[الاثـر] بـهـرة الـشـيـذبـان

بارت.. 17

احس گلبي اليحبك طير
طاح بشبچة الغربة
بعيد انت
وبعيد انهف
وكل واحد نصب تمثال للثاني بوسط گلبه

كاظم اسماعيل الكاطع
______________________________

ماكدرت اقاوم وجهه
وبستها بقوة ماجنت افكر ابد

ماحسيت غير ايدها دفعتني
وركضت للغرفه وقفلت لباب

كعدت بمكاني حسيت نفسي مذنب
لأن سويت هيج اكيد غلط الي سويته

نزعت الجاكيت وكمت سددت الشبابيك
وجان اكو صوبه قديمه ماعتقد احد فاتحها

طلعتها جانت بيها نفط
شغلتها وفتحت لتلفزيون

خليت القوري عليها
وكعدت انتطرتها تطلع

بس مستحيل تسويها هل عنودية
أخذت الاكل الي جبته الها
وخليته يم لباب وحجيت

_افتحي الباب واكلي عبير لتضلين بدون اكل
والصار أوعدج ما يتكرر

ما سمعت بس شهكاتهه وبجيها
فتحت لباب كبل انفتحت يعني ما قافلتها

دخلت بهدوء وشلت الاكل.
شفتها خاتله بالزاوية ولامه نفسها وتبجي.!

والغرفه جانت ثلج خليت الاكل ع الجربايه
وسديت الشباك وجانت اكو بالغرفة تدفئة
شغلتها

ورحت كعدت يمها.

بدون سؤال مني او اي مبادرة حجت هيا!

_شلون عمر شلون فهمني تعبت والله
لا خاله ولا عم والا ام ولا حتى اخ
وحدي وكأن الله كاتبلي ابقه وحدي
وحتى مااكدر اكون زوجة الك.
واهلك مايريدوني
وخالتي ماتت ودراستي وجامعتي
كلشي خسرت كلشي
دليني ع بر امشي عليه حياتي صارت ضلمة

كمت وانطيتها ايدي
لزمت ايدي ونهضت نفسها

وكفت كبالي مثل اول مره من ازوجتها والدموع بعيونها..

بس ذيج المره ما مسحتهن.
هل مره اختلف الوضع

مسحتهن بأيدي وبعدها تقربت وبستها
من عيونها ثنينهن

وحجيت
_صرتي مسجلة بأسم عمر صوتي لعمر وملك عمر
ومنا وهيج هل دموع ماريدهن اريد بس الضحكه
وهل غمازات يطلعن اوعدج ووعد ارجال يعبير

لاعوضج عن الراح لاتخافين والعمر رجلج ويمج❤️

حجت بهدوء
_يعني ما راح تعوفني مثل ما عافوني
وراح أضل يمي

_عد عيناج اني عبير مو ابن ابوي اطلع إذا عفتج!

مثل الطفله ابتسمت ونست همومها
اخذتها ايدها ونمت ونومتها بحضني..

رفعت وجهه بوجهي واني امسد شعرها

_عمر

رادت تحجي وخليت اصبعي ع حلَكها
ومنعتها من الحجي