عشقي للمغربية (مكتملة )

الحلقة ثلاتة و اربعون

دخل اوس للحديقة اللي كانت مزينة بالورود و الاضواء مجهدة .. رجال الاعمال غار شافوه بداو كيتفتفو عندو هيبة كبيرة ... وقف اوس و هو يجيو عندو بغاو يكسبو صداقتو اما هو كان ممسوقش ليهم ... في نفس الوقت كانت المى في بيتها كدير اخير اللمسات ... لبسات كسوة في الغوز قصيرة واصلة للفخاد و مكياج خفيف و طلقات شعرها الطويل مبوكلي من التحت .. باست راسها من المراية و قالت بتكبر : انا الزين تاع الحفلة
في جهة اخرى .. كانت فيكتوريا لابسة كسوة في الذهبي طويلة لاصقة عليها و طالقة شعرها قصير مسرح ... شافت راسها في المراية و قالت بفرحة: اوس مغيحيدش عينو علية اصلا مزيان لبستها طويلة غيكون كيغير علية ( شوية قلبات ملامحها للغضب ) و ديك الحقيرة غادي ندمها اللي قاست لية شي حاجة ديالي ديالي انا ( باستهزاء ) كادو بسيط زوين غادي نعطيه ليها في الحفلة ( بكره ) يهنيني منها ... عاودات عكرها و نزلات للتحت كيتسناها شي طاكسي ...
كذلك بالنسبة لالمى نزلات للتحت غادة بشوية عليها من الدروج هازة بوشيطة صغيرة فيها التيليفون و حاجة خرى غتعرفوها من بعد مزيرة على ديك لابوشيط مزيان ... كانت لابوشيط في البيض كاتلمع ... جاسر بقا كيتسنا فيها لابس كوستيم في الحمر و قاميجة و سروال من داخل في الاسود و مقاد شعرو اللي رطب ... شم ريحتها اللي سابقاها و غير شافها عينيه لمعو بشهوة من ديك الكسوة الصغيرة ... لحس فمو من الداخل و قرب لعندها ... المى طلعاتو و هبطاتو باحتقار و مشات للطموبيل بلا ما ديها فيه هو اللي تابعها و كيشوف خيورات ربي كيتحركو .. ركبوا في الطموبيل جاسر اللي سايق و المى كتشوف في الطريق
جاسر : جيتي زوينة بزاااف كيف ديما
المى : الصمت
جاسر : منخلاني على وجه مريوة بسبابو ماتو ليك واليديك
المى ضارت عندو معصبة : بغيتيني نبقا معاك هاني بقيت مطلبش حاجة كثر من هادي فهمتي
جاسر ضرب الفولون معصب و بقا سايق بسرعة كبيرة و لكن المى مخايفاش .. حتى وصلو للقصر تاع اوس .. نزلات المى و ردخات الباب بالجهد و تبعها جاسر.. حتى قربات توصل المى الجردة و هو يلوي جاسر ايديه على خصرها بملكية و قرب لوذنيها و نطق : القناص غير كيتسنا مني كلمة
المى بكره : حقيييير
دخلو بجوج مثلين السعادة و ياااو يلاتااااه شكون شافهم مع بعضياتهم ...
جوج اعين شافو داك الدخول تاع المى مع جاسر و تصدمو ... اوس اللي تصدم من جمالها و ضحك بالفقصة و الغيرة كتاكل فيه ما عرف يعاقبها على اللباس القصير و لا الشعر المطلوق و لا المكياج و لا مخلية جاسر يقيسها .. زير على ايديه و الغضب مالي عينيه اللي ولاو حمرين و تزنك تزنك و العروق برزو بكثرة ما مورك على ايديه ... المى كتقلب بعينيها على اوس حتى بان ليها حالتو حالة و كيشوف فيها بغضب .. سرطات ريقها و حيدات ايدين جاسر اللي استغرب حتى شافها فين كتشوف و هو يبان ليهم اوس بديك الحالة ...جاسر زاد قرب من المى و زير عليها و هي مداتهاش فيه بقدما داتها في اوس اللي خلعها ... حتى دار اوس بالكاس لجاسر زعما بصحتك و هو يضحك جاسر بتكبر ...
اوس بملامح شيطانية كيشوف في جاسر و هو ينطق :موجد ليك احسن كادو اسي جاسر
بالنسبة للعينين الثانيين كيشوفوا في المى بريبة .. كانت نزهة اللي كتشوف في المى بحالة كتشوف شي شبح .. بدات كترعد و الكاس بغا يطيح من ايديها.. لاحضات هادشي وحدة من نساء الطبقة الاسرتقراطية و هي تقول ليها : نزهة مالك
نزهة كتشير لالمى و كترعد الهضرة كتخرجها من فمها بزز : واااش ديك البنت اللي لابسة كسوة في الغوز قصيرة واااش هي حية
ديك المرأة:اه كاينة علاش واش واقعة شي حاجة
المى حسات بشي اعين كتشوف فيها و هي ضور عينيها جات نيشان في عينين نزهة اللي شهقات و هي تمشي كتجري للمرحاض .. المى دارت ابتسامة جانبية مع ملامح شيطانية
المى :هااا العصفور غيدخل للقفص ديالو و تيقيني انزهة ماشي اي قفص براكة عليك من الحرية
و هي تبعها المى ...دخلات نزهة و بدات كتغسل وجهها و كلها كترعد
نزهة : لااا ما يمكنش ديك المغربية ماتت و دفناها مع واليديها ما يمكنش تبقا حية ميمكنش ... تحنات باش تعاود تغسل وجهها غير هزاتو تبلوكات مني شافت المى كتشوف فيها بعينين حمرين سرعان ما خشات ليها ابرة فيها مادة سوداء في عنقها
خرجات المى و هي طلاقا مع واحد الغارسون ...
المى : بغيتك دير داكشي اللي قلت ليك عليه
الغارسون باللهجة المغربية: معلوم متخافيش الالة
مشات المى بعدما تخلصات من أداة الجريمة وقفات في واحد الطبلة مرة مرة كتلوح عينيها على اوس اللي مبرد و ممسوقش ليها و كتشوفوا كيشوف في فيكتوريا بزاااف ... المى تعصبات : حمااار قاليك كيبغيني و هو كيشوف فديك الحمارة الله يلاغيهم فشي جايحة و يتحرقوا بجوج
جاسر شاف في المى و شاف في اوس و ضحك : موجد ليكم مفاجأة زوينة و نشوفوا واش غادي تبقاو مع بعضياتكم ( كمل كاسو تاع الشمبانية كيضحك بشر )
المى اوس جاسر فيكتوريا .. كول واحد منهم موجد مفاجأة غتقلب رقع اللعبة لصالحو ... في نضركم شكون غادي يربح فيهم ؟؟
ياسمين كتسنا نوبتها و علي قاعد في بلاصة لجنة التحكيم متشوق يشوف اداء ياسمين ما عرفش علاش جاه هذا الفضول اتجاهها .... ياسمين بقات كتشوف كل واحد فيهم كيدوز و كتقارنهم مع اصواتها و مع الخوف ولاو كيجويها دوك الاصوات حسن منها ... وصلات نوبتها و هو يقول ليها العامل
العامل هاز تابليت : يالله انسة ياسمين راها نوبتك
ياسمين تبلوكات و هي كتشوف في المسرح و المشكلة كان مباشر ... بقات مصدومة للثواني حتى حركها العامل ..
العامل : تفضلي
مشات ياسمين غادة بشوية عليها و الخوف في عينيها.. جميع الانضار توجهات ليها .. بقات غادة حتى وصلات للميكروفون و ضورات ايديها عليه اللاوعي هو اللي كيحركها ... غمضات عينيها بخوف خافت لا تفشل خافت لا تسقط .. فشلات في قرايتها . فشلات في زواجها . بغات تتبت راسها لواليديها و و لمحيطها هادشي علاش جات من المغرب..
علي خاف مني شافها مبلوكية و مغمضة عينيها ... خافها لا تفشل .. احساسو كيقول ليه راك مسؤول عليها .. مشاعيرو هذا الساعة مختالفين على المشاعر اللي حس بيهم مع صوفيا ...
" مغاديري والو .. مستحيل تنجحي ... مستحيل تحققي شي حاجة "
ترددو في بالها هذا الجمل جات باش تثبت راسها جات باش تحقق راسها و ضدد في بنادم غادي تنجح
بدات الموسيقى ما عندهمش وقت راه البرنامج مباشر... بداو الجمهور كيشوفوا في ياسمين ويوشوشو ... حلات ياسمين عينيها بقوة و هي طلق ابتسامة جريئة ...و بدات كتغني و كتشطح كانت اغنية حلا ^ ممنوع اللمس ^

