"ငါတို့ခေါင်းဆောင်လေးက ငါတို့နဲ့အတူ တိုက်ပွဲဝင်နေတယ်။ သူ့ကို စိတ်မပျက်စေနဲ့။ ချကြ"
စုန့်လှံသမားများက သူတို့ကို ပစ်နေသော တံတိုင်းပေါ်မှ မြှားတပ်ကို ဂရုမစိုက်ပဲ ... ခံတပ်အပြင်မှ ရန်သူ့စစ်သားများကို အစွမ်းကုန် ထိုးနှက်နေသကဲ့သို့... စုန့်သံချပ်ကာတပ်သားများကလည်း လှံသမားများကို မြှားတပ်ရန်မှ လိုက်လံကာကွယ်ပေးထားသည်။
စုန့်စစ်တပ်က နှစ်ယောက်တတွဲ အပေးအယူမျှပြီး စနစ်ကျစွာ တစ်ယောက် ကျသည်နှင့် တစ်ယောက် အစားထိုးတက်၍ တိုက်ခိုက်နေပေမယ့် ကျင်းတပ်မှာတော့ အဓိက ဗျူဟာမှုးက ကျသွားပြီ ဖြစ်သည့်အပြင် မကြုံဖူးသည့်အခြေအနေမို့ တကွဲတပြားနှင့် ကြောက်လန့်တကြား ခုခံနေရသည်။ မြှားနဲ့လည်း ပစ်မရ။ လူအင်အားသာနေပေမယ့် လက်နက်ချင်းကလည်း မယှဉ်နိုင်ပေ။
လေချွန်သံ သုံးချက် ဆင့်ပြီး ထွက်လာသည်။ တိုက်ပွဲမှာ ဆူညံနေတာမို့ ဘယ်သူမှမကြားရပေမယ့် ပိုင်လင်းက ကြားသည်။ တချိန်ထဲမှာပဲ ခံတပ်တံခါးက ဝုန်းခနဲ ကျိုးပျက်သွားပြီး အထဲမှ ကျင်းစစ်သည်များ ခုခံရန် ပြေးထွက်လာသည်။
"မြှားတပ်"
"မျှော်စင်တွေချန်ခဲ့ ခြေလျှင်တပ်သားတွေ နောက်ဆုတ်"
ခံတပ်ထဲမှ ရန်သူများ ရှေ့ထွက်လာလို့မရအောင် မြှားမိုးရွာစေသည်။
သူကိုယ်တိုင်လည်း တံတိုင်းပေါ်မှ ဆင်းပြီး ဘယ်သူမှ မရောက်လာနိုင်သော အကွာအဝေးထိ ခုန်ဆုတ်လိုက်သည်။
စုန့်စစ်သည်များမှာ ခံတပ်တံခါးကျိုးသွားလျှင် အားကြိုးမာန်တက် တိုက်ရတော့မည်ဟု နားလည်ထားသော်လည်း ပိုင်လင်းရဲ့ ပြတ်သားတဲ့ အမိန့်ကို မည်သူမှ သံသယ မရှိ။ အားလုံး ညီညာစွာ နောက်ဆုတ်လိုက်ကြသည်။
"ဆုတ်ဦး မရသေးဘူး"
ပိုင်လင်းက သူ၏တပ်ကိုလည်း သူ့နားထိ ဆုတ်စေသည်။ ကျင်းစစ်သည်များ မာန်တင်းပြီး အော်ဟစ်ထွက်လာပေမယ့် လာတိုက်မယ့်သူမရှိတာကြောင့် ကြောင်တက်နေသည်။
"ကျနော့ကို ခဏထိန်းထားပေး၊ နားခဏပိတ်ထား"
ပြောပြီးသည်နှင့် အနားရောက်လာတဲ့ စစ်သူကြီးများကို လှည့်မကြည့်ပဲ ကုချင်းထုတ်ကာ တီးလိုက်သည်။
YOU ARE READING
The Stranger I love (System)
General Fictionလမ်းမကြီးပေါ်မှာ ကောင်လေးတယောက်က သွေအိုင်ထဲလဲနေသော အသက်မဲ့နေသောခန္ဓာကိုယ်ကို ထွေးပိုက်လျှက် သွေးရူးသွေးတန်းအော်ဟစ်နေသည် ... Qing Yan: "ဖေးရဲ့ မင်းထပါဦး .. ဖေးရဲ့ သတိထားပါဦး မင်း အရမ်းရက်စက်တာပဲ .. ပြောတော့ ငါ့ကို မင်းရဲ့အချိန်တွေ ပေးမယ်ဆို .. ဒီ...
Arc 2.16
Start from the beginning
