رواية_(فرصة حب♥) بقلمى /هاجر مجدى

رواية (فرصة حب_الحلقة الأولى) بقلمى/هاجر مجدى

قبل ما ابداء الحلقة الاولى ل تجربتى الاولى فى الكتابة بحب اشكر جدا كل اللى شجعنى وقالى كملى واللى حبوا فعلا يقراءوا حاجة من كتاباتى بشكركوا بجد لانكوا فرحتونى بدعمكوا.. وبتمنى تعجبكوا.. ♥♥

~فرصة حب ~ بقلم /هاجر مجدى

-(الحلقة الاولى)

ماشية هائمة ع حالها خلال فترة رجوعها لبيت.. شاردة حزينة ظاهر عليها الوجع اللى بتحاول تدرايه بصعوبة.. ملامحها مرسومة باليأس اللى يناقض اسمها.. لحظة نسيت اعرفكوا عليها

"هى امل اسمها كدة انما احساسها عكس ده نهائى امل بنت جميلة _شعرها اسود طويل مداريها بحاجبها  _بشرتها بيضة _وعيونها سوداء بلامعة تسحر _خريجة تجارة بس مش لاقية شغل فى مجال دراستها ف بتشتغل ميس فى حضانة لغات بتدرس للاطفال و بتلاعبهم وبتحبهم والاطفال بيحبوها اوى.. أمل بتدى الامل لكل اللى حواليها بس هى مش حاسة بيه.. لانها بتطبق مقولة فاقد الشئ يعطيه بغزارة لانه اكثر واحد يشعر بفقدانه..

وصلت امل بيتها وفتحت الباب بس قبل ما تدخل سمعت صوت جارتها بتقول:
-ايه رائيك يا ام امل فى العريس ده بقا!!

ام امل بصت لست بأستغراب وقالت: انتى اتجننتى يا ام سناء عريس ايه ده سنه قدها مرتين!!

بصتلها التانية بخبث وقالت: بس ده هيرضى ببنتك انتى مش شايفة ان مفيش حد راضى بيها ازاى.. متزعليش منى يختى بس انا عايزة مصلحتك دى بنتك زى سناء بنتى بالظبط!

مامت امل لسه هترد دخلت امل عشان تحط حد للموضوع ده.. وقالت السلام عليكم..

ردوا السلام.. والست بتبص لامل بخبث وتأفف ومامتها بتبص لبنتها بقلة حيلة..

ام سناء بخبث:ازايك يا حبيبتى عاملة ايه..كدة متجيش سبوع ابن سناء..انتوا مش صحاب وجيران ولا ايه!؟

_امل بصت لها بحزن حولت تداريه لانها عارفة اللى وراء الكلام ده وقالت:اسفة يا طنط بس كنت راجعة تعبانة فى اليوم ده اعذرينى..هبقا ازوارها اباركلها ان شاءالله واشوف النونو!

ام سناء بخبث وعدم رضا:طيب يحبيبتى عقبال ما نفرح بيكى ويجى ابن الحلال وتجيبى حفيد لمامتك تفرحيها بيه..

امل بصت لمامتها بحزن وقلة حيلة وقالت:ان شاء الله يا طنط..ده نصيب هيجى فى معاده 💙

ام سناء بضيق قالت:طيب هقوم انا بقا يا ام امل..وهستنى ردك

مامت امل ب قلة حيلة:اللى فى الخير يقدمه ربنا

بعد ما الباب اتقفل مامت امل بصت لبنتها وطلبت منها انها تقعد عشان تفاتحها فى الموضوع و
حكتلها ع موضوع العريس اللى عنده 40سنة وارمل وبيشتغل مهندس فى دولة عربية..امل بصت لمامتها وسكتت وحاولت تحبس دومعها فى عنيها بس مقدرتش ف دخلت اوضتها وقفلت على نفسها وبكت بشدة وهى بتفتكر ايه اللى خلاها توصل لمرحلة دى

وبكدة تكون خلصت الحلقة الاولى وبتمنى تصارحونى برايكوا بكومنت.. ♥