ركض جنغكوك و جين و باقي الدفعه لغرفه جدتهم التي كانت في وضع النينجا و رابطه محسن ف رجل طرابيزه التليفزيون
صرخ محسن ف السبعه الذي اقتحموا الغرفه
"ايه الوليه دي يا ولاد الكلب دي النينجا بتاع لا تراجع ولا استسلام؟!"
"بطل فشر بقي دي الوليه عندها تسعين سنه يا مفتري!"
قالها يونغي ف شهق الاخر و قال
"بروح امك يا طبله؟! دي معاها حزام اسود تايكوندو!!"
ف ضربته الحجه علي فمه بحركه الثعبان الملتوي السريعه ثم قالت
"ايه الخبث و الخبائث دي!! انتوا تعرفوا الاشكال دي منين؟! عايزين تطردوا الملايكه من البيت!!"
"علي اساس ان كان فاضل ملايكه ف البيت بعد ازازتين الويسكي الي وراكي دول انتي حجه ازاي انتي؟ كنتي بتطوفي حوالين شبشب؟"
اردف محسن ف ضحك الباقيين في صمت
ثم قال كوك
"يلا نشغل قران و كل حاجه هتتحرق"
قرص جين كوك ف لبلوبه ثم قال
"لو شغلت قران ستك و يونغي هما الي هيتحرقوا"
"ما انا عايز كده"
ف ضربه يونغي و تيتا علي قفاه
♡◇♡
بعد أن أقنع يونغي (الحفيد المفضل) جدته بأن محسن صديقه و تركته اخيرا جلس محسن معهم بالصاله بينما خرجت هي لتتشمس علي البلاج
تحمحم جين ثم نظر نحو جنغكوك
"نرجع لمرجعنا يعني مش ناوي تفرحني بعيالك؟ مش عايزني اكون عمو؟"
ف اكمل جنغكوك
"عايزاني اجبلك ولاد ف البلد دي؟ ده انا خايف اجيب فيها جزمه بيضا"
"الواد بيتكلم بجد يا هيونغ والله"
اردف الي و هو يمصمص صوابعه مطرح كيس الشيبسي الي كان بياكلها ف قال له جين بإشمئزاز
"ده بدل ما تعقله و تبقي ليه قدوه حسنه و تتجوز كده مش انت اخوه الكبير؟"
"ده مش حقيقي انا فرخه بكااااءك"
قالها تاي ثم رمي كيس الشبسي الفارغ و ذهب
"ده اكرملنا انه ميتجوزش"
قالها جين بوجه غير مندهش مما حدث
ابتسم جين بخباثه ثم التفت نحو هوسوك ف اردف الاخر
"وريني العروسه يا جين"
"باين عليا اوي؟"
اردف جين ف اكمل هوسوك
"انجز بقي"
ف حلق جين كالفراشه و اخذ موبايله من غرفه نومه ثم عاد محلقا نحو هوسوك و أخرج صوره فتاه و اراها له ف انصدم الاخر و نط فوق ظهر الكنبه
"ده ايه ده ده لا يمكن يكون انسان ولا حيوان ولا حتي نبات دي بكتريا دي وش بكتريا!!"
"ايه يا هيونغ العبث ده ملقتش انيل من دي؟"
قال جيمين ف اردف جين
"ليه مالها البنيه؟"
"دي اسماء ثدفه و تثادف"
"ازاي يعني؟"
"يوم ما اتولدت امها و الدكتور الي ولدها ماتوا"
اكمل جيمين ف قال جين
"ثدفه و تثادف"
"أبوها كان شغال ف السرك بقاله ٢٠ سنه و اول ما راحت شافته الأسد اكله"
قال كوك ف اكمل جين
"ثدفه و تثادف"
"بلاش دي لحد النهارده دخلها اي حاره ف اي منطقه النور بيقطع"
اردف جيمين ف اكمل جين
"ثدفه و تثادف"
"حضرت فرح بنت خالتها ولعت ف الكوشه"
قالها كوك ف اردف جين
"ثدفه و تثادف"
"بااااس و عايز تجوز الكائن ده للغلبان هوسوك؟ دي اديها لمحسن"
قالها جين ف اردف محسن
"تخيل جني يتجوز أسماء ثدفه و تثادف ناقص كده المسيخ الدجال يظهر و القيامه تقوم...و كمان ثانيه واحده و هو مال ام محسن يتجوزها ليه؟!"
"عشان انت ملكش اهل"
قال يونغي
"هدعي عليك يسطا"
"هتخش النار حرام تدعي عليا"
قالها يونغي و ابتسم بإستفزاز ف قال الاخر
"خلاص هحسبن"
ثم رفع محسن يده للسماء و قال
"حسبي الله و نعم الوكيل ف الظالم"
ف سقطت النجفه علي فخاد جين ف اكمل محسن
"و المفتري"
ف سقط سقف الشاليه علي يونغي
و من تحت الانقاض نسمع صوت يونغي و هو يقول بصوت خافت
"طلعت واصل يا ابن الجزمه"
يتبع.....
