[الاثـر] بـهـرة الـشـيـذبـان

الواحد والأربعون..

يعنگود المحنه المال بـالشـوف
عتگ ملحـي وحويتك سالفه وماي

عباس الغالبي
______________________________

ذبيت التلفون من أيدي..!
و بخطوات كادت تكون معدومة..

مشيت ماعرف شلون كدرت اوصل!
وانزل..

جان كاعد وبأيدة ضرف.
وجان يكلب وايدة ترجف ورجلة جانت تنتفض؟

باوعت ع دعاء الجانت خالة ايدها ع حلكها ودموعها
عشره عشره!

ورعد الواكف ومكتف ايدة وراسه بلكاع!
وعمتي جانت صافنه عليه.

ورجعت عيوني عليه
راسه مانرفع وايدة جانت ترجف بقوة

مشيت واني الدموع من عيوني جانن يتسابقون
وكعدت صرت جوا
وأكدر اشوف وجهه .

وأيدي ع رجلة التهتز!

باوعت بوجهه ماجنت اكدر أميز شنو ديحس.
رفعت وجهه بأيدي..

باوع عليه وعيونه جانن دم ما يتباوع بيهن!

!وكال

_ليش؟؟؟

رديت ودموعي جانت تحجي قبلي!

_وعيونك وغلاتك ردت احجي بس خفت
وهددني والله عمر وهل ص....ور

وبحركة سريعه نفر ايدي
وبرجلة
ضربني ع بطني

ودفعني

من قوة الضربه عطت!
ولزمت بطني بقوة..

كام يريد يكمل
وصار بوجهه رعد _

ودعاء اجتي كومتني من الكاع

حجه رعد

_عبير ماتنضرب وذا ردت تضربها
هاي اني كدامك اكتلني وذا شفتني وكعت
روح لعبير!

عمتي أشرت بأيدها
بمعنى دخلن للغرفه

جرتني دعاء تريد أدخلني
وخرتها وحجيت

_عمر والله والله مااااعندي شي
وذولي الصور كلهن قديمات والله

صاااااح وعيونه جانت تجدح؟

_ولججج تروحين لبيته ويأخذ منج الي يريدة حتى تسكتي ولللللج شلون قبلتي ع نفسج
شلوووون كدرتي شلوووون
ولج اني عمرررر ينلعب بيه هيج

اسمع يخوي الماتريد اضربها

_ولك كسرتني كسررررتني
رايحة لبيته ووو

ماكدر يكمل
وخله ايدة ع راسه وصار يفتررر بغضب!!

من صدمة الحجي الحجة
ماكدرت انطق كلمة

اسمع شهكات دعاء وهيا تكول

_ليش

دمرتني ومووتتني الف
موته ونظراتهم الي

اتقدمت وشلت الصور من الكاع!

جانت صور ما يتباوع بيها
جانت صور فاضحها والمشكله
اني مبينه وواضحة بيهن؟