رواية_(فرصة حب♥) بقلمى /هاجر مجدى

"فرصة حب _الحلقة الثانية والعشورن"

~ فرصة حب ~

_(الحلقة الثانى والعشرون) 🧡

مازن بحزن: انا جرحتها كتير اوى بكلامى.. مفتكرش انها ممكن تدينى فرصة نقرب من بعض.. 😑

بس صوت جواه قاله جرب وحاول بلاش يأس .. مازن حسم امره وقرر يبداء بتصليح اخطائه مع مريم ويبداء صفحة جديدة معاها.. هو ميعرفش امتى وازاى بس كل اللى يعرفه انها شغلت تفكيره حتى لو اوقات كان بيتصنع ال لامبلاة بس فى الاخر كان بيفكر فيها 🧡

خرج من مكتب جاسر وراح مكتب المحاسبة لاقى الكل على مكتبه وهى قاعدة بتشتغل وهى سرحانة..(متقولوش ازاى.. عادى يعنى بصة على الورق وسرحانة.. زى ما بنعمل فى المزاكرة 🙆🏻‍♀️) نده عليها وقال: أنسة مريم تعالى عوزك..

مريم رفعت راسها بدهشة وقالت:أنا يا فندم؟! 😐

مازن بهدوء:ايوة يا مر..احم..اقصد يا انسة مريم..ممكن تفضلى عاوزك ف موضوع 🙄

مريم اتحرجت من الموقف ومن زملائها وملاقيتش غير انها تروح معاه تشوف ايه الحكاية..قامت مريم ولسة هتمشى..مازن وقفها وقال لها:خدى حاجتك معاكى 🙄
مريم استغربت بس نفذت وكان جواها خوف بأن يكون عايز يرفضها من هنا كمان..بس داعت ربنا انه يكون احساسها غلط..ومشيت معاه..مازن نزل وفتح لها باب العربية من قدام..بس هى برغم دهشتها ان مازن بنفسه اللى بيفتح لها باب العربية رفضت وقالت:اسفة مينفعيش اركب جنب حضرتك.. وبعدين ايه الموضوع اللى حضرتك طالبنى فيه ممكن اعرف!! 🤔
مازن ب ابتسامه: لما نوصل هتعرفى..ممكن تركبى  بقا 🙂

هزت راسها ب اه.. وقفلت الباب اللى قدام وفتحت الباب الوراء وركبت العربية.. وهو بصلها بدهشة وخوف ليكون حد شافه (برستيچه يا مريم.. برستيچه!! 🙊) وركب هو كمان ومشى
، وقف قدام مطعم فخم.. ونزل من العربية وراح يفتح لها الباب وقال: اتفضلى 🙂

مريم بتبص على المطعم ب انبهار لانه كان فخم جدا وشكله حلو.. وبصت لمازن ب استغراب وقالت: حضرتك جايبنى هنا ليه!! 🤨

مازن ب ابتسامة وهدوء لاول مرة معاها: طب ندخل الاول🙂

هزت راسها ومشيوا ودخلوا طبعا من غير حجز لان مازن من الضيوف المهمين لمكان ده وباقى المطعام التانية.. دخلوا وقعدوا على تربيزة فى ركن هادى.. وجيه الويتر عشان ياخد الطلبات:تأمر ب أيه حضرتك؟؟

مازن بص لمريم: تحبى تأخدى ايه!؟ 🙂

مريم ب نفى: مش عايزة حاجة انا 😒

مازن ب تحذير: مريييم 🙄

مريم ببعض الخوف بصت لويتر وقالت: احم.. مانجا اخد عصير مانجا 😕

مازن بصله وقال بثبات: وانا واحد قهوة.. اتفضل😒

هز الويتر راسه بأحترام ومشى يجيب الطلبات

مريم لمازن بنفاذ صبر: ممكن اعرف بقى.. فى ايه!؟ 🙄

مازن ب توتر: احم.. كنت عايز  بس اعتذر لك ع الطريقة اللى  أتعاملت بيها معاكى فى المكتب 😕
مريم برفعة حاجب كأن القدامها كائن فضائى..: نعم انا تعتذر ليا.. انت سخن!!! 😳

