لا يسمح بالنشر ذون اخد اذني 🚫🚫
السلام عليكم .. جييييت و جبدت الجديدة ... قصة فوق الشواية ... كوكتيل من الاحاسيس و المشاعر .. #الدرامة 😪😪و #الغمووووض حاضرين بقوة .. #عشق للحد الجنون😯😯( البطل كيتشروط على البطلة ).....#هوس❤.. #مرض.. #جنون ....# ح...
بقلم : كوين بارت 10 رجعات المى للدارهم و هي دوش وخا كيثقل عليها شعرها حيتاش طويييل بزاااف ... غسلاتو و لبسات حوايجها .. مشات للكوزينة لقات مها حطات العشاء عبارة على الحوت حميد باس ايدين سعيدة :الله يعطيك الصحة المى بقات كتشوف فيهم بعينين لاميعن كيعجبها حبهم للبعضايتهم كتبان من عينيهم انهم كيبغيو بعضياتهم ... ناضت المى كتهز للماعن باش تغسلهم و مشاو سعيدة و حميد ينعسو المى كتغسل في الماعن :ايمتا غادي يجي حبيبي اللي نعيشو انا وياه الحب واااااو شحال باغة هادشي ناضت المى للبيتها و قررات تجبد شوية تراجع .. دايرة شعبة التاريخ بغات تولي باحثة جيولوجية.... بدات المى كتراجع و هي تتفكر اوس المى بشك : داك الاستاذ علاش دافع على البوليزاريو علاش يا ترى ؟ كملات مراجعتها و هي بالعا مع اوس .......اما اوس كان كيفكر كيفاش يتقرب من العقيد باش يجيب شي معلومات حول المغرب.....حط قداموا الملف.. لقا ان العقيد عندو بنت وحدة عندها 21 عام خاصوا يتقرب منها باش تولي خطيبتو و هاكا يتقرب من عائلة العقيد .. صباح يوم غد كانت المى غادة حتى كتبان ليها شي وحدة كتصادع مع شي واحد و الجوقة مجموعة عليهم و هي تمشي للعندهم ضرها راسها تعرف اش واقع المى : شنو واقع هنا ؟؟ واحد البنت كانت من ديك الجوقة : هاذ ختنا مضاربة مع هذا قاليك باغي يبوسها المى:اويلي على باغي يبوسها هاكاك بأينا حق ؟؟ البنت :ما عرفت ليه المى تعصبات و مع هي فيمينيست (féministe ) تدخلات حتى هي ( من هنا نقوليكم بطلتنا اكثر وحدة فضولية في هذا العالم ) المى :واش نتا حمق باغي تبوسها و زعما هانية تخليك البنت لاخرى سميتها ياسمين : هانتي اختي جبتيها لاصقة واش نتا لصقة و سييير فحالك الدري:مالكم معقدين .. تشالنج ( تحدي ) عطاوه ليا الدراري باش نبوسك في الميريكان كيخليوهم البنات يبوسوهم الدراري. المى:هاداكشي في المريكيان وزيد عليها حتا تكون بحالهم ونتا فمك زرق غار بالغارو و الحشيش يا الحشايشي يا المعقد بارت 11 ياسمين :عبرات عليك و الله حتا عبرات عليك شووو كي داير كاملك مسلوت منعرفك واش غادي و لا جاي وااا سير فحالك بقاو البنات كيعايرو في داك الدري قدام كلشي حتى مكرهش داك الدري يشمي ينتااحر و لا يتلاح منشي بلاصة .. عرفتي مني كيكون شي واحد حاس براسو و كيجي شي واحد يحطك بوجهك هادشي اللي وقع ...كان اوس دايز من حداهم و هي تبان ليه المى كتغاوت معاه اوس : فين ما مشات كدير المشاكيل دخل للقاعتو ... في حين داك الدري مشا زاعف ندم على شي تحدي و لا شي حاجة بحال هاكا ... المى كضحك : عجبني راسي فيه ياسمين ببتسامة :شكرا ليك بزاااااف ( عنقاتها ) المى كضحك :ما بيناتناش مشاو البنات للقاعة و كل وحدة كتتعرف على راسها المى:انا المى عندي 21 عام كوجد دابا للاجازة في التاريخ و نتي . ياسمين بفرح :حتى انا كنوجد ليها في نفس الشعبة المى حسات باللي لقات توئم روحها :او بالصح صافي يالله ندخلوا قعدو حدى بعضياتنا وخا داك الاستاذ مكنحملوش ياسمين :علاش مالو المى:اللي جاه جاه علية شتي باش زعما نكمل عندو شي حصة عمرني كملتها عندو دائما مجري علية ياسمين:يالله دخلي عندو و سكتي منهضروش و متشاركيش و نشوفوا باينا سبة غادي يجري عليك المى : واايه بالصح ديك الساعة و الله مانسكت ليه ....