هذا الحلو مالي ممنوع اللمس
هذا الهوا كله روحي والنفس

واللي على كل من كل من يقربله
واللي يفكر يوم يوم يوصله

والله العمر دونه ما يسوى فلس

ما اعوفه ما اخلي غيره ما احب
هذا انت ابد مالي قطعة من القلب

تحلم واني نطول انا ابتعد عنه
مافي مثلنا الاثنين ولا مثل حبنا

تحلم واني نطول كل من يقربله
وبحبه انا ارضة يوم يوصله

سحرني بأسلوبه شكله وضحكته
تعجبني حنيته قلبه وطيبيته

وبحبه انا ارضى بشره وبخيره

ازعل انا واغار كل من يقربله
وبحبه انا ارضى يوم يوصله
كلشي الجمهور كيضحك و ينشط عجباتو و بداو كيشطحو معاها و هي كتغني بثقة ... لجنة التحكيم عجباتهم بزااف من غير علي اللي مخنزر فيها ... بداو كيعطيو لجنة التحكيم نقطهم اللي مكونة من ثلاتة و معاهم علي
شهيناز مغنية :فعلا اتحافتينا بصوتك موهبة قوية و جرأتك و ثقة في نفسك قويين صراحة برافو عليك تستاهلي تكوني مغنية قوية مستقبلا بالنسبة ليا قابلة تكملي معانا المسابقة
ياسمين بفرح : شكرا بزاااف
مراد حتى هو مغني : عجبنا صوتك بزاااف صراحة نورتي المسرح و ولا فيه النشاط كلنا شطحنا برافو عليك و انا قابل تكملي معانا
ياسمين بعيون لامعة : شكرا بزاف
منين جات نوبة علي كان مخنزر و هو يقول كلام صادم صدم ياسمين و صدم الجمهور
علي : معجبنيش صوتك باقي خاصك تتدربي كثر مموافقش تكملي
تصدمات ياسمين ما همهاش تكمل المسابقة كثر ما همها انها تعجب علي .. ضهرات على وجهها ملامح الحزن و رغم ذلك شكراتو
ياسمين : شكرا
مشات ياسمين راجعة للكواليس و هي كتبكي صدمها كلام علي وجرحها ... كملات المسابقة و علي غير معصب غار على ياسمين بزاااف