ياسر : تشاقين
سجى : عود طش الخبر
ياسر : المن احجي ..... ههههه بربج ممصدك عليج الله متشاقين
سجى : والله ( صفن شوي وضحك ) شنو
ياسر : جانت ضحى بكل مره اتقربلج بيها
سجى : شقصدك
ياسر : ماكو انسي
سجى : ( قاطعتنا ماما تصيحلي نزلت لزمتني من اذني )
الام : سوالف وضحك وحدكم
سجى : ماما بس رحت للحمام
الام : روحي لغرفتج ماريد اشوفج طالعه منها
ضحى : ( فاتت سجى للغرفه وامي قفلت الغرفه وفاتت لصاله يم عمتي شوي وفات ياسر للمطبخ تقرب ياسر مد ايده بصفي واخذ قطعه من الاكل ضل واكف يباوعلي اشتغل ) عجبتك ؟
ياسر : هه
ضحى : ( نداريت عليه ) شنو
ياسر : عجبتج
ضحى : بعدي مضكتها بس شكلها طيبه ريحتها تجنن
ياسر : اقصد ع البوسه
ضحى : ( فتحت عيوني باوسعهن بوجهه عكر حواجبه وخاطبني بغضب )
ياسر : عليمن تلعبين انتي شكد شفت بحياتي ساقطات بس مثلج ماشايف
ضحى : ماكتلك سوي هيج جنت بس اريد انقذ سجى
ياسر : ( جريتها من حجابها ) ششششش صوتج مااسمعه ..... ماريد اشوفج كبال خلقتي فاهمممه
ضحى : ( دفعني برا المطبخ وصاح بيهم )
ياسر : هاي ضل بغرفتها ماتطلع
الام : شنو صار
ياسر : شنو حجيت اني
ام ياسر : هذا هو يوم بس الشغل .....
ياسر : سجى وين
الام : بالغرفه
ياسر : هي تسوي كلشي هاي الحيوانه تضل بغرفتها
الام : شنو سوت كولي اكسر راسها
ياسر : ماسوت شي هيج اني ماطيق اشوفها كبالي لحد يعصبني كافي تناقشوني
ضحى : ( سحبتني امي للغرفه بينما طلعت سجى تكمل وياسر صعد لغرفته لزمتني امي ضرب ..... شبيه وياج .... واني اكوللها ماادري وترجع تضربني لمن دخلت ام ياسر طلعت امي وغلقوا الباب اخذت ابجي لزمت تلفوني شفت رحيم دازلي ) هلا رحيم
رحيم : هلا يروحي شلونج
ضحى : تعبانه شوي
رحيم : شنو متعبج
ضحى : شغل البيت
رحيم : يلا باجر اعوضج اطلعج نتونس
ضحى : ماكدر اختي وياي
رحيم : حاولي تقنعينها
ضحى : احاول بس مراح تقتنع صدكني
رحيم : نشوف
ضحى : ( اسمعهم برا يتغدون وسوالف وضحك )
سجى : خل اخذ صحن لضحى
ياسر : عوفي
سجى : حرام ما ماكله شي
ياسر : كلت كعدي
الاب : شبيها ذيج شنو مسويه
ياسر : مايعجبني شغلها تشتغل من ورا خشمها واي شي اكلها تجيبلي ياه متقبل
الاب : الحيوانه الا ماعيد تربيتها
سجى : ( فات بابا يم ضحى ويعيط بيها ويضرب وامي وام ياسر يردون يفكونها منه ) حرام عليك
ياسر : شششش لا تلحكينها
سجى : تخلي يضربني ( جان معصب من حجيت هيج اندار عليه و ابتسم )
ياسر : ماحب احد يلعب بمشاعري
سجى : ما لعبت
ياسر: مو انتي اختج
ابو ياسر : ياااسر
ياسر : ها بويه
ابو ياسر : باجر عمك يسافر واني عندي شغل انت اشرف ع العمال
ياسر : ان شاء الله
ضحى : ( فلشني تفليش بابا من الضرب كعدت بليل رحت للحمام سبحت واني ابجي اتصل عليه رحيم سمعني اون )
رحيم : شبيج
ضحى : بابا ضربني
رحيم : ليش
ضحى : مو كتلك بيتنا احترق واجينا هنا يم عمي هذا ابنه يريد يسخرني واني مااسوي الي يكوله .... فتن عليه يم بابا وبابا يريدني اصير خدامه اله
رحيم : بس لا يريدج هذا
ضحى : لالا يريد اختي
رحيم : باجر تعالي وياي وانسيج كلشي
ضحى : الله كريم خل اسد الخط هسه اريد اسبح ( سديت الخط منه وسبحت ونمت الصبح كعدت بدون ماحجي شي وي سجى لان هي الحاجيه لياسر بدلنا وطلعنا جان ياسر واكف يم العمال اول مشافني طالعه اجى يمي )
سجى : ها ياسر
ياسر : سجى ؟
سجى : اي ( مشت ضحى عنا ردت اتبعها لزمني ياسر )
ياسر : صعدي اوصلج مطر ليوم
سجى : وضحى ؟
ياسر : تولي
سجى : ( شفتها ابتعدت فصعدت وياه وصلني للمدرسه شفتها ماكو ضحى ) وين صارت بس لا تاذت بالطريق
.
