~ فرصة حب ~
_(الحلقة الرابعة والعشرون) ❤
وصل جاسر الڤيلا الساعة 1:25 فى نص الليل بعد ما وصل امل بيتها واطمن عليها..جاى عشان يطلع اوضته لاقى مازن نازل وهو ماسك ازازة فى ايده.. وبيسأله: ايه يا جاسر لسة راجع.. معقولة حفلة الخطوبة طولت اوى كدة!! 🤨
جاسر بنفى: لاء ابدا بس حبيت اخد امل ونتمشى شوية وبعدين روحتها.. احم مازن كنت عايز اكلمك فى حاجة كدة فاضى دلوقتى!!
مازن بأبتسامة هادئة: ولو مش فاضى افضالك يسلام.. تعالى يلا.. وخده وراح قعدوا فى التراس (لاء مش بلكونة لاء دى حاجة كدة ما شاء الله اللهم لاء حسد قد بيتكوا مرتين ارتاحوا بقى🙄) وقعدوا على كراسى جنب بعض.. مازن ب أهتمام: هاا بقى .. ايه الموضوع خير!؟
جاسر بهدوء: فى حد يهمنى أمره .. حد لافق له قضية رشوة وكنت عايزك تساعدنى لو نقدر نطلعه من الموضوع ده
مازن بتساؤل:والد امل صح!؟
جاسر بدهشة:عرفت منين..ده انا لسة عارف انهاردة!!🤨
مازن ب ابتسامة:ماما كانت حكيالى الموضوع ده من بدرى وانا كنت ماشى فيه وان شاء الله قضية النقد مضمون مكسبها..🙂
جاسر بفرحة وراحة:متشكر جداً يا مازن بجد مش عارف اقولك ايه انا الموضوع ده كان شاغلنى طول الطريق وكنت مستعد اعمل اى حاجة بس المهم القضية دى تخلص واستاذ نصر يخرج بالسلامة
مازن بخبث:ليه..!؟ (خبث!! انت كمان..حقيقى مجمع الا ما وفق...لايقين على بعض جدا🙄)
جاسر بطصنع عدم الفهم:هاا..ليه ايه..!؟
مازن بأبتسامة:ليه الموضوع شغلك من اول ما عرفت وليه كنت مستعد تعمل اى حاجة واستاذ نصر يخرج بالسلامة...وليه ارتحت وفرحت لما عرفت ان مكسب القضية مضمون!!
ها هتقول بقى ليه..ولا اجاوب انا!؟🤔
جاسر بضحكة يأس من اخوه اللى هيفضل دايما حافظ اللى جواه اكتر منه...جاسر بص بعيد على منظر الزرع والاشجار اللى محاوطهم الليل وفوقهم القمر فصورة خلابة"أنا بوصفلكوا بس عشان تعيشوا فى المود😂💙"..تهدى الروح والبال..وقال بهيام وحب:لان حبيتها وبتمنى امحى اى حزن فى حياتها عشان نبداء مع بعض حياة جديدة ميكونيش فيها اى نوع من انواع الحزن او الوجع..عشان لما اروح اطلب ايدها مشفش فى عينيها نظرة حزن او كسرة..لان وقتها هحس ان عاجز عن ان امحى النظرة دى واقدر ارسم بدلها ضحكة سعيدة تسعد بيها قلبى قبل قلبها..عايز اعملها كدة واكتر لانها تستاهل اكتر من ده ♥
مازن بشرود هو كمان فى صاحبة العيون الزمردية:معاك حق..هى تستاهل اكتر من كدة 🙂❤
جاسر بمرح نغزه بخفة فى كتفه وقال بغمزة:ايه رحت فين..!؟😉🧡
مازن بحدة مصطنعة:ايدك طولت يا جاسر!!🤨
جاسر بمرح:ايه.. هتضرب اخوك يا فواز (بصوت هنيدى🤭)
أنت تقرأ
رواية_(فرصة حب♥) بقلمى /هاجر مجدى
Humorالبنت حبيبت أبوها.. فماذا يحدث لها إذا تركها الأب وحيدة فى مجتمع يطعنها كل ليلة وهى تسمع ما لا يمكن أحتماله " رواية_(فرصة حب) بقلمى/هاجر مجدى
