Unicode
Chanyeol သည် အရှေ့မှ ဘောင်းဘီဒူးတိနှင့်
စကိတ်ဘုတ်ပြားကို ဘယ်လက်နှင့်ကိုင်ထားသူကို
တစ်လှည့် ထို့နောက် ခြံရှေ့မှ ရပ်နေလျှက် သူ့ကို
သွားလေးတွေ ဖြဲဖြဲပြ၍ နေရခက်နေပုံရသော
ကောင်လေး အုပ်စုတွေကို တစ်လှည့်ကြည့်ကာ
လက်ပိုက်၍ ရပ်နေရင်းမှ သက်ပြင်းချမိသည် ။
' ဆေးရုံက ဒီနေ့မှဆင်းတယ်
ဒီနေ့ ချက်ချင်း စကိတ်သွားစီးမယ် ဆိုတာကတော့
မဟုတ်သေးဘူးလေ ´
သို့သော် သူ့ရှေ့က ငဂျစ်ကမူ ဘယ်လိုတားတား
နားဝင်မှာမဟုတ်သည့် ပုံနှင့် လမ်းပေါ်က
ကျောက်စရစ်ခဲလေး ၁ ခုကိုသာ ဖိနပ်ထိပ်နှင့်
ထိုးထိုးပြီး ဆော့နေ၏ ။
' မသွားရဘူး ´
' အာ ဘာဆိုင်လို့လဲဗျာ
ဖြစ်တာကလက်လေ ! ကျွန်တော့်ခြေထောက်က
အကောင်းကြီးရိှသေးတယ် ´
' မတော်တဆ လဲရင်ရော
Baekhyun ရာ ကျေးဇူးပြုပြီး
အိမ်ထဲမှာပဲ ငြိမ်ငြိမ်နေပါကွာ နော် ? ´
Chanyeol ၏ အသံသည် ရုတ်တရက် ချွဲသံကြီးပါလာပြီး
လက်တစ်ဖက်ကပါ တွဲလဲချထားသော Baekhyun ၏
ညာလက်ဖဝါးကို ဆွဲယူဆုပ်ကိုင်လာတာမို့ Baekhyun ရော
အနားမှာရပ်စောင့်နေကြတဲ့ ကောင်လေးတွေအုပ်စုရော
အားလုံး မျက်လုံးမျက်ဆန်ပြူးကာ Chanyeol ထံ
အကြည့်ရောက်လာကြလေသည် ။
Baekhyun သည် Chanyeol လက်ဖဝါးထဲမှ
မိမိညာလက်ကာ ပြန်ထုတ်ယူရင်း ဘာပြောရ ဘာလုပ်ရမှန်းမသိ
ကြောင်တောင်တောင်နှင့်ပင် ချောင်းဟန့်ကာ
အကြည့်တွေကိုလွှဲလိုက်ရ၏ ။
ဒီလူ ပိုပြီးကို လက်ရဲဇက်ရဲ ရိှလာတာပဲ ။
' မ .. မစီးတော့ဘူးဗျာ
အဲ့ဒီအစား ဒီကောင်တွေက်ိုတော့ ပြန်မလွှတ်နိုင်ဘူး
ပျင်းတယ် ´
Chanyeol သည်ထိုအခါမှ ကျေနပ်ဟန်နှင့် ခေါင်းတစ်ချက်ငြှိမ့်၍
ပြုံးကာ ကြောင်တောင်တောင်နှင့် ရပ်နေကြသော
ကောင်လေးတွေ အုပ်စုဘက် လှည့်လိုက်သည် ။
' ကဲ .. မင်းတို့လည်း မသွားကြနဲ့တော့
ညနေစောင်းနေပြီဆိုတော့ BBQ လုပ်စားရအောင်
ငါ ဝယ်ကျွေးမယ် ´
