[الاثـر] بـهـرة الـشـيـذبـان

الَـَبَـارتـ الـثـالـث

عمـر يـكول لعـبـير... ❤️

مگابل شبابيچك واغني ،
هان العشگ ياربات حضني !؟
______________________________

بسرعة أخذت التلفون وكعدت ع الجرباية.
ايدي عركت وكلبي دكاته صارت ميه!

فتحت الرسالة جان مكتوب بيها!

_شلونك بدوني!

كلت واني أقره الرساله..
والله يا عبير مو زين وحيل مو زين..

بس مااكدرت انذل أو انزل من عينها!.
ورديت بكبرياء.!

_زين بعدني عايش واااشم الهوى!

شافت الرسالة ومااردت.
انتظرت شويه كلت بلكت اجاوب.!
بس هاي تربيتي وادري بيها ما ترد..

خليت التلفون بمكانه ولبست ونزلت!
بس جنت حيل ضايج وفرحان بنفس الوقت

ضايج لأن مااردت وخلت خط وصل وهم لأن اني وياها حيل قاسي رغم هذا ضلت وياي ومتحملتني..

وفرحان لأن بعدها تحن وتريدني ع عكس الكالته؟
قبل
________________________
نزلت لكيتهم دايحضرون بلأكل.
وامي ع حالتها مااتعدل حالها..

هيام بدت اتصب وتحظر واني وياها لأن خاف يطب احد من الزلم

كملت وكلت الها

_حاولي تخلين امي تاكل
كالت الي اي وراحت

واني طلعت صحت إلي برا وااكفين.
دخلوا وبدوا يحجون واني استمع

عمي مؤيد _بعنه كلشي ماابقه شي وهل ١٢ ماادبرن شلون؟