دخلات المى و ياسمين للقاعة و كان اوس فيها اللي غير شاف المى خنزر فيها و حتا هي معطلاتوش خنزرات فيه حتى ضرباتها ياسمين ياسمين : ولا اهياتا متخنزريش فيه ما بغيناهش يجري عليك قعدو البنات .. و اوس بدا كيشرح في الدرس و كلما شاف جيهة المى كيلقاها ساكتة و مبلقة فيه عينيها ضحكاتو و مركزة مع الدرس باش لا غفلها بشي سؤال تجاوبو و ميجريش عليها ... المى شافت في جنابها لقات ياسمين كتشوف في اوس و مبحلقة فيه عينيها و ريوقها سالو... المى : اويلي مالك ؟ ياسمين :احححح التاريخ ولات احسن مادة عندي من دابا المى: اويلي علاش ياسمين : شوفي و الله حتى تيتيز قلبي بغا يخرج من بلاصتو المى بصدمة :دابا هذاك تيتيز تيتييييز عارفة راسك اش كتقولي ياااااك ماشي عمية ياااك اوس غفلها بواحد السؤال كان كيشرحوا مني كانت كتهضر مع ياسمين :انسة المى تقدي تشرحي ليا اخر فقرة في الدرس المى ناضت و هي مصدومة زرب عليها اما ياسمين ضربات جبهتها بتأسف المى بغات تبكي :و الله حتى كنت متبعة معااك اوس :دابا مغاتشرحيش المى فهمات راسها و هي تجمع ادواتها و هي قالبة ملامحها بطفولية حتى صدمها اوس اوس:تقدي تقعدي (و هو يسول اوس واحد اخر بان ليه قراي حيتاش اوس عندو واحد الذكاء دغيا يقد يعرف الانسان من الشوفة الاولى )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المى بقات واقفة مصدومة ان اوس ما شدش معاها الزكير و هي تجرها ياسمين حتى قعدات المى المى :واااااو مجراش علية ياسمين : ضريف وخا هكاك ( ايه دابا تشوفوا الضرافة ) المى كلمات واحد قدامها و سولاتو :شنو سميت الاستاذ الدري هاز خنافرو للسماء:مالي كنت كنقيد في الحالة المدنية المى : يااااااه على معقد ( كلمات واحد حداه ) المى : شنو سميت الاستاذ الدري :سميتو اوس العمراني المى بتركيز :امممم اوس اوس العمراني سالات الحصة و خرجات المى و ياسمين .. المى يالله بغات تخرج و هي دير ضحكة صفرة في وجه اوس اللي خنزر فيها و هي تجمعها و خرجات فحالها ... اوس جمع ادواتو ...و هو يركب في الطموبيل ...بقاا غادي حتى وصل للواحد المحل تاع الحوايج .. بانت خارجة منو واحد البنت و مها معاها ...بقا اوس كيشوف فيها من بعد نطق بواحد النبرة رجولية : بنت العقيد ******** في الواحد المكان في الجزائر .. بعيد تمام البعد على المغرب .. في ساحة للسابقات الغير القانونية .. كانو عشرات تاع الطموبيل ..كيسوقوا بواحد السرعة كبيرة ... متسابقين شكون غادي يربح الاول و يوصل في السباق الرتبة الاولى .. كان السباق فيه كلشي مسموح يعني قتل منافسينك ضربهم ماشي سوقهم المهم هو توصل نتا الاول ... كان في المرتبة الثانية بعدما تخلصوا من 8 للخرين ... حل الشرجم و هو يخرج ايديه من الطموبيل و بدا كيضرب في العجلات تاع السيارة اللي قدامو حتى بيس ليها الروايض و هو يرجع لقيادة و ورك على السرعة حتى فات ديك الطموبيل و هو يجي هو الاول في السباق .. حل الباب تاع السيارة و هو يخرج منو بعدما كانت السيارة كلها خاسرة و مشوهة سوى من القدام و لا من اللور و لا من الجناب .. ولكن ما هموش داك الشخص بعدما نتاصر وجا هو الاول في السباق اللي على الاغلب جميع المشتركين فيه غادي يكونوا ماتو ... حيد الكاسك اللي كان داير و هو يبان شخص وسيم معنا الكلمة بعينين كحلين كي الجمر حتى هو لا يقل وسامة على خوه اوس في عمرو 25 عام اسم ديالو علي . علي العمراني.... بدا كيصفق بايديه و يحيي الحضور اللي اغلبهم كانو عساكريين و رجال بورجوازيين ... علي مشا عند واحد صاحبو مروان مروان :فرحت ليك بزااف اصاحبي علي :حتا انا فرحت للراسي على كاين شي واحد يقد يغلبني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
