رواية_(فرصة حب♥) بقلمى /هاجر مجدى

"فرصة حب _الحلقة الثالثة والعشون"

~ فرصة حب ~

_(الحلقة الثالثة والعشرون)❤

على الناحية الاخرى..دخلت مريم البيت وهى تشعر ب راحة اتجاه مازن على غير العادة..وتشعر انه ثمة امر ما هى متعرفوش لسة خلاه عصبى معاه فى الاول معاها..بس مهتميتش كتير وقالت: مش مهم المهم انه اعتذر لى وبقى يتعامل معايا بأسلوب كويس 🙃

مريم متنكرش انها مشدودة له..بس خايفة انها تحب تانى وتنجرح 💔..مريم حبت ابن خالتها وفعلا اهلهم خطبوهم لبعض لانهم شافوا ان الاتنين مناسبين لبعض بس بعد فترة جه صارح مريم بأنه بيحب زميلته فى الجامعة وكان وعدها بالجواز بس مامته اللى أصرت عليه انه يخطب مريم..وقتها مريم كانت مجروحة جدا لانها كانت بتحبه..بس مظهرتيش ده وابتسمت بألم حاولت تخفيه وقالت:متقلقش..يا ابراهيم..انا هبلغ ماما انها تقول لخالتى ان مفيش نصيب..وربنا يسعدك مع اللى اخترتها..بمرح وألم..وابقى اعزمنا متنساناش😅💔

ابتسم ابراهيم بفرحة ان الموضوع كان سهل بس هو الكان متوقع انه صعب..ده من وجهة نظره..ميعرفش بأن العمله كسر قلب بنت مكانتيش شايفة غيره..وكانت طايرة من الفرحة لما دبلته بقيت فى ايدها..واهو كل ده راح ومبقاش موجود..مريم وقتها اكتئبت وبقيت منعزلة عن الكل بس امل ومامتها سعاد مش سابوها وفضلوا دايما معاها يقوها ويدوها ثقة فى نفسها وفى ربنا قبل كل شئ..وبدائت واحدة واحدة تطلع تانى..لحياتها وشغلها..وترجع مريم المرحة اللى انتوا شوفتوها ..ونصيحة منى بلاش نقف عند مرحلة معرفناش نتخطها من اول مرة حاولوا مرة والتانية...لحد ما توصلوا ولا حد بيموت من غير ميلاقى نصيبه وقسمته اللى ربنا كاتبه له ولا المفروض نقف على اللى فات..استمروا وان شاء الله توصلوا ❤

فاقت مريم من ذكريتها..ع صوت مامتها

مريم بانتباه:هااا نعم يا ماما بتقولى حاجة!!😐

مامت مريم بأبتسامة:تعالى يا حبيبتى عايزة اكلمك فى موضوع ☺️

مريم بأستغراب وهى بتقدم منها وتقعد جنبها:موضوع ايه يا ماما خير!؟😐

مامت مريم بفرحة:تعرفى طنط ام سهى جارتنا!!☺️

مريم بشك:اه😐

مامت مريم:كلمتنى النهاردة وقالت لى ان ابن اختها شافك لما كنتى فى فرح بنتها وكلمها عليكى..وهى لسة قايلة لى النهاردة وقالتلى اشوف رايك عشان لو فيه نصيب ☺️🧡

مريم كانت تايهة ومش عارفة تحدد قرار وقالت:انا معرفوش ولا شوفته يا ماما 🙄

مامت مريم ب تفاؤل: ان شاء الله تعرفيه وترتاحيله كمان بس انتى وافقى 😃

مريم عشان متزعليش مامتها وافقت بس هى كدة كدة مكنتيش هتوافق بشكل نهائى.. هى وافقت على قعدة التعارف مش اكتر.. دخلت اوضتها وقفلت الباب عليها ورنت على امل

مريم: الو ايوة يا امولة.. جهزتى ولا لسة!! 🤔

امل بحيرة: لسة يا مريم مش عارفة احط الميكاب ولا عارفة اعمل حاجة خالص شكلى هعتذر وخلاص..😟

مريم بنفى: لاء يا بنتى مينفعيش وبعدين انتى ليه مقولتيش من بدرى كنت جيت وجهزتك انا!! 🙄

امل بحزن ولغبطة: الحصل بقى.. هعمل ايه انا دلوقتى 😟

مريم بضحك: طول عمرك هبلة ما بتعرفيش تحطى الميك اب.. خلاص استنى انا جيالك.. هخرج اقول لماما 😂

امل براحة:يكون احسن والله يا مريم تسلمى لى 😐🧡

مريم بمرح:عيب يا سيد احنا اهل..يلا سلام دلوقتى 😂

امل بضحك:سلام 😂

وراحت مريم قالت لمامتها ووافقت وراحت عند امل..فتحت ميرڤت لمريم الباب وسلمت عليها..وراحت لامل اوضتها..لاقتها لابسة الفستان بس ناقص ع الميك اب والطرحة..راحت حضنتها وسلمت عليها

مريم ب انبهار:الله يا امل الفستان يجنن عليكى 😃🧡

امل بقلق:بجد يا مريم يعنى مش قصيرة فيه..😕

مريم بضحك:انتى قصيرة اه لكن ده مش يمنع انوا يجنن عليكى ومتنسيش انك هتلبسى كعب عالى 😂🧡

امل بضحك:طيب يلا يختى..ابدائى شخبطة 😂

مريم بضحك شمرت ايدها..وقعدتها:استعنا على الشقا بالله😂

وبدات تحط الميك اب لامل وهى بتكلمها على الحصل معاها من ساعة ما مازن خبط فيها الصبح لحد ما مامتها كلمتها فى موضوع العريس ده

امل بأستغراب:يعنى مازن عمل كدة بجد🧐

مريم بأيماء:اه والله

امل ب ابتسامة:طب كويس ان الامور اتصلحت..وكويس انك عرفتى تردى عليه..لما قالك نبقى اصدقاء..يمكن كان ياخد عنك فكرة غلط وقتها

مريم ب غيظ:لاء طبعا..ليه ان شاء الله..هو شاف منى ايه عشان ياخد عنى فكرة مش حلوة!!😒

امل بتهدائة:انا بقول مثلا مش حقيقة يعنى..

مريم بتنهيدة:طيب🙄

امل بخبث:طب وموضوع العريس😏...انا من راى توافقى 😌

مريم ب استغراب:ما انا وافقت اقعد معاه واشوفه..🤔

امل بضحك:لاء توافقى عليه نهائى..شكله ابن حلال ده كفاية انه من طرف طنط ام سهى 😂

مريم بضحك وغلب:اسكتى يختى..يحسن هى متفرقيش عن طنط ام سناء ف حاجة وده غير مطمئنى 😂

امل ب ابتسامة:ان شاء الله خير ☺️🧡

مريم ب ابتسامة:يارب يا قلبى☺️🧡...واه صح انتى هتروحى مع مين قولتيلى 🤔

امل بتوتر وخجل: احم..هروح مع جاسر 🙊

مريم بخبث:اه جاسر قولتيلى.😏...طب مبروك 😌🧡

امل بتوتر وخجل:مـ مبروك على ايه!؟🙊

مريم بنفس الخبث:على خطبة وليد 😌🧡

امل بتنهيدة وخجل:هاا...اه اه الله يبارك فيكى🙊🧡

وخلصت الميك اب ولف الطرحة..وامل نزلت لجاسر..وراحوا الخطوبة والباقى انتوا عارفينه..

خلص الback

#فرصة_حب

#رواية

#HAGER