Day 285
Tagalog:
Huwag ninyong gantihan ng masama ang masama. Sikapin ninyong mamuhay nang marangal. Hangga't maaari, makisama kayo nang mapayapa sa lahat ng tao. Mga minamahal, huwag kayong maghihiganti; ipaubaya ninyo iyon sa Diyos. Sapagkat nasusulat, "Akin ang paghihiganti, ako ang gaganti, sabi ng Panginoon."
Mga Taga-Roma 12:17-19 MBB05
English:
17 Do not repay anyone evil for evil. Be careful to do what is right in the eyes of everyone. 18 If it is possible, as far as it depends on you, live at peace with everyone. 19 Do not take revenge, my dear friends, but leave room for God's wrath, for it is written: "It is mine to avenge; I will repay,"[] says the Lord
Romans 12:17-19
*********
Mahirap para sa ating mga tao ang magpatawad at kalimutan ang lahat ng mga nagawa sa atin na masama ng ating kapwa. Masakit at mahirap tanggapin, ang poot ay namumutawi sa kaibuturan ng ating puso na kadalasan ay nag-uugat sa paghihiganti. Ngunit sa huli ang paghihiganti ba o pagkimkim ng sama ng loob ang sagot sa lahat ng ginawa sa ating masama ng ating kapwa?
Makakatulog ba tayo ng matiwasay at mapayapa kung tayo ay nagbabalak ng paghihiganti sa ating kapwa? Mabibigyan ba natin ng kaluguran ang ating sarili kung matupad man ang ating mga planong paghihiganti? Kaya't sa huli sarili lamang natin ang ating sinasaktan at pinahihirapan. Ating ipaubaya sa ating Panginoon ang lahat ng ating mga naranasang hirap o dusa sa ating kapwa.
Ating ipagpasa-Diyos ang lahat ng galit, sama ng loob at paghihiganti sa ating kapwa. Ang Diyos ay hindi natutulog sa lahat ng ating mga pinagdadaanan.Kanyang tutulungan at pagpapalain ang sa Kanya'y ipinauubaya ang lahat.
Sa Kanya na natin isuko ang lahat ng mga bigat at dalahin natin sa ating kapwa at ang Diyos na ang Siyang bahalang magpasya sa lahat ng mga nakagawa sa atin ng masama.
#GodBlessUs😇❤
#day285 ❤
#toGodbetheglory
#keepussafealways
====================================
Day 286
Tagalog:
Ang kahinahunan ay nagpapakilala ng katalinuhan, ang pagpapatawad sa masamang ginawa sa kanya ay kanyang karangalan.
Mga Kawikaan 19:11 MBB05
English:
A person's wisdom yields patience;
it is to one's glory to overlook an offense.
Proverbs 19:11 NIV
*********
Ang kahinahunan sa anumang sitwasyon ay nagpapakita ng katalinuhan ng tao. Iniisp niyang mabuti ang kanyang sasabihin at pinanatiling mahinahon sa kabila ng gulo ay nagpapayapa ng mga kaisipan ng taong nakapaligid.
Karangalang maituturing ang taong mapagpatawad sa kabila ng mga ginawang masama sa kanya. Ang pagpapatawad ay madaling sabihin ngunit napakahirap gawin. Ngunit kung bubuksan lamang natin ang ating mga puso sa pagpapatawad, malalaman natin na napakasarap palang mabuhay na walang kinkimkim na galit o hinanakit man sa ating puso.
Pagpapalaing lubusan ng Panginoon ang mga taong marunong magpatawad sa kabila ng mga nagawang kasalanan sa kanya ng kanyang kapwa. Lagi nating tatandaan na hindi makapagpapataas ng ating sarili ang hindi marunong magpatawad.
Maliit man o malaki ang nagawang kasalanan, humingi man ng tawad o hindi ang mga nakagawa nito sa atin, patawarin pa rin natin sila. Ang Diyos na Siyang nakakakita ng lahat ang magbibigay karangalan at pagpapala sa atin, ayon sa ating mga gawa.
#GodBlessUs😇❤
#day286 ❤
#toGodbetheglory
#keepussafealways