"ပူတူး နိုးပြီလား "
မေးသောအသံကြောင့်
မျက်လုံးများ ဖွင့်ကြည့်မိရာ
ဟို မုန်းစရာ လူဆိုးကြီးပင်....
" ကလေးလေး ပူတူတူးလေး "
"......"
" ကိုကို ခေါ်နေတယ်လေကွာ "
" ပြော " လို့ ပြတ်သားစွာပြောလိုက်တော့
အနားတဖြည်းဖြည်း ကပ်လာတဲ့လူကြီး
မျက်နှာက ညှိုးငယ်နေတယ်
စိတ်မကြည်သေးသော
အကောင်ပေါက်လေးအနားသွားကာ
ကုတင်အောက် ဒူးထောက်ထိုင်ရင်း
သေးသွယ်တဲ့ လက်ကလေးတွေကို
ဆုပ်ကိုင်ကာ ညှင်သာစွာနမ်းရှိုက်လိုက်သည်။
" ကိုကို တောင်းပန်ပါတယ်ကလေးရယ်
အထင်မလွဲပါနဲ့တော့ တောင်းပန်ပါတယ် "
" တောင်းပန်ပါတယ်တဲ့လား
အဟက်....... ရယ်ရတယ်ဗျာ "
ကိုယ်ဆုပ်ကိုင်ထားတဲ့လက်ကို
အတင်း ရုန်းလွှတ်ကာ
" မိန်းမ တစ်ယောက်ရဲ့ ခန္ဓာကို
ယုယု ယယ ကိုင်ထားတဲ့လက်နဲ့
ကျွန်တော့်အသားကိုလာမထိနဲ့
မသတီဘူး "
စကားတွေတတ်လိုက်တာကလေးရယ်
ဒီလူသားရဲ့ နှလုံးသားကို နာကျင်အောင်
ပြောတတ်လိုက်တာ......
" မဟုတ်ပါဘူးပူတူးရယ် ကိုကို ရှင်းပြပါရေစေ "
"တော်ပြီ ကျွန်တော်ပင်ပန်းနေပြီ
အိပ်တော့မယ် ဒါကြောင့်.......
လာမနှောင့်ယှက်ပါနဲ့ "
" ကလေးထင်သလိုမဟုတ်ဘူးလေကွာ
ကိုကိုက သူ.."
ဖြေရှင်းချက် စကားပင်မဆုံးသေး
ထပ်ပြောလာသော ကလေးရဲ့စကားများက
ဓားတစ်စင်းကဲ့သို့ လူကိုသေစေနိုင်သည်
" ကျွန်တော်တို့က ချစ်လို့ယူထားကြတာမှမဟုတ်တာ
ဒါကြောင့်ရှင်းပြဖို့မလိုပါဘူးအချိန်တန်ရင် ကွဲကွာရမဲ့
လူတွေပဲလေ ဒါကြောင့်....တော်ပါတော့ " တဲ့လေ
ဒီလူသားက မင်းကိုချစ်လွန်းလို့
မရမက ယူထားကတာ မင်းမှမသိပဲ
ကလေးငယ်ရယ်...........
နာကျင်လာသော ရင်အုံကိုဖိကာ
ကလေးငယ် အေးဆေး အိပ်ဖိ ု့ရန်
မနှောင့်ယှက်တော့ပဲ အတွေးများနဲ့
အခန်းထဲမှ ထွက်လာခဲ့သည်......
ESTÁS LEYENDO
❣ ခ်စ္မိသြားလို႔ ❣( ချစ်မိသွားလို့ ) ( Completed)
Ficción Generalသဝန်တိုတာ ချစ်လို့ ❤ သဝန္တိုတာ ခ်စ္လို႔ ❤
Part - 12 (Uni + ZG)
Comenzar desde el principio
