رحيم : مرحباا ....... منو بيكم ضحى
ضحى : اني
رحيم : اشتاقيتلج
سجى : ( اباوعليهم منصدمه لزم الولد ايد ضحى فلتتها اني منه ) روح منا
ضحى : سجى لا تدخلين
سجى : تعرفينه يعني
رحيم : ترا مابايكلي بوكه البنيه اريدها بحلال الله
سجى : الحلال مو لزمه ايدها بالشارع ( سحبت ضحى من ايدها ومشيت )
ضحى : تركيني
سجى : من يمتى انتي هيج
ضحى : الولد رايدني بالحلال واني احبه وهو يحبني
سجى : ابوج اذا عرف شحركج فاهمه شنو يحركج
ضحى : مراح عرف .... رحيم لو اكله هسه اخطبني يجي الولد ليش توكفين ضدنا
سجى : خل يخطبج وذيج الساعه ياخذ راحته هسه ممنوع تشوفيه
ضحى : لو اجى ابوج يقبل ينطيه هسه
سجى : ينتظرله كم سنه مراح يخسر شي
ضحى : هو جاي ينتظر
سجى : اي بهلاثناء كطعي عنه
ضحى : ليش اكطع اذا احنا اول وتالي نزوج هسه محرد نتعرف ع بعض
سجى : لج يجوز يشوفله ثانيه ويعوفج كل هلفتره لا صيرين غبيه
ضحى : لا اطمني مايعوفني
سجى : ضحى سمعي الحجي لا تشهرينا
ضحى : اني اشهركم .... جاي تنصحين وسوين نفسج مثاليه ع الاساس ماعندج سوالف وي ياسر بنفسي شايفتكم
سجى : تدرين اني مقابله وياسر جاي يجبرني .... ياسر الي يخاف علينا وهيج يمي ميلزم نفسه شحال الرجال الغريب
ضحى : يعني ياسر حلال بس رحيم حرام
سجى : لج فهمييي ...
ضحى : ماريد افهم اذا حجيتي لاحد عن رحيم احجي لبابا عن ياسر
سجى : يمتى هددتج حتى تهدديني ( عافتني وراحت للبيت ردت الزمها احجي وياها يس مكدرت طبت للحمام وسدت الباب )
ضحى : ( فتت للحمام ودزيت رساله لرحيم ) ليش هيج سويت
رحيم : ردت اختج تعرف كلشي بينا حاى ليكولون رحيم يريدها بالحرام لج رايدج مره الي
ضحى : اختي ثوله ماعدها ثقه بهيج امور
رحيم : غصبا عليها تقتنع .... اريد اعرفج على اختي
ضحى : شلون يعني اراسلها
رحيم : اي نطيتها رقمج
ضحى : ماشي ( سبحت وطلعت من الحمام ) سجى خلصت
سجى : ( تجاهلتها وطبيت للحمام طكت الباب كلتلي غسلي ملابسي وياج راح اصب غده .... سبحت وحطيتهن بالغساله ع ماخلصت هن مخلصات .... بدلت ولفيت المنشفه ع راسي وصعدت اشرهم سمع ياسر صوت باب السطح جان يطلع ) ممكن تفتحه مجاي اكدر افتحه
ياسر : ( لزمت ايدها بعدت عنها الملابس شفت اثر الحرق ابتسمت .... فتحت الباب وشلت عنها السله )
سجى : فوت اني اشرهم ( اذا الحايط يسمع ياسر يسمع .... لف ايده ع خصري مقربني منه حاولت ادفعه عني ماكدرت ) ياااسر روووخر شبيك
ياسر : كافي ترديني ماروح
سجى : ترا هذا خبال
ياسر : اي اني مخبل منو كلج صاحي ( ضميتها الي وهي بعدها تتحرك تريد تبتعد ) لا تعاندين خليني بس حاضنج عنادج هذا يخليني اتمادى وياج
سجى : ( اريد ابتعد مااكدر ضامتي اله لاصق جسمي بجسمه ايده لافها ع خصري وثانيه حاضن راسي دافنه بصدره .... عضيته بجسمه بكل قوتي بعدني عنه متالم )
ياسر : شبيج انجلبتي
سجى : ( نهزمت لدرج ) شرهم انت للملابس
ياسر : تعاي راح اروح
سجى : روح بلاول ( فات لغرفته صعدت لدرج اشر بيهم خلصت ردت انزل ماحسه الا محتصني من الخلف وراسه برقبتي ) ووووووخر عننني لك لا يصعدون ياااسر
ياسر : مو عضيتني لازم ارجعلج اياها