.
.
.
رحيم : تبللن ملابسج مي
ضحى : تلفت سيارتك اعتذر
رحيم : فدوه الج صدك جذب
ضحى : ( نزع سترته وغطاني بيه ) شكرا
رحيم : ولو
ضحى : ( اخذني لمطعم اكلنا وسولفنا نسيت كلشي ركضنا لسياره لان مطر قوي .... شغلي تدفئه ونزل اشترى شاي واحد الي واحد اله ) شكرا
رحيم : واجبي يروحي شربي خل يدفيج
ضحى : ( شربت منه ) خوش شاي بيه مطر ههههه
رحيم : والله جنت مغطي بيدي
ضحى : اشاقه شبيك
رحيم : ههههههه
ضحى : شكلي تمرضت بديت اصدع
رحيم : شغلتلج تدفئه .... لعد اوكفي خل امر لصيدليه اجيب دوه
ضحى : لا حبيبي ماكو داعي بلبيت اخذ ( عطست نطاني كلينكس مسحت وجهي ورجعت ع الكرسي حاطه راسي كلش دخت ) وصللني للبيت ياسر
رحيم : ياسر منو
ضحى : اسفه هذا ابن عمي ..... الي يحب اختي
رحيم : وانتي تردينه؟
ضحى : شتحجي رحيم هو حبيب اختي بسببه ضربني بابا .... فدوه تعبت وصلني للبيت ( وكف يم صيدليه ونزل اشترى دوه .... كعدت اباوعله وعيوني تغفي كوه فاتحنهم جسمي كلش تعب ونحل .... غمضت عيوني جان يسرقني النوم بدون مااحس ع شي )
.
.
.
جلال : كافي صبغين بوجها جرحتي
زينب : شسالفه خويه
ود : ( مكيجتلي كامل اخر شي حطتلي الحمره وجلال اعترض كالعاده )
جلال : مو جنكم حاطين زايد شدعوه هيج
زينب : مكياج عروسه خويه اسكت معليك انت
ود : جلال فدوه تاخرت ( هز راسه وطلع ينتظرني برا لبست الفستان وعدلتلي زينب التسريحه ضبطتني وطلعتني شافني جلال لابسه حفر نزع سترته وغطاني )
جلال : قابل الي بالشارع يشوفوج هيج
ود : اوووف يلا المهم نمشي ( صعدنا اني وزينب ورا وهو يسوق كل شوي وباوعلي بالمرايه وعيونه حمر .... وصلنا لبيت زين .... السيد جان موجود دخلتني زينب بغرفه بس بيها نسوان والزلم ورا الباب والسيد يكولي رددي وراي واني اردد خلص السيد محد بالنسوان هلهلت بس زينب ضلت تهلهل صاحت وحده بيهم ماكو حفله كبل خل ياخذها ويطلع من ييتنا ) شنو وين اروح
زينب : لحظه اشوف جلال
جلال : ( صاحتلي اختي افوت يمهن .... فتت شفت ود خايفه ) شنو
ود : شو يكلونا طلعوا
جلال : ( بهلاثناء فات زين باس راس ورد ولزم اديها واني كلبي اشتعل نار سحبته منها بقوه ) شو اهلك يكولون طلعون
زين : اي اني بشقه اكعد مااكعد هنا بيت كله عوائل ازدحام
ود : اي احسن
زين : يلا يا روحي لعد خل نطلع
جلال : ( ويكللها روحي بعد .... رادت تكوم تلزم ايده وكفت بينهم )
ود : ( اشرت لزين يصبر )
جلال : ماوصيج .... دربالج ع نفسج ..... واي شي يصير بس رفعيلي الخط ..... لتكولين معندي احد عندج اخ يحرك الدنيا لعيونج
ود : ( مررت ايدي ع خده وعيونه تلئلئت بالدموع ) خليك قوي انت رجال ..... ود ولا شي يمك
جلال : ( لزمت ايدها بستها وذاك زين يفور بعصابه ) دربالج ع نفسج
ود : ( اومئتله براسي وطلعت وي زين طول الطريق اتذكر كلامه وعيونه اخذت ابجي )
زين : ع شنو تبجين
ود : دموع الفرح ( ابتسم وقبلني بخدي وصلني للشقه نطاني المفتاح وكلي سبقيني ابتسمت وصعدت فتحت الشقه تجنن والعطر البيها اخذني لغير عالم تمدتت ع الفراش مغمضه عيوني فات وراي وانحنى عليه )
زين : واخيرا راح صيرين الي
ود : يمتى نعقد محكمه
زين : خل نشتم هوا والله كريم
ود : ٣ ايام ونعقد احسن شرايك
زين : امرج
ود : ليش اهلك ماسووا حفله وهيج زفروا بيه ( ابتسم ونزل عليه قبلني )
زين : ممكن نتناقش بلامور الجانبيه بعدين
ود : ليش مو هسه
