[الاثـر] بـهـرة الـشـيـذبـان

بارتـ 36...

بصوت قَحطان العَطار ،
مِن راديّو عراقي قَديم وهو يغَنّي :
بَعدك بالگلب بَعدك ، بَعدك عايّش
لوَحدك ،
شوف شسوّة هجرانَك ، وعيّنَك خَلها
ميزانَك ،
و لو گلبَك وَفي يرّدَك ،
- لو گلبَك وَفي يرّدَك

______________________________

...شدن

كمت من مكاني لنور
واحس بجرت شعري!

عطت لأن من صدك جانت قويه؟
ودمعت عيوني

صديت وجهي عليها
مجنت اعرفها بس جانت تضحك!

حجيت
_ليش جريتي شعري شبيج!

ردت
_شعرج حلو وكلت اشوفه حاطة باروكه لو حقيقي
وضحكت بقحارة!

اجتي نور شالت الحجاب
خلته ع راسي.
وحجت

_معليج بيهن لا تردين عليهن شويه ويروحن ونخلص من شرهن؟

اني ماتحملت عدلت لحجاب وضميت شعري
وحجيت

_خليت الباروكة الج اني ماعندي شي اصطناعي...

صارت عيونها بلحق
وكامت تباوع ع اليمها.

نور كرصتني وكالت
_عجلَ مو كتلج اسكتي شبلاج!

شو فجاءة كامت تعيط وتبجي.
صفنت عليها بأستغراب.

وباوعت ع نور وكلت

_عزاا هاي منو ضربها كامت تبجي!

ردت
_دكليها خيه اكليها ليوم بخير الله صايرة عركه صايرة

_اني مسويت شي رديت عليها لان جرتني من شعري وراسي هسه صار يوجعني.!

_يبوووو نوب فاهيه يالله نوب فاهيه
امشي صعدي لغرفتج احسن اني اتصرف!

باوعت ع البنيه
رحت عليها جانت تبجي وتعيط وهنا واكفات يمها يهدن بيها

نطت وحدة شكبرها تخوف عبالك زلمة
وصوتها يخوف خشن حيل.

_وشبلاج هيج هجمتي على البنت
شكالت الج نسوان بغداد ما يصير الجن جارة

رديت
_خالة شبيج اصيحين علية اني ما سويت شي
بس لأن جرت شعري لو سائلتني جان اني جاوبت
ليش تبجي خطيه!

صاحت
_خالة بعينج من عمت عينج أن شاء الله
فلك شنو ناويه ع شر جنج

ردت احجي وجرتني نور وحجت
_شيماء خلي هل صباح يمر ع خير
وما إله داعي شذى تبجي ع شي تافهه
البنيه ما كالت شي اذا ناويت شر
لا حيدر ولا ازهر يسكت عليجن اجفن الشر البنيه بعدها عروس مو من البداية

شيماء _هاااا صرتي وياها ماشفتي شتحجي على
البنت وخلي يجي ازهر اني اريد احجي ويا

اعتلت الأصوات
وصارت مجادلة وماعرف شنو اتصرف
جنت بين وحوش مو نسوان
وهاي بعدها تبجي وتحجي عليه ونور ترد