سجى : ( قرب راسه لرقبتي ماعرف شسوه باسني لو عضني بس حسيت جسمي اشتعل نار .... اول مره احس بهيج شعور بعد عني يباوع لرقبتي ) حقير
ياسر : مو ارجعج
سجى : ( عفته ونزلت لزم ايدي ) كااافي شتريد
ياسر : ( غطي رقبتج لا تفضحينا
سجى : شنو اكو ( جرني لغرفته موكفني كدام المرايه ) هاي شنووو
ياسر : بس غطيها بالحجاب وحطي عليها ثلجه تروح
سجى : ( ضربته بعكسي بنص بطنه بغضب وطلعت وهو يضحك نزلت شفت ضحى مجهزه الغده اخذت صحني وفتت للغرفه تغديت وحدي شوي واجتي ضحى )
ضحى : طلع ياسر تكدرين ذبين الحجاب
سجى : ولي عني
ضحى : ماقصدي اهددج .... سجى اني احبه لرحيم الله يخليج لا توكفين بوجهنا
سجى : خايفه عليج اني لج ياسر الي يخاف علينا مجاي اكدر احمي نفسي منه شحال رحيم
ضحى : طلعت وياه مره ومسوالي اي شي اقلها مايحضني ويبوس بيه
سجى : ترا مجاي اكدر امنعه عبالج متونسه بتصرفاته اني
ضحى : لضلين وحدج وياه
سجى : تستعديني
ضحى : اكيد ( كعدنا ندرس واني كل شوي دازه رساله لرحيم وارجع ادرس للعشه طلعنا ثنينا نسوي عشى فات ياسر للبيت واحنا بالمطبخ واامي يمنا )
ياسر : اني اتعشى بغرفتي
الام : لي يمه
ياسر : تعبان شويه
الام : سلامتك .... ماما عزليله عشى لياسر
ضحى : ( عزناله عشى وهو صعد ) عوفي اني اصعدله
سجى : ( ابتسمت ) شكرا
الام : دربالج لا توكعين من الدرج لا صيرين ثوله
ضحى : علي صوتج خاف محد سمع
الام : يلا بسرعه حطي الصينيه ونزلي
ضحى : ( صعدت لكيت ياسر يكنك ..... ضل يباوع ليدي يريد يشوف اثر الحرق بس اني جنت مغطيتها لايدي حتى ليعرف اني ضحى ) وين احطها
ياسر : هنا يمي
ضحى : ماتقرب منك تضل تحضن و تبوس
ياسر : هههههه عبالي ضحى
ضحى : مقبلت تصعد ورطتني بيك
ياسر : شلون صارت رقبتج
ضحى : زينه
ياسر : راحت يعني
ضحى : اي ( شنو هي شو مجابتلي طاري سجى مااحس الا نزع قميصه ماشرلي ع اثر بصدره )
ياسر : شوفي شسويتي بيه
ضحى : ( هاي شنو معقوله سجى هيج مسويه ) اسفه
ياسر : شوفي اني بستج حتى ماذيتج وانتي عضيتيني زين مشلعتي جلدي )
ضحى : ( باسها يعني وتحجي ع رحيم ) كتلك اسفه
ياسر : لتخافين مني مااذيج يمكن ابوسج او احضنج بس مااذيج بشي ثاني ترا اخاف عليج شرفي انتي
ضحى : اخاف احد يشوفني وياك بابا ياذيني ( كام يمي متقرب )
ياسر : ابوج عنده ياسر امام مسجد كدامه شكل اني وكدامج غير
ضحى : ميخالف اذا شافتني ماما لو امك صير مشكله
ياسر : ( نزلت حجابها من راسها ) هي بوسه نطيني ياها ونزلي
ضحى : ( اريد اكوله لا بس شي بداخلي راد هلشي ضليت ساكته مد ايده لرقبتي محتضن راسي .... تقرب من شفتي مقبلها غمضت عيوني مبديت اي رفض هلشي خلها يستمر بتقبيلي ماعرف ليش ماارفض كاني احب هلشي احسب بشعور جديد وياه احب هلشعور ابتعد عني كرص خدي )
ياسر : يلا نزلي لحد يستفقدج
ضحى : ( ابتسمت ونزلت جانت سجى تنتظرني )
سجى : تاخرتي
ضحى : عباله اني انتي
سجى : جان وريتي ايدج
ضحى : كتله سواء ضحى او سجى ثنينا نرفض قربك المهم بس راد يكوم نزلت بس كالي شلونها رقبتج ( لزمت حجابها وطبت للغرفه طبيت وراها ) شبيهااا
سجى : باسني برقبتي وصار هيج ( وريتها ) حاول امنعه مكدر
ضحى : ( ضجت ) مو مهم المهم مضلون وحدك بعد
سجى : اي
.
