ضحى : ( ليوم نفس روتين البارحه طلعنا للمدرسه شفت جنان بالدرس بس سلمت عليها وكعدت بمكاني للفرصه الثانيه رحت اشتري الي ولسجى لزمتني جنان قبل الكفتريا )
جنان : الولد ليوم يريد يشوفج
ضحى : يا ولد شنو يشوف
جنان : نسيتي شخجينا البارحه شفتلح واحد طاك ويخبل ويدرس كليه تمريض
ضحى : يعني ممرض
جنان : ولج مساعد دكتور
ضحى : بريد يشوفني شيسوي بيه
جنان : من بعيد يشوفج اذا عجبتي يزوجج شيسوي بيج بعد
ضحى : بس اني عمري ١٥ سنه مينطوني اهلي هسه
جنان : قابل بسرعه كن فيكون غير تتعرفون ع بعض ع طبيعته ويشوف طبيعتج مو كبل تقبلين بيه
ضحى : وشلون اتعرف عليه
جنان : اخذي رقمه وراسلي
ضحى : خاف يطلع يضحك عليه
جنان : ولج اعرفه واعرف اهله صديقه لحبيبي لو مااعرفه مااجي احجي وياج
ضحى : بس اراسله مااطلع وياه
جنان : اي اي هو خل يقبل بيج بلاول
ضحى : بس يشوفني هسه مو
جنان : اي واني اراسله اساله اذا كال اي انطي رقمج وتعرفوا ع بعض
ضحى : خل اشوف صورته ( ورتني اياه بتلفونها شاب يخبل وراه سياره تجنن ) يااا فدوه هذا وين يقبل بيه
جنان : نجرب شخسرانين
ضحى : خرررب ارتبكت الله عليج شلوني ليوم
جنان : من طلعين حطي حمره خفيفه ع شفتح وخدودج لمن توصلين للبيت مسحيها
ضحى : ماعندي
جنان : عندي لشلين هم
ضحى : وحجابي عدل
جنان : حلو حلو بس سمعي كلامي
ضحى : ماشي ( رحت اشتريت لسجى سندويشه وعصير والي همات وكعدنا ناكل .... هي تقرا واني سارح بالي بالولد معقوله يقبل بيه .... سرحت بمخي اتخيله يجي يخطبني من اهلي وينطوني اهلي اله يدخل عليه يلبسني الحلقه ويبوس راسي ... )
سجى : ع شنو صافنه
ضحى : ولا شي
سجى : دحجي
ضحى : ليش ترفضين ياسر
سجى : اهووووو دمشي امشي دك الجرس
ضحى : ( كملنا درسنا وطلعنا نمشي للبيت و جنان وراي .... شفته للولد الورتني صورته واكف عبر شارع منا متكا ع سيارته اشرتله جنان بخفه عليه هو تبسم شويت نفسي ممهتمه او ممنتبه بس كلبي يدك بسرعه والتوتر يقرا الف .... لمن ابتعدنا عن البيت مسحت الحمره واحمر خدود وطبيت )
سجى : منين جبتي هذا
ضحى : من جنان بس جربته وهاي كدامج مسحته
سجى : وراج سالفه ضحى
ضحى : ما وراي شي بيج
سجى : ( حجت هيج وركضت للغرفه تبدل ردت اصعد جان يندك الباب فتحته ولا اشوف ياسر )
ياسر : هلوو .... ضحى لو سجى
سجى : شتريد
ياسر : سجى ( من اسلوبها اعرفها )
سجى : شترريد
ياسر : امج وصتني اسوكلكم مو ابوج ميجي الا نهايه الاسبوع
سجى : ( بعدت عن الباب فات وبيده المسواك .... رحت لمي شفت رنى تدهن برجليها ) ياسر جاب المسواك شكد انطيه
الام : نطي ١٥ من جنطتي
سجى : ( طلعت ١٥ واخذتها اله شفته يغسل اديه يالمطبخ ) تفضل
ياسر : مو عيب
سجى : دهاك اخذها هلحجي احجي وي امي ( مسح اديه واجى عليه عبالي ياخذ الفلوس شو هذا جرني لداخل المطبخ مقربني اله )
ياسر : شوفتج كافي عليه
سجى : ( اتحرك اريد افلت منه مكدرت واخاف اعلي صوتي اطلع اني مني الصوج هذا حال المجتمع لوم كله ع البنيه ... حجيت وياه بهمس وعصبيه ) قسم بالله اذا متتركني هسه ....
