"သူတို့က ဘေးဒုက္ခကနေ ထွက်ပြေးလာတယ်လို့ ခင်ဗျားက ဘယ်လိုသိတုန်း?"
အနှီလူကြီးက ပြန်ပြောလေသည်။
"ဒီသုံးနှစ်တာအတွင်း မင်းက ဒီမှာမရှိဘူးဆိုတော့ မင်းမသိတာက သဘာဝကျပါတယ်။ ချန်းစီရင်စုကနေ မေပယ်မြို့တော်ကို ရောက်ဖို့အတွက် ဒီနေရာတစ်ဝိုက်ကို ဖြတ်သွားရတယ်လေ။ ချန်းစီရင်စု ဆိုတာ ဘယ်လိုနေရာမျိုးမိုလို့လဲ? သဘာဝဘေးအန္တရာယ်တွေ မကြာခဏ ဖြစ်တတ်တဲ့နေရာမျိုးလေ။ ဘေးဒုက္ခတွေက ကြားကာလတွေဆို ရောက်လာတတ်တယ်။ ရေကြီးတာ မဟုတ်ရင် မိုးခေါင်ရော။ မနှစ်ကဆို ရေကြီးပြီးတော့ လယ်ယာမြေတွေ နဲ့ ရွာတွေအများကြီး ရေမြုပ်ကုန်ကြတယ်။ လူတော်တော်များများက မနေကြတော့ပဲနဲ့ တခြားနေရာတွေကို ပြောင်းသွားကြပြီ"
တစ်ဖက်လူက ခေါင်းငြိမ်လိုက်သော်ငြား တစ်ခုခုကို တွေးမိဟန်ဖြင့် ပြန်ပြောလာ၏။
"ချန်းစီရင်စု နဲ့ အနီးဆုံး က မေပယ်မြို့တော် ပဲ။လူတွေကသာ ပြောင်းရွှေ့မယ်ဆိုရင် မေပယ်မြို့တော် ကိုပဲ အမြဲတမ်း သွားကြမှာပဲ။ ဒါပေမဲ့ ဒီနှစ် ချန်းစီရင်စု မှာ ဘာ သဘာဝဘေးအန္တရာယ်တွေမှ မဖြစ်ပါဘူး။ ဒီတော့ ချန်းစီရင်စု က လူတွေက ဘာလို့ ဒီနေရာမှာ ပေါ်လာကြပါလိမ့်?"
"ဒါတော့ ငါလည်းမသိဘူး"
လူကြီးက သူ့မေးစေ့ကို ပွတ်သပ်လိုက်ရင်း ပြောလာသည်။
"ဖြစ်နိုင်တာက နောက်ပိုင်းကျရင် သဘာဝဘေးအန္တရာယ်တွေ ဖြစ်လာမှာကို သူတို့ကြောက်လို့နေမှာပေါ့။ ဒီတော့ သူတို့က ဦးအောင်ပြောင်းထားတာဖြစ်မယ်။ ပြီးတော့လည်း မနှစ်တုန်းက အထိအခိုက်များတာကိုးကွ"
"ချန်းစီရင်စု ကနေ စောစောထွက်သွားတာက တကယ့်ကို ကောင်းတဲ့အကြံပဲ"
"ဒါပဲပေါ့။ ချန်းစီရင်စု က လူတွေလည်း ဒီလိုမျိုး ရုန်းကန်မနေချင်ကြဘူးလေ။ ပြီးတော့ အင်ပါယာမိသားစု ကလည်း မသိ..."
တစ်ဖက်လူက အလျှင်စလို တိတ်တိတ်နေရန် အချက်ပြလိုက်ကာ အသံကို နှိမ့်ပြောလိုက်၏။
"အင်ပါယာမိသားစု အကြောင်းကို လူရှေ့သူရှေ့ ပြောနေတယ်...မင်း သေချင်နေတာလား?"
YOU ARE READING
ကုန်းမြေကြီး၏ အရှင်သခင်ဝမ်ဖေး( Book - 2)
Historical Fictionအရင် accထဲဝင်မရတော့လို့ Book ခွဲလိုက်ပါပြီ 🙆 ဒါက အပိုင်း ၁ ကနေ ဖတ်လို့ရတဲ့ Linkပါ🖤 https://my.w.tt/7FVYRdnwfcb Book 2 Start Date - 16.12.2020 Book 2 End Date -
အပိုင်း (၄၇) - လယ်သမားများ
Start from the beginning
