بعد أن افاق الجميع من مفعول الحشيش و أخذوا كوك المشفي ليحظي علي علاج مناسب و يشيلوا ام اللبانه الي في نفوخه جلس نامجون يشرب سيجاره في البلاكونه ليأتي يونغي من خلفه و يقول
"انا شايف بقالك حبه كده عمال ثتببب ايه بقي؟"
لينظر له الاخر بإستحقار
"علي اساس الي كنت بتشربه امبارح ده ايه يا صبي الرقاصه بخور؟"
"هئ حلوه...لا حلوه"
قالها يونغي بإستهزاء ثم امسك برقبه نامجون و بدأ بخنقه
"اتنفس هوا"
"انت بتخنقني!"
قالها الآخر بصوت يختنق
"متتحججش"
"مش قادر!"
و أثناء هذه المعركه اقتحم جين البلاكونه و قال
"في صوت نواح"
"آه ما انا بعذب نامجون"
اردف يونغي و هو لازال مشعلق نامجون في الهوا من رقبته
"لا لا نواح تاني"
قالها جين غير مبالي بالمتبني الذي يختنق بجانبه ثم القي نظرة من البلاكونه و وجد مازن متشعلق في السجاده الي كان ناشرها
"الله يخربيتك بتنيل ايه هتترب السجاده ده انا اتقطم وسطي و انا بغسلها!!"
"مش وقته ونبي طلعني الاول اعتبرني حد من اخواتك!!"
ف صمت جين قليلاً ليفكر ف قاطعه مازن
"مش جنغكوك مش جنغكوك !!!!"
ف تنهد جين و نظر لنامجون ف صرخ مازن تاني
"ولا نامجون ابوس ايدك!"
"خد يسطا"
قالها يونغي و هو يناول نامجون لجين
"اعمل ايه بيه ده؟"
قالها جين و هو ينظر للاخر بإستنكار
"شعبطه كده مازن يمسك في شعره و نشده"
"لا لا ناولني جنغكوك"
"انتوا بتتعزموا عليا يا ولاد الكلب و كمان مش عاجبك!!"
قالها نام و قد بدأ بالترفيص
"يسطا انا اسف انقذني بس هات شعرك!!"
قالها مازن و هو يحاول امساك شعر نامجون
"شعر مين يا ابن الجزمه اوعي يلا!!"
قالها الآخر و هو يلطش صوابع مازن بعيداً
"بقولك ما تسيبهم و يقعوا هما الإتنين و نخلص"
قالها يونغي بعد أن وجد الاثنان يتشاجرا
"يا ولاد الوارمه!"
قالها مازن و نامجون في ذات الوقت
بعد إنقاذ مازن امسكه جين و وضعه علي كرسي الاعتراف و هز اللمبه من فوقه كده و قال
"أنطق يلا انت ايه الي رماك علينا"
ابتلع مازن ريقه و قد تم ربط اطرافه الاربعه بالكرسي و جلس يونغي بجانبه و جين يجلس امامه حامل الشبشب الأخضر الي في نص البيوت المصريه الي بينزل مع السوفت وير ده و قال
"امي اكتشفت الكباريه الي فاتحه في الشقه الي تحت و شركه تهريب المخدرات الي في الهرم و عرفت اني بتعاطي"
"انت جنس مله اهلك ايه؟؟مش باين عليك كل العك ده انت شكلك دكتور سنان!!و طردتك عشان كده؟!"
"لا عشان نسيت اطلع الفرخه من الديب فريزر تفك"
ف لطشه جين بالشبشب علي فخاده
"و دي حاجه تتنسي يا متخلف!"
"خلاص يسطا بقي انت عشان كوك راقد هتطلع كبتك في تعذيب الوراك عليا!! و كمان انا مش مازن اصلاً انا اسمي هيونجين و عايش عندها براشوت عشان عندها زهايمر"
"ايه ده طلسومه؟ما كانو سموك محمود ولا أحمد هي من قلة الاسامي؟ "
قالها يونغي بإستغراب ليردف الاخر
"ده علي اساس مين يونغي ده اسم طبيعي؟!و كمان سايب اني بشتغل الوليه و ماسك في اسمي!!"
"يعم عادي ما انا عديت انك فاتح الشقه الي تحتيكم كباريه"
"صح...وجهة نظر تحترم"
"عموماً متدوشنيش! انت جاي تنيل ايه عندنا؟!"
قالها جين و قد بدأ بالتلويح بالشبشب مجدداً
"يعني مطرود من البيت...و جعان...و شغلي اتقفل"
قالها الآخر و قد بدأ بممارسه عيون القطط و هي بتسرق منك الاكل للمره الفشخوميه في اليوم
"ايوه انا مالي؟"
"عشان خاطري.. ؟"
قالها هيون و قد بدأ بإبتزاز جين عاطفياً ليردف الاخر
"خلاص متبصليش كده قوم اتنيل شوفلك بيجامه علي مقاسك غور جتك البلا في مسكنتك!"
يتبع...
