~ فرصة حب~
الاتنين تاهوا فى نظرة طويلة مليانة اسألة ومشاعر كتيرة.... فاقوا ع صوت فرح وهى بتقول: عمو جاسر انت جيت هنا ليه!! 🥺
بصلها جاسر وقالها: جيت اخدك يا فرح.. كنتى بتعيطى ليه يحبيبتى!؟
ردت امل وقالت بعد ما فهمت انه عمها مش باباها: فرح كانت زعلانة شوية مش اكتر.. فرح يلا روحى جيبى حاجتك عشان تمشى 🙂
فرح بطفولة: حاضر
وراحت فرح عشان تجيب حاجاتها... بعد ما مشيت فرح بصت امل ل جاسر وقالت: انت عم فرح!؟
جاسر بصلها وقال: اه .. فى حاجة..!؟.. فرح كانت بتعيط ليه!؟
امل بصت له بحسم وقالت: ياريت تبلغ والد فرح ب ان مينفعش مهاما كان الخلاف بينه وبين زوجته انه يتكلم قدام البنت عنها وحش.. لانه مأثر جدا ف فرح.. فرح منعزلة تماما عن صحابها وحتى معندهاش رغبة انها تشارك ف الاجابة زى بقيت الاطفال ده غلط جدا عليها ك طفلة .
جاسر بصلها وسكت شوية وبعدين اتنهد بقلة حيلة وحزن على حال اخوه وبنته.. وبعدها قال: متقلقيش انا هحاول اتصرف واكلمه واحل الموضوع
امل بصت له وقالت بايماءة: تمام.. عن اذن حضرتك
لسة هتمشى لقت فرح بتنادى عليها.. فرح بطفولة: امل 🥺
بص لها جاسر ب استغراب انها بتنادى الميس باسمها وف نفس الوقت عجبه اسم امل حس انه لايق عليها لان اى حد يبصلها من جمالها ورقتها تديله امل ف الحياة 💙
لافت امل ليها وقالت: خير يا فرح!؟ 😃
فرح بطفولة: انا اسفة ان كنت مش بجاوب ومكنتش شاطرة بس انا هركز معاكى بعد كدة 💙🥺
ابتسمت امل بسعادة وقالت: هكون مبسوطة جدا يا فرح لو فعلا عملتى ده ولو كمان صحابتى ولعبتى مع بقيت زمايلك.. اوكيه!؟ 😃💙
هزت فرح راسها ب اه كذا مرة.. جاسر كان متابع كلامهم بهدوء ولما خلصوا قال: يلا يا فرح!؟ 🙂
فرح بطفولة؛: يلا يا عمو ... وشاورت ل امل بعلامة باى 👋🏻💙 وامل كمان شاورت لها 👋🏻💙
مشى جاسر مع فرح وامل كلمت مريم لانها نسيت تكلمها بسبب مشكلة فرح
مريم: لسه فاكرنى .... انا قولت نستينى وبعتينى ع O LX...!? 🤨
ضحكت امل وقالت:بس يهبلة انساكى ايه هو انتى تتنسى بردوا
مريم بغرور مصطنع:مرسيه مرسيه..انا عارفة ان متنسيش وانى اتحب وانى قمر وكيوت و....😌
قاطعتها امل وقالت:بس اخرسى ايه مسورة اتفتحت..كيوت ايه بس قولى كلام غير ده يشيخة 🤨
مريم بزعل مصطنع:كدة طب يختى مكلمتنيش ليه من بدرى!؟😒
امل بهدوء:لما اقبلك هحكيلك..ابقى تعالى اقعدى معانا النهاردة وحشتى ماما وبتسال عليكى
مريم بمحبة:طنط حبيبتى هى كمان وحشتنى اوى..خلاص اشطا هقول لـماما واطب عليكوا بس اعمليلى حلويات وجاتوهات وحركات 🤤
امل بدهشة مصطنعة:يخربتك خلاص متجيش متجيش انا غلطانة ان فتحت بوقى من الاول..وبعدين تعالى هنا نظام الدايت رقم 115 ايه!؟
مريم بحزن مصطنع:راح مع ال راحو ف حريق 76 🥺
ضحكت امل وقالت:ماشى يا فقر تخلصى وتيجى هستناكى باى😂👋🏻
مريم:باى يا قلب الفقر 😂💙👋🏻
خلصت امل شغلها وراحت البيت غيرت و أدت فرضها و أستنت مريم عشان يتغدوا سواء
جرس الباب رن امل افتكرت انها مريم حطت حجابها وقامت تفتح بس اتفجاءت ب...
#فرصة_حب
#رواية
#HaGer
أنت تقرأ
رواية_(فرصة حب♥) بقلمى /هاجر مجدى
Humorالبنت حبيبت أبوها.. فماذا يحدث لها إذا تركها الأب وحيدة فى مجتمع يطعنها كل ليلة وهى تسمع ما لا يمكن أحتماله " رواية_(فرصة حب) بقلمى/هاجر مجدى