[الاثـر] بـهـرة الـشـيـذبـان

بـــارَتـ___12___

منين أجيب گليب يتحمل حِزن ،
منين أجيب عيون ماتعرف تحنّ
______________________________

نمت ولنوَمه ماحسيت..
الا فتحت عيوني!

لكيته كاعد وأيده ع راسه.
جنت رافعه راسي واباوع عليه

جان مبين تعبان وحالته حاله.
وحتى ملابسه ما مبدلها.

رفع رأسه وصارت عين بعين؟

حجه
_ليش نايمه هنا صار ساعه كاعد انتظرج تكعدين.
حتى افتح لكنتور! يله كومي

لميت فراشي بدون حجي وخليته ع الجربايه
ببعثرة.

صاااح
. _غبيه غبيه انتي شوفي الفراش شلون خرب

واخذه صفطه وحطه كدامي.
باوعت عليه ورديت بعصبيه

_هي هيييي خير شكووو شبيك
محد كالك اخذني وكتلك عوفني صخمني
شكو صاير براسي الشريف وتريد تسترني.
خيرررررر وما انسه جرت شعري خليها ابالك

وهذا الفراش إذا زاعجك هذا..
شووووف وشمرته بلكاع

تخببببل ولزمني من زندي وحجه
_صوتج هذا بعد ما ينرفع عليه خوش.
وع الشرف يا خوش ادميه اني اشرف منج ومن اهلج.
وازوجتج حتى استر ع صخاامج لا أكثر ولا أقل.
وجريت شعرج مره المره الثانيه إذا اسمع هل كلام..
مو بس شعرج أجر
اكسرلج راسج هم فاااهمه.
هسه انتي مرتي واني حر صار معلوم..
ولمي الفراش وصيري حبابه
لا تخليني اتخبل عليج يحلوه.
يله

_لا ماا مجبور تضل وياي
ازوجتني وجزاك الله الف خير

وهسه اسمحلي مابقه ويا واحد مو عاقل
ومشيت فتحت لباب وطلعت..

دانزل لدرج ولزمني

_دالعب وياج توم وجيري لو شسالفتج؟
امشي رجعي للغرفه!

_ماارجع وانام وياك بنفس لغرفة؟

_لاتخافين مراح انام فوكاج
امشي طبي لا تفضحينه!

_داحجي وطلع اخو صاححح.

_خيرررر خيرررر أنريد انام.
من اول صخام وصوتكم لأحد الله وصل
عمر اخذ مرتك الي كوه لازم نفسي.
عليها وطبوا جوا امي مريضه وناَيمه؟

رد عليه.
_من تنصي صوتك انته عود اني انصي صوتي
طب وسد لباب وراك معليك بينه..

عبير_خفت لا يتعاركون
انسحبت ورجعت للغرفه

رجع وراي وسد لباب بكل قوته
خفت بس ما بينت خوفي

درت وجهي واجا وكف كبالي

_عبير ديني كااامز خليني ارتاح من لمصيبه الأولى
حتى ابلش بعنادج
استجني واكعدي عاقله

ماحجيت
وهوا اخذ ملابسه وطب يسبح.
اتأخر
حسبت إله ساعه ونص وهوا بس يسبح.
طلع والعطر جان يخبل
مدري شخله
بس. عطر ناازك كلش..