تغيرت ملامح وجه أبيهم و هو يقول
"ماما بت ايه؟"
"هي ماتت بس انت قلت نمهدلك يعني"
"تمهدلي ايه يا ابن العبيطه حسبي الله و نعم الوكيل في دي خلفه!!"
قالها الوالد بينما كان يرتدي حذاءه و يتجه نحو باب المنزل
ركض هوسوك خلفه و هو يقول
"يا بابا طب استني هنغير و نيجي معاك"
"مش هستني حد ابقوا حصلوني لما تخلصوا و مشوفش الواد المتخلف الي وراك ده تاني عشان اقسم بالله انا الي هرميه من علي السطح!!"
بعد أن رزع الحجوجه الباب التف الجميع نحو كوك الذي كان يبكي
"ايه يا ابليس انت بتعيط؟"
قالها جيمين و هو يربت علي ظهر أخيه ليجد الاخر هب من مكانه و رقع زغروطه ثم قال
"اوديكي فين يا صحه!!!"
و شغل اغنيه اشكرك اه اوعدك ولا ايه و بدأ في الرقص ليدخل عليه تايهيونغ بطرحه والدتهم ليحزمه و يونغي يلقي عليهم النقود من خلف
و من بعيد يقف جين و نامجون مذهولان
"العيال اتهبلت؟"
قطع كلام جين جيمين و هو يبعدهم عن بعض عشان يعدي و قال و هو يمضغ لبانه
"عن اذنك يا ابلتشي لولولولولي"
و جاء وراءه هوسوك بالصاجات
في هذه اللحظه التي تشبه حنه شيماء او كباريه الجوهره و بينما كان تايهيونغ يغني لجيمين شكريه تورته تهز جبال بس انت غني و قول موال
اتجه جين نحوهم و هو يصرخ
"انتو ايه معندكوش قلب مفيش دم؟!!"
ليردف جنغكوك
"لا عندنا كركديه اصبلك؟"
ف وجد الشبشب بيسلم علي بوزه
"جرا ايه يا هيونغ ايه الغشوميه دي؟"
قالها يونغي و هو يواري جنغكوك خلف ظهره
"غشوميه انتو لسه شفتوا غشوميه؟ ده المفروض جدتكم ماتت مش حنه خالتكم هي!!"
"يخي الحمدلله جت من عند ربنا ده احنا حاولنا لحد ما طلعت عنينا ده اخر ما زهقت بعتلها الواد محسن خرج من عندها علي المسجد حرق نفسه!!"
لم يستطع جين ان يتحمل كميه العقعقه ف وقع من طوله و هو يتعلثم
"حبايه الضغط...حبايه الضغط"
ف نظر له تاي و هو يحاول أن لا يسئ الموضوع اكثر
"ما يا هيونغ...برعي مات بالضغط بردو"
"قصدك ايه يا متخلف"
"سف الشريط بتاعك"
لم يستطع جين الكلام بل وضع يده علي قلبه ف اردف جيمين
"متخفش يا حبيبي هيبقي في مكان جمب تيتا ندفسك فيه متخفش"
ف اغشي علي جين من النقطه
•♡•
بعد ساعات قليلة استفاق جين علي مكالمه من أبيه ليأتوا لدفنه جدتهم ف اخد جين الست خيبات الأمل و نزل علي البلد
بعد أن وصل جين أخبرهم أبيهم ان ينزلوا لدفن جدتهم لانه لن يستطيع ف اردف هوسوك
"طاب يا شباب هستناكم هنا مع بابا عشان بيبقاش لوحده"
"لا أصل البر مقطع نفسه الي يشوفك دلوقتي ميشوفكش و انت بالصاجات في البيت"
قالها نامجون و هو يفلق هوسوك بنظراته
"لا طبعاً انت كنت بتهلوس اكيد ده كان هاري نفسه شحتفه مش شايف عينيه حمره ازاي من الكوكاي- قصدي العياط؟ انا كمان هستني معاه عشان اونسه"
قالها جيمين و هو يركض ليقف بجانب هوسوك ف شخط فيهم الحج قائلاً
"انتو بتتعازموا علي كيس شيبسي يا ولاد الكلب انتو السبعه هتنزلوا ايه مش مخلف رجاله؟!!"
"انا اسمي الحقيقي سوسن"
"امشي يلا!"
ثم طرد السبعه ليجدوا نفسهم في وسط المقابر في منتصف الليل
التفت كوك نحو تاي الذي كان يحمل بيده حله ضغط ف قال
"دي قرابين لتيتا دي ولا ايه؟"
"لا دي حمايه"
"حمايه ايه خلاص يحبيبي دي ماتت"
"وربي لو اتحللت هنزل بيها"
ف ضرب كوك كفيه ببعض و نزل مع اخوته ليدفنوا السحليه المقدسه و بعد عده دقائق سمعوا صوت خروشه و انتفضت جدتهم و الكفن يغطيها و صرخت في وجههم
"عايزين تدفنوني عايشه يا عرس!!!"
ف سقط الخمسه مغشي عليهم و تاي من الخضه رزع يونغي علي نفوخه بدلاً من جدته
يتبع....