بعد أن نفخ الحجوجه جين بسلام جمع أولاده السبع علي طاوله العشاء (طرابيزه الاجتماعات العائليه) و نظف حلقه ثم اردف
"عارفين يا ولاد انا جمعتكم ليه النهارده؟"
"لا يا بابا ننجز ونبي انا اقسم بالله بربور البحر بتاع جيمين مطلع عيني كفايه"
قالها نامجون و هو لايزال يتلوي كالدوده
"انا قررت اتجوز"
لينطق السبعه في وقتاً واحد
"تاني؟؟!!"
"يا حج انت ما بتحرمش ده احنا ما صدقنا طلقت امنا ده انا بطحت المأذون لما قالك الصلح خير"
اردف يونغي
"بابا فكك منهم عندها بنات حلوين؟"
قالها جيمين ليجد كف جين يستقر علي قفاه
"ياض اهمد بقي ده انت لسه مخلوع"
"يعم هي جت عليا يعني مش احسن من ابوك الي ناوي يتجوز في الوقت الضايع ده"
"وقت ضايع يا قليل الادب ده انا كلي صحه"
"صحه ايه يا بابا ده انت و ماما اطلقتم عشان كنتم بتتخانقوا مين فيكم هياخد دول الضغط الأول!"
"مكنش الضغط كان السكر يا كلب"
"لا فرقت!"
بينما كان الجميع يتحدث جاء لتايهيونغ مكالمه و بعد أن انتهي من الحديث التف نحو والده و قال
"طب بابا انا عايز اقولك علي حاجه"
"عايز ايه يلا يا متخلف انت"
"هو انت مخلفني عشان اتهزق ولا انت متبنيني ولا هو في ايه بالظبط؟"
"يحبيبي نتبني ايه بس هو حد بكامل قواه العقلية كان هياخدك؟"
"لا صح عندك حق...انت و يونغي فيكم جينات من بعض"
"بس الاول إلا هو فين برعي"
"برعي القط؟"
اردف كوك
"آه راح فين من ساعه ما دخلت و هو مختفي كده مش لاقيه"
"أصل لما جين مشي هو انتحر يعني ف الله يرحمه"
"قتلتوا القط يا ولاد الجزمه!!"
اردف جين و هو ينقض علي كوك و بيعضه من وراكه
"يا هيونغ اهدي ده قضاء و قدر!!"
اردف جيمين و هو بيسلك وراك كوك الي اتهانت من اول الروايه
"لا و البجح بيقولها في وش اخوه كده يعم مهدهاله يعني كان بيلعب علي السطح وقع مات كده يعني!"
قال هذه الجمله والدهم ثم التفت نحو تايهيونغ و اكمل
"آه صح كنت عايز تقول ايه بقي؟"
ف اعتدل تايهيونغ في جلسته و قال
"عمتو اتصلت بيا و....هي تيتا كانت بتلعب علي السطح"
يتبع...
