[الاثـر] بـهـرة الـشـيـذبـان

بـارتـ20

يل خذتني ٱوياك ، يل كلٌي بديك
إشطلع بيه وعاشرت لك ثاني
صرت من طيفي تفز لو يشتهيك
وانا ما طاح اسمك من لساني
من أريد انساك اظل ابچي عليك
إشلون گلبك طاوعك تنساني ؟

عبد الكريم القصاب
______________________________

من بعد أسابيع بدون كلام ابيناتنه
بس النظرات حتى بالجامعة ما نلتقي

واني اعتزلت بس انزل اكل واصعد للغرفة
وبعد مااطلع ومكضيتها ويا دعاء

وهوا هم ياكل ويصعد وكلامة قل ويا لكل
حتى أمه

يوم الخميس ساعة 2:00
رجعنه من الجامعة الطرق جانت ازدحام
اتأخرنه يله وصلنه

دخلنه لكيناهم دايتغدون
بس دعاء وأمه رعد جان بلدوام

حجت أمة وهيا دتاكل
_تعال وليدي حبيبي اكعد
اكل

مااجاوبها وصعد
واني صعدت وره دخلت لغرفتي

لكيته كاعد ع الجرباية
اتفاجئت بس محجيت
نزعت الحجاب والجنطه..

ووكفت ع المراية امسح بـ المكياج
واباوع عليه يباوعلي بلمراية

وعاكد حواجبة

حجه بعصبية
_شو ما اتفاجئتي واني بغرفتج؟

رديت واني امسح بقايا المكياج
_البيت بيتك وهل غرفة هم مالتك ومال اهلك
واذا متحترم الخصوصية مااكعد اعلمك اني
وبعدين اني خطار هنا
باجر عكبة اطلع

فـ عادي

_ديله مدام هيج غيري ملابسج
اني هاي كعدتي

بس اوكفي عليه
كام قفل لباب وأخذ لمفتاح وحطه بجيبه
ونزع من رجله وتمدد

ضليت صافنه عليه
تقدمت شويه وحجيت بأنزعاج

_شكووو ليوم شبيك كوم افتح لباب واطلع
اريد ابدل الصلاة راح تفوتني!

وبعدين انته شعندك هنا وشهل تصرف
وانته صارلك أسابيع متحجي وياي؟؟؟

_بيج زود بدلي
حتى الصلاة لا تفوتج

وذا ع مااحجي وياجج فـ الي سويتي مو شوية.

رفعتله حاجبي ومحجيت
وردت اغثه!

نزعت التيشيرت كدامة وهوا ضل صافن
ويباوع بدهشة ابتسمت بمكر

ورحت للكنتور جريت دشداشة
لبستها ولبستها يلة نزعت البنطلون

هوا عيونه عليه وع تحركاتي!

ماحجه كام فتح لباب وطلع
واني صفنت ع تصرفه الي ما الا اي معنى

لميت الغرفة وتوضيت وصليت!
ونزلت صبيت إله غدة

وصبيت الي
صعدت اكلي وبعدين نزلت أخذت أكله وصعدته إله