Unicode
Company နားက အနီးဆုံးစားသောက်ဆိုင် တစ်ခုသို့
ရောက်နေသော်လည်း Chanyeol မျက်နှာက ကြည်ကြည်လင်လင်မရိှလှပါ ။
လက်က နာရီကိုသာ ခဏ ခဏ ငုံ့ကြည့်နေမိပြီး
မျက်ခုံးများပင် အနည်းငယ် စုကုပ်ထားသယောင် ထင်ရ၏ ။
မျက်နှာချင်းဆိုင် နေရာမှ ယူနာက Menu စာအုပ်ကို
လှန်ကာ ကြည့်နေဆဲမို့ သူအလောတကြီး ပြုမူမိမှာကိုလည်း
အားနာနေရသေးသည် ။
အမှန်တကယ်က ပြောစရာရိှတဲ့ အကြောင်းအရာကို
မြန်မြန်ပြောပြီး သူထွက်သွားချင်လှပြီ ဖြစ်သော်ငြား
ယူနာ နဲ့ ရှင်းရှင်းလင်းလင်းဖြစ်အောင် ဖြေရှင်းရမယ့်
ကိစ္စတွေကလည်း ရိှသေး၏ ။
ထို့ကြောင့် အတတ်နိုင်ဆုံး သည်းခံကာ
စိတ်ကိုသာ ရှည်ရှည်ထား၍ စောင့်နေလိုက်သည် ။
စားပွဲထိုးလေးက အနားမှာ လာရပ်တော့ ယူနာက
Steak တစ်ပွဲမှာ၏ ။ ထို့နောက် မပေါ်မလွင် အပြုံးမျိုးလေးဖြင့်
သူ့ဘက်ကို တစ်ဖန်လှည့်လာပြန်သည် ။
' နင်ရော ဘာမှာ မလဲ Chanyeol ´
' မမှာတော့ဘူး ယူနာ
ငါချိန်းထားတာ ရိှတယ်
ပြောစရာ ရိှတာ မြန်မြန်ပြောပြီး ပြန်ကြတာပေါ့ ´
ယူနာက ကောင်းပြီလေ ဟူသော သဘောမျိုးဖြင့်
ခေါင်းကို ခပ်ဆဆ ငြိမ့်သည် ။
ထို့နောက် စားပွဲထိုးလေးကို ပြုံးပြကာ Menu စာအုပ်ကို
လှမ်းပေးလိုက်ပါ၏ ။
' နင်ပြောစရာရိှတယ် ဆိုတာ
မဟုတ်မှလွဲရော မတော်တဆ ဖြစ်ခဲ့တုန်းက ဟာကို
ရှင်းပြချင်လို့ ....... ´
' Chanyeol ah ´
သူ့စကားပင် မဆုံးလိုက် ၊ ယူနာသည် ခပ်ဖွဖွလေးပြုံးနေလျှက်သားနှင့်ပင် မျက်လွှာများကို
အောက်ချထားရင်း ရေရွတ်လာ၏ ။
ထို့နောက်မှ ခေါင်းလေးကို အသာစောင်းကာ
Chanyeol မျက်လုံးတွေကို တည့်တည့်မော့ကြည့်လာသည် ။
ယူနာ့ပုံစံက ပြုံးလျှက်ပင် ဘာမှ အရေးတကြီးကိစ္စမရိှသလို
ပြုမူနေ၏ ။ Chanyeol ဤသည်ကို မနှစ်မြို့လှပါ ။
' နင်မှတ်မိမလားတော့ မသိဘူး
ငါတို့ စတွဲခဲ့တုန်းကလေ ...
နင်က Popular ဖြစ်တဲ့အထဲပါတော့
အခြားမိန်းကလေးတွေက သိသိသာသာ လာရောကြတယ်
အဲ့တုန်းက နင်ငါ့က်ို မေးခဲ့တာ
ငါက သဝန်မတိုဘူးလား ဆိုပြီးလေ ...