.
.
ود : ( تفقدت جهازي مابي شي ضل يراسلني زين طول ليل سالني ع المكان الكاعده بيه كلتله عليه وكلته لا تجي تخرب علينا )
زين : مااجي .... دزيت شيوخ ع ابوج بلكي يقبل هلمره
ود : ان شاء الله
زين : جلال وينه
ود : نايم بالصاله
زين : اوك نامي هسه وراي شغل باجر
ود : اوك تصبح ع خير
زين : وانتي من اهله حبيبتي بااي
ود : ( ردت انام ماكو ميجيني نوم طلعت من الغرفه مطفيه الكهرباء ..... فتت لصاله شفت الدفايه مفتوحه فتت اطفيها جان اعثر بجسم منبهت لجلال فارش بصف الباب ) ااااه
جلال : تاذيتي ( كومتها وبيدي الثانيه اتفقدها )
ود : اسفه مانتبهتلك ( شغلت الايت مال تلفوني بوجهه غمض عيونه بس جان كلش قريب الي ) هههه اكو واحد يفرش هنا
جلال : حتى عود افز من تفتحين الباب
ود : هههههههه لو ما جافصه بطنك ماكعدت ( واحنا بهلحال اجتي الكهربا )
جلال : ( ضليت اباوع بوجهه ابتسمت ) انتي هواي مجفصه بطني
ود : اعرف هواي اذيتك ..... بس شسوي مالي غيرك
جلال : وكلبي ماله غيرج الفرق اني متركتج بس انتي راح تركيني
ود : تريد ازوجك واترك زين
جلال : تحبينه ؟
ود : ( سكتت نزلت راسي )
جلال : ( بعدت عنها ) ما راح اكون حجر بطريقج .... تحبينه ويحبج الولد .... مراح اوكف بوجهكم
ود : ( رفعت راسي اله عيونه حمر )
جلال : ( تركتها وطلعت من البيت دموعي تنزل وحدهم يا حيف يا جلال تبجي على بنيه ..... كعدت ع طريق الي يطبب للقريه .... الهوا جان باارد ..... اتمنى اكوللها روحي من كل كلبي .... بس كلبي يوجعني ..... ليش ربي زرعت حبها بكلبي ..... ماتحبني ولا عمرها حبتني ..... مستحيل افرض نفسي عليها ..... اخخخخ يا ود شيصير لو حبيتيني شصير لو صرتيلي مره ..... لج محد بهلكون يحبج مثلج ..... دقايق ودك تلفوني شفت رساله من ود )
ود : وينك جلال اخاف وحدي
جلال : ( رجعت للبيت شفتها بالمطبخ لازمه الماسحه خايفه بس فتت ركضت حضنتني .... تسرب عطرها لانفاسي مديت ايدي لظهرها ضامها الي )
ود : ( بعدت عنه وايده بعدها ع ظهري ) وين رحت اسمع اصوات برا خفت
جلال : ( احجي وعيوني بعيونها ) هذا الهوا قوي ماكو احد لتخافين
ود : المهم لا تتروح هيج بليل فدوه
جلال : نامي لتخافين
ود : ( ابتسمت ورحت للغرفه انام الاصوات برا ترعبني ... كمت لصاله شفته فارش بنفس مكانه سحبت فراش وفرشت ع مسافه منه انتبهتله مفتح عيونه يباوعلي .... تمددت بالفراش اباوعله ) اخاف
جلال : هيج مرتاحه
ود : اي
جلال : هذا هو نامي ( ابتسمت وغمضت عيونها نايمت واني اتامل بشكلها غفيت واني اراقب ملامحها صحيت قبلها الصبح شفت المطبخ السقف مالته يقطر مي صعدت لسطح لكيتها ماطره قوي والبيت قديم فكعدت احاول احط شي حتى ليقطر )
ود : ( كغدت الصبح جلال ماكو يمكن طالع .... غسلت وجهي وطكيت بيضات ع النار وسويت شاي خليتهم ع النار زكعدت احجي وي زين ) تريكت
زين : من زمان .... وحدج بالبيت ؟
ود : اي
زين : اريد اجي اشوفج
ود : لا يمعود خاف يجي جلال
زين : بس اشوفج واروح ماطول يلا قبل ليجي
ود : اوك استعجل ( طلعت برا انتظره )
جلال : ( واني بالسطح مدمر طين ومي سمعت الباب الخارجي نفتح وكفت بالسطح شفت ود طالعه شوي وطبكت يمها دراجه نزل منها زين واني اعصابي ضلت تطافر من راسي اخذت الشفل وزلت اسب واغلط عليهم ) لللج ودددددد
ود : جلال 😱 ..... يتبع