رواية_(فرصة حب♥) بقلمى /هاجر مجدى

"فرصة حب _الحلقة العشرون"

~ فرصة حب ~

_(الحلقة العشرون) ❤

أمل بدموع شدت ايدها منه وقالت: مفيش انا بس حابة امشى الجو تعبنى.. 😢

جاسر بعدم تصديق: متأكدة يا امل..!! 🤨

امل بحزن وهى بتمسح دموعها: اه.. ممكن انت تفضل وانا هروح لوحدى😔

جاسر بنفى: لاء.. مفيش الكلام ده تعالى يلا.. عشان اوصلك 😐

ركبوا العربية وطول الطريق ساكتين وفجاءة جاسر وقف بالعربية على كورنيش النيل ونزل منها امل استغربت ولقيته بيفتح باب العربية ليها وبيطلب منها تنزل..نزلت من العربية وهى مستغربة هما وقفوا هنا ليه..!؟.. وقفوا جنب بعض وهما باصين ع النيل.. وفجاءة جاسر قال: اتكلمى

امل بصت له وبعدين بصت على النيل وقالت: اتكلم اقول ايه!! 😔

جاسر ب ابتسامة: ايه ضايقك ف سؤالى عن باباكى ليه زعلتى فجاءة وقررتى تمشى!! 🙂🧡

امل بحزن ووجع لانها عارفة انه هايسيبها زى اللى سابها: انت عاوزنى اجوابك ع سؤالك حاضر.. بابا كان بيشتغل موظف فى بنك.. وفى يوم من سنتين جه حد خبط على الباب وادى لماما شنطة صغيرة فيها دولارات.. احنا مكناش نعرف ايه اللى فى الشنطة بس.. عرفنا بعدين لما البوليس..(وسكتت وبكت وهى بتفتكر اسوء يوم مر عليها.. 💔) لما البوليس جه وفتحها وخد بابا من وسطنا.. انا وماما كنا مصدومين ومش مصدقين ان بابا يعمل كدة ابدا .. وروحت انا وماما وعمو محسن محامى بابا.. وبابا حكلنا ان ف شركة استثمارية كانت عايزة تاخد قرض من البنك وكانوا طالبين منه انه يساعدهم انهم يقدروا يتحايل ويتلاعب على البنك من خلال اوراق مش سليمة.. بابا رفض ده ف لبسوا قضية رشوة زور.. احنا عملنا من شهرين نقد واتقبل.. بس اجلوا الجلسات ولغاية دلوقتى بابا لسة ف السجن.. 💔

جاسر كان بيسمعها ومذهول وقال:انا انا مكنتيش اعرف عنك كل ده معقول يا امل 😳

امل حست ان بكلامه ده انه اتصدم فيها وانه هيسيبها وده وجعها ضعف وجعها لما افتكرت اللى حصل..فأنهارت فى بكاء شديد..جاسر اتخض عليها وحاول يهديها بس هى مكانتيش فى العالم ده خلاص اغمى عليها من كتر الزعل..اتصدم وشالها بخوف وجرى بيها ع العربية وساق بسرعة لمستشفى..دخلها قسم الطوارئ..والدكتورة كشفت عليها وقالت له انها صدمة عصبية(هتقولولى ازاى الدكاترة بيعرفوا انها عندها صدمة عصبية وهى مغمى عليها..هقولكوا بالله يختى ما اعرف لو حد عرف يعرفنى..😅) وانها هتفوق بعد شوية ويقدر يأخدها ويمشى ويبعدها عن الزعل وكتبت له ع مهدئات وعلاج ليها

جاسر خد منها الروشتة وراح قعد جانبها...لاقها دموعها بتنزل منها وهى نايمة...ومد ايده بشويش ومسك ايدها وباسها ومسح دموعها بهدوء

جاسر بحزن ع وجعها:وحياة عيونك اللى سحرونى من غير ما احس لتقومى وانا مخليش دمعة حزن تنزل منك تانى..كل الجاى هيبقى احلى صدقينى بس اوعى اشوفك موجوعة بشكل ده تانى.. ارجوكى ❤😔

بعد وقت امل فتحت عيونها لاقت جاسر قاعد ماسك ايدها وبيبصلها ب ابتسامة..قامت قعدت بخجل وهو ساعدها شدت ايدها منه براحة وبخجل شديد..خلى خدودها تحمر وفجاءة دمعت لما افتكرت اللى حصل..

جاسر ب ابتسامة: امل 🧡

امل بدموع:نعم 🥺💔

جاسر بحزن وحب:ممكن مشوفش دموعك دى تانى..لانها بتوجعنى زى ووجعك واكتر كمان 😔❤

امل بصدمة:ايه!!😳

جاسر بحب مسح دموعها وقال:ايوة يا امل متستغربيش انا بتوجع لوجعك... وبحزن لحزنك....وبعشق ضحكتك وبدوب فى اقل تفصيلة فرح منك لانى بقيت مجنون بحبك..بحبك اوى يا امل اوى♥

امل كانت مش مصدقة نفسها من الفرحة ودموعها بدات تنزل تانى بس ب فرح لان خوفها من انه يسيبها راح لا وكمان ده اعترف انه بيحبها..هتكون طالبة ايه اكتر من كدة!!!♥

جاسر بحب شديد:امل..تجوزينى ♥💍

الصدمة الكبيرة كانت من نصيبها ايه ده معقول..جاسر اعترف بحبها وطلب يتجوزها 😳❤(ف المستشفى يختى قمة الرومانسية🙄)

جاسر ب إبتسامة وحب:امل جوبينى موافقة ولا لا...وبعدين قال بخوف:انتى مش موافقة يا امل 😟

امل ب اندفاع هزت راسها ب لا كذا مرة وقالت:لا لا موافقة طبعاً😲❤

وبعدها حطت ايدها ع بؤها وشتمت نفسها ع اندفاعها (يقول عليكى مدلوقة عليه يا هبلة 🙄😒)..ضحك جاسر عليها بفرحة وحب وقال:طيب يلا بقى عشان اروحك عشان متأخريش..❤

امل بخجل هزت راسها وقالت:ماشى يلا ❤

وركبها جاسر العربية وراح لف ركب مكانه..اول ما دخل قال لها بمرح وخبث:بس مكنتيش اعرف انك واقعة كدة 😉❤(شوفتى يا غبية اللى خوفت منه حصل 😒🙄)

امل كشرت وقالت بزعل:كدة طب مش موافقة 😔

جاسر بسرعة قال:لا لا والله بهزر يا قلبى ده انا مصدقت 😍❤

ابتسمت امل بسعادة وخجل..وروحها جاسر البيت وراح هو كمان بيته يفكر ف حل يخرج بيه والد امل من السجن..وقرر حاجة بينه وبين نفسه..انه مش هيتقدم لامل الا لما باباها يخرج ويطلب ايدها منه عشان يسعدها فيوم زى ده ❤(قد ايه انت جميل يا جاسر...❤😍)

بالنسبة ل Tom & Jerry بتوع الرواية استنوهم فى الحلقة الجاية🧡

#فرصة_حب

#رواية

#HaGer

بحبكوا جدااااااااااا قد كدة 🌊🌍✨🧡🧡🧡