت بت هبله و نستحملها حتي ناخد ثواب انما تبعتلي واحده عبيطه من نفس العينه كده كتير كتير اوفر

ياسمين بتذمر : طب يا كتكوته روحي علي بيتك بقا و سيبي الهبله لوحدها

أقتربت نورا بجوار ياسمين قائله : بهزر معاكي هو أنا ليا غيرك يا هبله

أبتسمت ياسمين و قالت بمزاح : يا مثبتني

ضحك الأتنين حتي قالت نورا متسائلة بجدية : أنتِ حبتيه يا ياسمين

ياسمين مسرعة : لا لا....حبيته أي يا هبله انا أستغربت من الرسايل منكرش إني أعجبت بالكلام و أن حد بعتلي كده بس أنا عمري ما شوفته و حتي اليوم الي كنا سوا علي المينا كان لابس خوذه علي راسه .....لتكمل و الدموع تلالات في عيونها ....حتي لما كنا في عربيه الأسعاف فتحت عيني علي أيده و غمضت تاني ....

حضنتها نورا و هي تكمل : طالما كان كله وهم و معجب بالوهم دا يبقا ننسي يا حبيبتي و نعيش كأنك كنتي في حلم

اؤمات ياسمين رأسها بأقتناع : صح .... أنتِ معاكي حق

لتقول متذكره : يلا يختي ننام بلا وجع دماغ

أبتسمت نورا لها و ذهبوا للنوم

#####

نظرت نديم للهاتف الذي أغلق بوجهها للتو و قالت : هي قفلت في وشي لي والله لما أشوفك يا نورا الكلب.....
كادت تضع الهاتف علي الكومود بجانبها حتي أتي صوت إشعار من الهاتف
أخذته مره اخري لترتسم أبتسامه صافيه علي وجهها ثم كتبت (...لا لسه صاحيه منمتش)

ثواني و كان هاتفها يرن لتغلق الباب جيداً ثم توجهت الي السرير لترد علي الهاتف

أتي صوته المشتاق لسماع صوتها : فاضيه ولا أزعجتك ....حتي لو أزعجتك مش حوار بعد بكره كتب كتابنا فأنا حر أزعجك و أرخم عليكي ما أنتِ هتبقي مراتي بقا