[الاثـر] بـهـرة الـشـيـذبـان

بارتـ 32....

وياما لُسعتنا الشَمس ، و بفي گصايبهم غفينا.

كلاَم مهم بأخر البارت أقروا..
_________________________________

-عبير-

بعد الحفله الصارت والهوسه مال
التيشيرت والسحر..

رجعنه وكبل دخلت للحمام
جنت حيل عصبيه وبأي طريقه اريد اهدء.

ضليت كاعده جوا الدوش
اندكت لباب عبالي هوا..

صحت
_مافتح لباب شتررريد!

ردت
_يأبه اني دعاء ولا تفتحين ماريد اشوف جسمج
لحلو و اغار يعني فـ اني منتظرتج
بلغرفة من تطلعين نحجي؟

كملت بسرعه..
ولفييت نفسي بلمنشفة! وطلعت!

باوعت عليها جانت كاعده وتحجي ويا نفسها
ضحكت وحجيت

_خير دعيوة شبيج تحجين ويا نفسج؟

ردت
_خية يكولون ليحجي ويا نفسة انسان ذكي كلش
واني ذكية تدرين يعني زوجي رعودي لازم اصير ذكية وضحكت

_اويلي منج انتي ورعودي مالتج اويلي
هسه احجي. شتريدين أريد ابدل!

_ايباااااه اطرديني يولي؟

_خيه ورانه سحور وعمتي هسه
ادك بدال ابو الطبل النه
احجي شتريدين بسرعه

_لعد بدلي وكملي ومن ننزل نسوي سحور
نحجي

_خوش! أكلج عمر وين؟

_عموري كاعد بلحديقه هوا ورعد
والولد ازهر

_ازهر جوا؟

_اي جوا يله خيه
اروح ع ابني هسه كعد

_قبل لتروحين
اخوات العمر راحن؟

_ايي من زمان يولي

_يله لعد روحي شوفي شغلج

راحت واني بدلت
لبست دشداشة طويله
وردانها طويل وكلش عريضة..
وخليت بس كحل ولفيت شعري

وخليت الشال ع ركبتي
ونزلت

شفت دعاء يم ابنها تلعب
نزلت ع عمتي

لكيتها بغرفتها تقرة قرءان

صدقت وباوعت علية
وكالت تعاي كعدي!

_شوفي يمه عبير
الصار اليوم ترا شي جبير وما ينسكت عنه
ابد بس احنى مشينه لموضوع بعد ماخليت العمر
يتأكد من ماكو شي من راح للشيخ
بس يمه هاي الدنيا ما تضمنيها
ليوم كدام عيونك أخذته

باجر تجي وحدة ملعبه
وتاخذه بدون ماتدرون وبنات الحرام هواي يا يمه
اني هم امج ودا انصحج

بالج ع نفسج وع زوجج وع مكانج وغراضج
تالي هل مال والحلال المن غير الكم؟

شلون من بعدي راح ادبروها ها!