استيقظ الشباب في منزل فرقه بتس بعد أن اعادهم مدير الأعمال علي صوت صياح هاتف محسن
"يا ابن الملبوسه قلت ١٠٠ مره قبل كده لما تبقي بايت معانا تعمل موبايلك سايلنت"
اردف يونغي لمحسن الذي كان غير مبالي بالمره و ينظر في هاتفه ثم صرخ
"منزلين صورتي انا و جيمين و كاتبين خبر مواعده مؤكد!!!"
ف استيقظ الجميع من صوت صياحه ثم انتشل جيمين الهاتف منه ليقرأ التعليقات ثم تنهد براحه
"الحمدلله محدش شك اننا مش فرقه بطاطس كل التعليقات شتيمه و تهديد بالقتل لمحسن"
ف رفصه محسن و اردف
"
و عايزين يقتلوني ليه ولاد الهبله؟!!"
"مكتوب في الكومنتات بعد ما ترجمتها من الكوري كيف لها ان تضع أصابعها المعاقه المليئة بالبكتريا حول جيمين الموتشي الصغير صعلوقه الحقل"
اردف جنغكوك و هو يكتم ضحكته ليردف محسن
"طب والله انا مسامحها ربنا يعينها علي الي في دماغها ده كفايه جيمين الموتشي الصغير دي"
و وسط هذه الأجواء العبثيه اقتحم اعضاء فرقه بطاطس الاصليون المنزل علي الشبان و هم في حاله يرثي لها من شعر منكوش و ملابس متبهدله و علامات خرابيش علي الوجه
رفص يونغي الاصلي الباب و دخل و هو يمسك مترجم تم خطفه من السفاره من قفاه و اردف كلام بالكوري ف قال المترجم في خوف
"انتو مين يا ولاد الوارمه"
ف سكت جين قليلا ثم اردف
"هو قالك يا ولاد الوارمه؟ حدد يعني؟"
"يعم انت مش عايز تعرف هو قال ايه بجد!!"
"انا اسف جدا"
ابتلع تايهيونغ ريقه و هو يمسك بقميص يونغي بتاعنا و يقول
"طب ايه...اتفشخنا؟"
ف ربت يونغي علي ظهره ثم ذهب نحو يونغي (بتاع بطاطس) و قال له
"تشيبال كي سيكي"
ف نظر له الاخر و قال
"ايه؟!"
"يعني يالك من فاتنه يا روح امك!"
ثم امسك بالفازه و كسرها علي دماغه و دارت عركه بين الشبان انتهت بحجز كل من كوك تاي جين و محسن (بعد ان أعاد نفسه لهيئة ذكوريه) في القسم و هرب الباقيين
♡◇♡
في قسم ما في القاهره تم سحل الاربع شباب الي الزنزانه بكل رفق و حنيه و تحيا مصر
جاء رجل ببشله ف وجهه و قال لهم
"الي معاكم يطلع"
"حضرتك انا الظابط برا اخد كل حاجه كان ناقص ياخد البوكسر"
قالها تاي ببراءه ف سحله الرجل من رجله و حدفه ك كره البولينج و قال
"روقوه"
ف فتح جين يده ك نجمه البحر يحمي ما تبقي من اخوته ثم قال
"لاااااا انتو فاكرينا زباين بقي و هتعملوا حفله علينا ده احنا معانا محسن العنتيل الي يخاف منه الصغير قبل الكبير!!"
"والله؟ طب ما تورينا يا سي محسن"
قالها الرجل ف نظر جين نحو محسن و قال
"محسن لبسه البرميل الي هناك ده ف راسه!!"
"البرميل بس من عينيا يا جين بيه"
قالها محسن لكن بدل ما يحدف البرميل حدف جنغكوك ف حضن الراجل
نظر كوك نحو الرجل ثم قال
"طبعا انا لو حلفتلك اني جيت هنا بغير إرادتي مش هتصدقني صح...؟"
يتبع....