مازن بصلها قوى.. فهى خافت ووضحت كلامها وقالت: انا اقصد يعنى ان حضرتك مش بتشوف وشى الا لما تديلى كلمتين فى جنابى (ايه كلمتين ف جنابى دى انتى بتكلمى امك.. وبعدين اتعدلى واحمدى ربنا بدل ما اقلبوا عليكى تانى وخليه يرجع زى ما كان بلاش بطر امال!!! 🙄)
مازن بضحكة خفيفة: لاء بس الحصل كان سوء تفاهم مش اكتر... احم وبعدين انا عصبى شوية وخلقى ضيق حبيتين 😅

مريم بتريقة وهمس: تلاتة اربعة مش حبيتين بس ياراجل ده انا كنت بترعب لما تيجى سيرتك 🤦🏻‍♀️

مازن ب استغراب: بتقولى حاجة 🧐

مريم بنفى: هاا لا لا خالص.. 😕... احم هو برغم ان سوء التفاهم كان كبير شوية.. بس حصل خيرit's okay 🙃

مازن فرح ان سوء التفاهم بينهم راح وممكن يبدءوا صفحة جديدة..: طب ممكن اطلب منك طلب

مريم فى سرها: كمان يطلب منى طلب... ده ماله ده!؟ 😕.. وبعدين بصت له وقالت: ا ا اه طبعا اتفضل

مازن ب ابتسامة وسيمة جدا جدا يعنى(بنت بلاش معاكسة🤭)  : ممكن نبقى اصدقاء 🙂🧡
مريم ب احراج: احم هو ف الحقيقة انا يعنى مش بصاحب ولا بكون صداقات مع رجالة وكدة😅

مازن بفرحة لانه كان بيختبرها (هتقولوا... الواطى الحيوان ازاى يفكر يختبرها... هقولكوا الشافوا مش شوية 🙄)

مازن بهدوء: تمام مفيش مشكلة 🙂🧡

وجت الحاجة وشربوها وسط مواضيع مازن كان بيفتحها عشان يقربوا من بعض ومريم اندمجت معاه غصب عنها فى الكلام وكانت قعدتهم لطيفة جدا... خلصوا وروحها مازن لحد البيت وراح هو كمان ڤيلا جاسر المغربى.. اللى عاش فيها اخر فترة مع اخوه ومامته .. وطول الطريق كان ماشى وهو فرحان اوى ومشغل اغنية(لقيت الطبطبة 😹) وبيغنى معاها وعجبتوا الاغنية مش الاغنية بس كل حاجة بقت فى نظر مازن احلى من الاول.. احيانا لازم الواحد فينا يقعد مع نفسه ويتكلم ويحاول يفهم حياته هتفضل ماشية كدة لحد امتى امتى هيتغير ويدى لنفسه فرصة جديدة ف قرار كان خايف من عواقبه لمجرد انه اتأذى منه مرة ووقف عنده مكمليش..
وصل مازن ونزل ودخل الڤيلا وهو فرحان لاقى فرح جريت عليه وحضنته شالها وباس خدها وقال: حبيبت بابى عاملة ايه!! 🧡

فرح ب ابتسامةوفرحة: كويسة اوى اوى..🧡🧡وبفضول طفولى.. انت بقى جاى وفرحان ليه!؟ 🤔

مازن ضحك ضحكة خفيفة وقال: مش عايزة بابى يفرح يعنى يا رورو 🤔🧡

فرح بطفولة: لاء طبعا عايزة انا بس استغربت لانك مش كنت كدة زمان 😐

مازن بصلها بندم وقال: معلش ياروحى عمرى ما هكون زى زمان ده تانى ومش هزعل رورو منى تانى ابدا 🧡🧡🧡🧡

#فرصة_حب

#رواية

#HaGer