رواية_(فرصة حب♥) بقلمى /هاجر مجدى

"فرصة حب _الحلقة السادسة والعشرون"

~فرصة حب~

بعد مرور اسبوع حصل فيه...

مازن حاول كتير جدا يقرب من مريم وهى كانت بتصده لانها كانت حاسة انها مشدودة له وهى مش عايزة تتعلق بيه..وصدها لمازن كان مزعله أوى بس هو قرر مش ييأس ويحاول مرة واتنين واكتر لحد ما تخضع له ومكنشى يعرف لسة بموضوع العريس... خروج والد امل من السجن وده كانت بمثابة سعادة وفرحة كبيرة جدا لامل وميرڤيت.. لانه كمان طلع براءة.. يعنى دلوقتى يقدروا يرفعوا عينهم فى عين اى حد من غير خجل او كسرة.. كلهم مجتمعين فى بيت نصر والد امل..(عائلة محسن)-(عائلة المغربى)  احتفلاً ببرائته.. قاعدين ومتجمعين وبيضحكوا ويهزروا.. وفرحانين بخرجوه..

نصر والد امل بفرحة وامتنان: انا بجد مش عارف اشكرك ازاى يا محسن انا لولاك مش عارف كنت هعيش يوم واحد بعد الحصل كفاية انى كنت مطمن على بنتى ومراتى وهما تحت عينك وحمايتك "وربط على كتفه وابتسم " كتر خيرك يا صاحبى تعبت معايا 💜

محسن بضحك وفرحة بخروج صديقه الوحيد المقرب: انت بتهزر صح شكر ايه ده.. الكلام ده يتقال لاى محامى غريب مش اخوك يا عبيط انت.. فوق كدة واعقل 😂

نصر ضحك وقال: ماشى يا ابو وليد 😅.. "وبعدين بص على مازن وقاله: وانت كمان يا استاذ مازن تشكر يبنى على اللى انت عملته محسن قالى لولا اللى أنت عملته يمكن كان هيبقى صعب ان اخرج

مازن باحترام واحراج: ابدا يعمى مفيش داعى لشكر.. وانت لسة قايل يا بنى.. وهو يعنى فيه اب بيشكر ابنه بردو 🧡

نصر بصله بفرح وامتنان: ربنا يبارك فيك ويحفظك

الباب رن خرجت امل من الاوضة اللى متجمعين فيها الستات (منال_ميرڤيت_أمينة) وراحت فتحت لانها عارفة انها مريم.. هى طلبت منها تيجى يقعدوا سوا..

مريم دخلت بمرح ومكانتش عارفة ان مازن هنا وقالت: حجوج الوحشنى وا... ااااا (واتكسفت لما لاقت مازن وجاسر ووليد قاعدين... موقف بااااايخ جدا 😂)

نصر بضحك ومحبة:تعالى يا بنتى متكسفيش 😂

مريم بخجل شديد: احم.. حمدلله على سلامة حضرتك يا عمو.. عن اذنك هدخل اسلم على طنط ميرڤيت..

وسحبت امل الكانت كاتمة ضحكتها ودخلوا الاوضة

مازن كان فرحان انه شافها وفضل باصص عليها ومبتسم لحد ما دخلت مع امل.. جاسر شافه ولاحظ نظرته.. لانه عاشها مع اللى خدت قلبه وشغلت باله " امل حياته.. ❤"

جاسر بخبث ووشوشة: دمها خفيف اوى مريم دى 😏

مازن بضيق:اسمها انسة مريم..يا جاسر😒

جاسر بمرح وخبث:عادى ياعم هو فى حد يقول لمرات اخوه يا انسة 😌

مازن بتوتر:هاا..انت بتقول ايه!؟😕

جاسر بمرح:مالك يعم اتوترت ليه عادى ياخويا مش عيب..ولا حرام..المهم تلحق تخش البيت من بابه..يحسن حد يسبقك 🙄

مازن بضيق ونرفزة بصوت واطى:تقصد ايه بحد يسبقك.. هو فى حد ولا ايه!؟🤨

جاسر بقلق:هوو..امل كانت قايلة لى ان فى عريس متقدم لها بكرا وانها هتروح تقف معاها 😕

مازن بعصبية وقام وقف وقال بنرفزة:انت بتقول ايه...!!!😡

الكل انتبه لمازن وبصولوا...وجاسر قام اعتذر بأحراج وشد مازن ونزلوا تحت..

جاسر بغيظ:ايه يا بنى فى حد يكلم بالاسلوب ده عند الناس 🤨

مازن بعصبية:وانت ازاى تعرف كدة ومتقوليش...ايه مستنى لما تعزمنى على فرحها 😡

جاسر بخبث:وكنت اقولك ليه..بصفتك ايه يعنى!؟😏

مازن زفر بعصبية وعينه دمعت وقال:مش هتكون غير ليا يا جاسر..مريم مش هتكون لحد غيرى 😡..وسابه ومشى..وجاسر طلع عشان ياخد مامته وفرح ويروحوا

#فرصة_حب

#رواية

#HaGer