و ما أن القي مازن هذه الجمله حتي اقتحم نامجون و هوسوك المنزل بوجوه قلقه ف وجدا جيمين و تاي يلبسان روبان حرير بريش سرقاه من دولاب مدام عواطف و يونغي يحمل الصاجات وراهم ،خبط جيمين تاي بكتفه و قال متناغماً مع الاغنيه الي مشغلينها
"انا بسبس بص"
لينظر له الاخر و يردف
"هتخس في حبي النص"
"تمشي و عينيك بتبص و قلبك هيشوف البدع"
"اجدع منك اهو نخ"
قالها تاي و هو يعطي قرص حشيش لجيمين
"ده انا سهل اعملك فخ"
قالها جيمين و هو يغمز
"و انزل بالطخ الخ الخ استحمل لو جدع!"
ثم رقع يونغي زغروطه
ركض نامجون نحو الاثنان بعد أن طفي الاغاني و قال و هو يمسك جيمين من الروب الستان و قال
"ايه القرف ده انت شارب؟"
"شارب نار حبك يا قمر"
اردف الاخر ليلطشه نامجون قلم و يقول
"انت متخلف يلا ايه ده!!"
"بموت في الشتيمه وبخني"
قالها جيمين ثم انقض علي نامجون ليحضنه لمن الاخر أعطاه شالوت خبطه في الواد مازن ثم خبطهم هما الإتنين في الحيطه
تجاهل نامجون و هوسوك هذا العرض المشوق من الشقلبظات و اتجها الي جين
"هيونغ انت كويس؟!"
قالها نامجون و هو يطمأن علي جين لينظر له الاخر و يقول
"بت يا سعديه؟ كل ده عقبال ما تيجي تزوري ستك يا واطيه"
فتح نامجون فمه من الدهشه ف تركه جين و ذهب لهوسوك و قال
"و انتشي كمان يا اعتشماد والله و كبرتي و بقي عندك حاجات"
"انتي ست قليله الادب احترمي نفسك يا وليه!!"
قالها هوسوك و قد أخرج طاسه الدفاع عن النفس من شنطته
"يا بت متتكسفيش ده انا جدتك!"
"احترمي نفسك بقولك!!"
و بينما جين كان يحاول أن يقترب من هوسوك جاء كوم من خلفه ف الواد اتسرع و لطشه بالطاسه
في مشهد آخر جلس الجميع حول كوك الي رأسه اتفتحت ثم نظر جين له و قال
"حد معاه بيرفيوم او كحول اعقم بيه الابره عشان اخيط؟"
ف نظر له مازن ثم قال
"اوعي كده اطلع ازازه الويسكي من تحت السرير"
و بعد أن أخرج مازن الي بيقلب البيت كباريه بليل و بياكل مال اليتيم الويسكي من تحت السرير أعطاه ليونغي الذي سكب نصفه علي الابره و الجرح و قال
"ادينا عقمناه"
ثم فتح فم كوك و سكب ما تبقي من الازازه في فمه و اكمل
"و ادينا خدرناه"
"استعمل خيط بون الجلد بقي عشان ميبانش"
قالها تاي ليرد عليه كوك
"بس انا بحب البمبه"
"طب بص يا جيمين انا مصدع بقي خد انت كمل خياطه"
قالها جين و هو يباصي كوك له لياخذه الاخر و يردف
"هو انا لسه هخيط؟"
ثم اخرج اللبانه من فمه و كعورها و وضعه علي فتحه رأس كوك
يتبع...
