أربعه راكب ( مُكتملة)

الفصل الأول ( تعارف )

#أربعه_راكب
#الفصل_الأول
#بقلم_رحمة_ايمن

في محطه مصر......

والنبي لأ يا ياسو قلبي مقبوض وحياه عيالك سبيني في مصر اقولك والله ما عايزه اتعلم اصلاً

اخذت ياسمين يد نورا عنفاً و هي تقول : يبنت الحلال انتي جايه تقولي مش عايزه نسافر دلوقتي و احنا قدمنا في الكليه خلاص و واقفين قدام القطر كمان!!!!!!

نورا بنبرة أوشكت علي البكاء : كنت عيله انا يستي كان نفسي في كليه طب مش متزفته داخله تجارة و بعدين بقولك سافري انتِ أنا عايزة اعد معنديش شغف اكمل يجدع دا انت رخم اوي

ضربتها ياسمين علي رقابتها و هي تتمتم بغضب : بت انتِ أنا خلقي في مناخيري اتنيلي اركبي هروح اجيب حاجه اطفحها بدل ما اقل ادبي عليكي ابو شكلك تربيه زباله...

نظرت لها نورا بخوف و ذهبت للقطار و جلست بحزن وهي تفكر في القادم و تتمني ان يعود بها الزمن و لا ترحل من القاهره فقد كتب عليها جامعة لا تريدها و في مكان ابعد من مخيلتها فهي كانت تريد ان تكون طالبه في كليه الطب هي و ياسمين و لكن للقدر احكاماً آخري و قد قدمت هي في كليه تجارة قسم انجلش و ياسمين كليه آداب قسم لغات اوربيه
اثناء شرودها جلس بجانبها مجموعه من الشباب و هم يقولون لها بنظرات مقززة : هو القمر بيطلع في السما و لا في القطر؟؟؟؟

ليرا يد تضع عليهم بعنف و هي تقول : لا بيطلع علي روح امك يا خفيف منك ليه!!

نظروا الشباب ليروا فتاة تنظر لهم بشر و هي تمسكهم من ملابسهم و تقول بغضب : جرا اي يا بتاع مامي و بابي هو محدش قالك ان المعاكسه كخ؟؟؟

نظر الشاب لها بغضب : انتي مجنونه انتي مش عارفه بتكلمي مين؟؟؟؟

ابتسمت ياسمين له : ياربي يا نورا كل يوم لازم اقابل حد يقولي متعرفيش بتكلمي مين اي يا ابن كوم كاشير اليهود انت هكون بكلم مين ميسي يعني.....
أخذ الشباب يعتذروا لها و هي مازلت ممسكه الشاب الذي ازعج نورا بغضب لتقول و هي تنظر له بشر :

نورا نو لتخبطه خبطه شديده في رأسه و تكمل ...واي بنت قعدة في أمان الله نو يا حيوان.....

نظر الشاب لها بشر و هو يغادر : هنروح من بعض فين يا حلوه دي مصر اوضه و صاله
اكملت ياسمين و هي تحدف عليه كوره قدم علي رأسه أتت بها في حقيبتها لحبها بلعب الكورة: الأوضه والصاله دي الي هنغسلك فيه يا روح امك غور ينعل ابو شكلك سديت نفسي

لتجلس و تبدأ بالطعام و هي تنظر لنورا بشر حتي بادرت نورا بخوف : امممم ياسو انتي بتأكلي اي انا جعانه هاتي اكل معاكي.....

ياسمين بغضب : جربي مدي ايدك كده في الأكل علشان اعملك سلطه بتنجان
نورا بخوف : خلاص بقا يا ياسو ما انتي اتصرفتي
نهضت ياسمين و هي تتجه لنورا بغضب لتمسكها من ملابسها و هي تقول : فكريني كده يا نورا كنت بقولك اي كل مره