❤السيرة النبوية❤

#الحلقة_مائة_وخمسة

#قصص_الأنبياء(٢)
#السيرة_النبوية
#الحلقة_مائة_وخمسة
#أحداث_السنة_السادسة_من_الهجرة
#تفسير_آيات_حادثة_الإفك
#القدر_الكوني_والقدر_الشرعي

اتكلمنا المرة إللي فاتت عن نزول الأيات إللي برّأت السيدة عائشة من إللي اتقال عليها كذبا وبهتانا إنها وقعت في الفاحشة،
وشرحنا أول آية:
"إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ "
ووقفنا عند سؤال مهم وهو:
إزاي فتنة زي دي يكون خير لرسول الله ﷺ والصحابة وللسيدة عائشة، وخصوصا إن ربنا مقلش إن فيه خير لكم، لأ ده قال إنه خير ..على الإطلاق كده،
فاحنا عشان نفهم إزاي الفتنة دي أو أي فتنة تانية أو أي ابتلاء تاني بيبقى خير، زي مثلا وقوع الظلم والسجن والقتل في الأرض وغيرها من الابتلاءات،
محتاجين نفهم يعني إيه قَدَر شرعي و قَدَر كوني
القدر الشرعي:
أمور شرعية ربنا بيحبها ويرضاها ويريدها أمر بها عباده وممكن ينفذوها وممكن لأ، زي لما ربنا أمر أبو جهل بالإيمان به وأبو جهل رفض، وزي لما ربنا يأمرنا بالصلاة وناس تصلي وناس متصليش وهكذا،
فالقدر الشرعي يختص بكل ما يحبه الله ويرضاه فقط👌

أما القدر الكوني فبيدخل فيه ما يحبه الله ويرضاه وما لا يحبه الله ويرضاه،
يعني في أمور بتحصل بقدر الله لا يحبها ولا يرضاها لكن يسمح إنها تحصل لحكمة يعلمها وللخير إللي هيحصل بسبب الحدث ده،
زي خلق إبليس مثلا، هو مش إبليس ده سبب مصائب ووقوع الناس في معاصي كثيرة وكبائر وشرك بالله😕
لكن برده بسبب الأمور السيئة دي بتحصل أمور خير كثيرة زي التوبة والاستغفار والمجاهدة وغيرها من الطاعات،

وكمان زي حادثة الإفك، ربنا لا يحب ولا يرضى إن رسول الله ﷺ وهو أحب الخلق إلى الله إنه يُتهم في عرضه، ومع ذلك ربنا قدّر عليه الابتلاء العظيم ده لحكمة وفوائد لا يعلمها جميعا إلا الله👌
فلو نظرنا للقدر الكوني من ناحية القدر الشرعي هنرتاح جدا ويبقى عندنا ثقة تامة في الله،
يعني لو كل واحد فينا لما يحصل له أي ابتلاء وده قدر كوني يحط نفسه مكان رسول الله ﷺ ويفكر من ناحية القدر الشرعي وإن ربنا له حكمة في كل أفعاله،
ورسول الله ﷺ وهو أحب الخلق إلى الله حصل معاه كده فما بالنا باللي أقل منه🤷‍♂️
فمش معنى إن ربنا بيقدّر علينا ابتلاء قدري كوني سواء مرض بقى أو قتل أو ظلم يبقى ربنا راضي إن الابتلاء ده يحصل وبيحب يشوفنا متضايقين وزعلانين،
لأ، لكن هو يريد لنا الخير والفوائد والدروس والعبر إللي هتحصل لنا ونتعلمها من وراء الابتلاء👌
تعالوا كده نشوف بعض الخير إللي ربنا قال عليه باختصار:

◇رفع شأن السيدة عائشة رضي الله عنها في الدنيا بإنزال فيها آيات تتلى إلى يوم القيامة، وكمان صحيفة حسناتها مستمرة حتى بعد موتها بسبب اتهام الروافض لها بأنها فعلت الفاحشة حتى بعد ما القرآن برأها👌
وفي الآخرة رفع درجتها في الجنة وكمان رفع شأن رسول الله ﷺ وأبو بكر وأم رومان أم السيدة عائشة، وصفوان بن المعطل رضي الله عنهم أجمعين لأن الابتلاء للأنبياء والصالحين رفع للدرجات.