بعد مهاوشات و مناوشات عده اخيراً اقتنع محسن و وافق علي الذهاب مع يونغي لحفل العشاء المشؤم هذا و بعد أن حول نفسه لامرأة حسناء المظهر و وصلا الي المطعم المصاحب لفندق فخم ما
"ايه ده هو ابن خالتك هيعشينا في قصر"
قالها محسن و هو يفتح فمه من الدهشه
"قصر ايه ده فندق يا محدث النعمه"
قالها يونغي و هو يفك ربطه العنق الي جين خنقه بيها و ينعكش شعره قليلاً لان جين فلقهوله من النص زي هنيدي في فيلم تيتا رهيبة
"هو الي يعيش معاكم يشوف نعمه!"
اردف محسن ليجد يد يونغي تقرصه من لغلوغه دراعه ف حسبن عليه ثم دخلا معاً
بحث الاثنين عن سوبين و حوريه قليلاً حتي وجداهم و جلسا معهم و قبل حتي ان يبلوا ريقهم ب بق ميه قالت حوريه في نبره حربوءه
"أمم حلوه خطيبتك بس مش ذوقكك خالص مكنتش اعرف ان ليك في البلدي"
و ما ان نزلت هذه الجمله علي مسامع محسن حتي احمر وجهه و كان علي وشك السب لكن يونغي تك علي ركبه الاخر و اردف
"و انا مكنتش اعرف ان يونجون متأثر بأمه اوي...خاطب حربايه زيها و انتوا لما تخلفوا هتجيبولنا ايه بقي براص؟"
ف خرست حوريه و لم تفتح فمها مجدداً
بعد القليل من وقت نزل طبق ملئ بالماء و جمبه كبسوله صغيره بيضاء ف لاحظ محسن انهم يضعون هذه الكبسوله داخل الماء ف ظنها نوعاً من الشوربه و شربها
ف حرقه يونغي و قال
"انت بتنيل ايه يا متخلف"
"بشرب عطشان"
"دي عشان نغسل ادينا انت بتطفحها"
"قول اقسم؟"
"الله يفضحك زي ما فضحتني يا بعيد"
ثم ضحك الاثنان ب تكلف و تعامل يونغي كأنه لم يري اي شئ ف فعل سوبين المثل
و بعد عشان طويل من محاوله تسليك حوريه من فم محسن او يونغي و سوبين علي الجانب الآخر يلعن اليوم الي اتولد فيه قرر يونغي الانسحاب لكن سوبين أخبره انه حجز سويت لهم و سويت آخر للفتيات لقضاء ليله عائليه لطيفه
حاول يونغي التهرب لكن للاسف فشل و ذهب للاعلي مع محسن ليقول له كلمتين قبل ما الحربايه تدخل السويت و تقعد معاه
"ايه يا يونغي الهبل ده انت قلتلي ساعتين و هنكت من هنا بيات ايه ده الي هنباته؟!"
"يمعلم هدي نفسك كده هشوفلها صرفه بس المهم البت حوريه دي متعرفش انك راجل و انت تتنيل تخرس خالص لحد ما اكلمك بص احبس نفسك في الحمام"
"حبسوك ف الحمام لحد ما تتلبس يا بعيد امثل اني مش راجل اكتر من كده ايه؟!"
و في هذه اللحظه دخلت حوريه و قالت بأعلي صوت عندها
"مين ده الي بيمثل انه مش راجل؟!"
و كانت تركض ك الفرقعلوز لتخبر سوبين لكن يونغي مسكها من قفاها و رماها من البلاكونه
نظر محسن من البلاكونه للكائن الهامد الذي أمامه و قال
"احيه احيه احيه!! قتلتها؟"
"كانت هتفتن علينا!!"
"ف تلبسنا قضيه بدل ما تفتن علينا؟!"
ثم أعاد النظر اليها و تنهد ب ارتياح و قال
"الحمدلله لسه بتزحف"
ف امسك يونغي ب الميكروويف الذي كان بالغرفه و وقعه علي نفوخها لتتوقف عن الحركه
"انت مله امك ايه يلا؟ انت ابو لهب ياض؟!"
ق
الها محسن و هو يمسك الاخر من ياقه قميصه
"عندك حق دي انا رميتها غل"
و في وسط ولوله و نحيب محسن شخصاً ما طرق علي باب السويت
يتبع...
يا عويال جالي النهارده رسالهوان حد سرق القصه بتاعتي مش بالنص بس سارق الكونسبت و النكت ف خلو بالكوا و افتكروا ان هوبي الأساس و الباقي كله اكياس و لو لقيتوا حاجه مسروقه اعملوا ريبورت
😭❤انسوا الي فوق ده طلعت نقلاها بالنص هعيط