زين : هسه ماكو بس ود وزين واحتركوا اهلهم الاثنين
ود : هههههه ( نقض ع شفتي يقبلها بقوه كام عني واخذ يطلع بتلفونه اغاني )
زين : تعرفين تركصين
ود : ( شغل اغنيه بتمون لاليسا اخذت اتمايل وي الاغنيه .... لزم ايدي واخذ يركصني لمن تعبت ميمل هلانسان من الركص عاد الغنيه يمكن سته مدري سبعه مرات .... لزمني يقبل برقبتي ونزعني فساتي .....ردت افتح قميصه مقبل ) ليش
زين : شششش ليوم بدون اساله
ود : ( واكفه مستغربه دفعني ع الفراش واعتلا فوقي جردني من كامل ملابسي وتقربلي ..... تغير ١٨٠ درجه مو نفسه زين الي اعرفه كانه مجنون تقربلي بقوه اضرب بضهره اكله بعددد داتاذه ميبتعد مد ايده لرقبتي خانكني ومستمر بوحشيته وياي يضرب تاره وتاره يقبل ومرات احسه يعض بيه لمن خلص مني خلصت روحي اخذت ابجي وهو تمدد نام بصفي حاضني)
زين : ششششششش
ود : وخر عني ( دار وجهي عليه وحضني ونام .... كعدت الصبح شفته كاعد يمسح ع شعري دفعته عني ) وخر عني
زين : اسف
ود : تخبلت شبيك
زين : ود ترا عادي كل البنات هيج باول ليله
ود : وخر خوفتني شوف شسويت بجسمي
زين : لج اني احبج وافقد يمج
ود : هيييج شوف شوف ادي شوف جسمي حرام هذا تعذيب
زين : اسف اوعدج ماتنعاد
ود : ( حضني يمسح ع راسي ) خفت منك والله حسيتك غير واحد
زين : ماتنعاد اوعدج كومي خل اساعدج سبحين لا تبردين هيج
ود : لالا اسبح وحدي بس الريوك عليك اني متصوبه ( ضحك وكال من عيوني فتت سبحت واشوف جسمي خرررب عبالك جلب مو انسان هاي معقوله كل الزلم هلج بهليله ..... كال ماتنعاد خلاص ود لا تلطشين انسي انسي .... طلعت لكيته مجهز الريوك .... كعدت ع الكرسي اكل جنت ميته جوع كام هو وكف وراي واخذ يستشور شعري ) اكل بلاول
زين : اخاف تتمرضين
ود : ( شلت مارتديلا ورفعته اله ) كول ااااا
زين : ههههه ااااا
ود : ( خلص من شعري وشالني مكعدني بحضنه يوكلني ساعه يوكلني ساعه يقبلني .... خلصت ريوك ع ماغسلت اجيت لكيته معزل السفره لزم ايدي وفراها عليه مقيدتي بيها وضمني اله )
زين : شسوي حتى اشبع منج
ود : كومه اساله عندي يمتى تجاوبني
زين : سالي
ود : ( قبل لا احجي دك تلفونه باسني بجبهتي وراح يجاوب يمكن صديقه مدري اقاربه المهم رحت ادور ع جهازي مدري وين ذبيته ) زين وين جهازي
زين : مادري وين حطيتيه
ود : وين ادري انت البارحه طيرت مخي
زين : اسفه والله ماعيدها المهم جماعتي جاين هسه يباركولي
ود : اعرفهم
زين : لالا ذول من برا بغداد
ود : اوك شجهزلهم
زين : لسوين شي بس عدلي نفسج
ود : اطلعلهم ؟
زين : اي يمي تكعدين
ود : ( لبست ملابس طويله .... اجوي ٥ زلم وبنات اثنين .... الزلم واحد بيهم عمره بال٥٠ والبقيه بالثلاثين تقريبا ..... اما البنات فماعرف بالضبط شكد بس وحده بيهم لابسه تنوره قصيره وفوكها بلوز شتوي اباوع لرجليها شنو ماتبرد )
رجال ١ : الف مبروك زيوون
زين : حبيبي الله يبارك بيك
الرجال العمره ٥٠ : هاي الحلوه مرتك
زين : اي ود
...... : الله يسعدكم
البنيه : بس ليش هيج لابسه ههههه حبيبتي انتي عروس
ود : اي حبيبتي كلشي البس اني وعجبني البس هيج
...... : تماره عوفيها للبنيه لتدخلين بيها
تماره : بس هيج جاي اكوللها شنو تلبس حتى ليتركها زين نفس ما تركني
ود : عفوا ؟!
..... : ( بغضب ) تماااره
ود : ( وكف زين معصب سحبها للي اسمها تماره مطلعها من الشقه ..... و من هلحظه بدت معاناتي ..... يتبع