ياسر : اتركج قابل اغتصبج .... بس اريد اعرف جوابج مو تعبتيني
سجى : بعد واحجي بادب حتى اجاوبك ( ابتسم وابتعد عني ) احجي
ياسر : احبج .... اريدج الي سجى
سجى : مو هذاك ابوي روح اطلبني منه
ياسر : راح ترفضين وتكولين صغيره بعدي
سجى : مو ابالي هلي هسه
ياسر : لو اطلبج بعدين تقبلين ؟
سجى : ماادري يجوز تفكيري يختلف عن هسه
ياسر : انطيني شي اتمسك بيه
سجى : لتتمسك بيه
ياسر : شنو يعني
سجى : اذا مستعجل روح زوج البنات تارسات الشارع
ياسر : حماره انتي امو بعقلج شي اكلج اريدج
سجى : شسويلك اذا انت تريد هسه جاي اكلك هسه اني مموافقه
ياسر : ما موافقه لان صغيره بابا كتلج ماازوجج بس اخطبج
سجى : ولا اي شي حتى ماافكر بالموضوع
ياسر : مو ع كيفج سجى ترا انتي بنت عمي واكدر انهي عليج
سجى : دطير ( ردت اروح لزمني من ايدي راد يسحبني ضربته كف وفلتت منه ركضت لغرفتي )
ضحى : ( صعدت سجى ركض سالتها مجاوبتني من نولت شفت ياسر فهمت السالفه ) شلونك ياسر
ياسر : زين اكلج ميت جوع سويلي شي فدوه امي طالعه ليوم
ضحى : من عيوني
ياسر : سالمه ( صبتلي تمن وحطتلي علي دجاج ولين وطرشي ) عاشت ايدج ولج شبيها اختج مو مثلج
ضحى : نفس الشي احنا
ياسر : لا وين انتي حبابه وهي نحيسه
ضحى : وي الكل هيج سجى
ياسر : وداعتج اخذها واكسر راسها اليابس
ضحى : شلون تاخذها
ياسر : بنت عمي متصير لغيري
ضحى : هي ليش رافضتك
ياسر : ديلا بالله تساليني الي اذا انتي اختها ما تدرين
ضحى : أي والله دوم اكوللها شبيه ياسر ترفضينه ومجاوبني
ياسر : الله يعيني عليها
.
.
.
ود : ( ورا عركه بابا وجلال مشفته لاسبوع بابا سوه حادث وانكسرت رجله فاحوي جماعته يتحمدوله ع السلامه فماما مو متلحك طلبت مساعده خوات جعفر زهراء و رقيه .... جابهم جعفر واجى وياهم فات يم بابا ..... اخذن البنات يشتغلن بالمطبخ وامي وامهم ساعدوهم واني اطرش بزفه ماعرف لشغل المطبخ .... فتت كعدت يم بابا مدام ماوصلوا ضيوفه سمعته يسولف وي جلال عن السياسه واوضاع البلد التفتلي جلال خزرني ع لبسي لان لابسه بجامه )
جلال : ود الزلم ع وشك يوصلون طلعي المبخره خليها يم الباب ولتفوت وحده بيكم هنا ابقوا بالباب اني اخذ الاكل منكم
ود : ( اخذت المبخره وطلعت طلعو وراي لزم ذراعي قوي ويحجي بنتر )
جلال : ملابسج تغيريهم شنو لايسه بجامه
ود : مراح افوت وثانيا وخر ايدك عني لتحاحيتي بهيج اسلوب ( ضب قوي ع ايدي وقرب وجه الي )
جلال : غييييري ملابسج
ود : ماغرهم
جلال : تعانديني
ود : ( باوعتله بتحدي شالني ع كتفه واني اعيط نزلني بس بابا مسمعني لان بين باب الديوان والحوش اكو باب لخ كبير خشب من جرني جلال الخبيث رده للباب هذا الباب اذا نسد لا الي بالدةانيا يسمعونا ولا احنا نسمعهم سمعنه خواته وامي اجتي امي ع صياحي بس خواته لزمنها وامي تحبه لجلال تكولي محد يادبح غيره عكس بابا صح يحب جلال بس ميقبل يتحكم بيه احد .... صعدني للغرفه رماني ع سريري وغلق الباب ) حيووان
جلال : اووك سهله
ود : ( راح لخزنتي فتحها وضل يطلع منها ملابس ةللارض يذبهم يريدلي شي ع مرامه ..... استحيت من صارت بيده ملابسي الداخليه كملت سحبتهم منه جان يضربني كف لطشني بالخزنه الدمعه ةي الكف نزلت مكدرت الزمها اول مره احصلي كف ع وجهي انهضمت وحسيت كرامتي انهانت )
جلال : اني حيوان موو ( لزمته من رقبتها دافعها ع الخزنه لزمت ايدي ترافس تريد تخلص نفسها)
ود : اترررركني اترررركني لدبسزز مااااماااا ( سمع صوت جرس الباب وبابا مابيه يتحرك يفتحه لزمني ربطني ع السرير كوه ربطني كل ايد بجهه وجليني ضمهم لبعض وربطهم لطرف هو يربط واني اعفس يرحع يكفخني عافني ونزل غالق الباب .... ضليت احاول افتح نفسي ماكو لو اديني قريبات لبعض جان فتحت نفسي بس كل وحده جهه والضيه قويه ع معاصمي واقدامي لساعتين هيج اجى طب عليه قفل الباب جاب وصله وشد حلكي بيها وكف بصفي يفتح بقميصه .... صدمني متوقعت بيوم جلال هيج يفكر .... يتبع