عشقي للمغربية (مكتملة )

الحلقة الواحد و العشرون

بقلم : كوين
بارت 76
جات المى كتجري و هي تبان ليها ياسمين كتبكي و هي تمشي لعندها ...
المى : ياسمين
ياسمين غار شافتها و هي تلاح عليها كتعنق فيها : المى اهئ اهئ
المى كدوز بايديها على شعرها : ششششش احبيبة شنو واقع ليك
ياسمين:بغيييت ماما المى بغيت الحنانة و الله قلبي مقبوووط توحشتها
المى:هذا ما جاك ( بدات كتبكي معاها ) ها انا معاك احبيبة هاا باباك معاك
ياسمين بعدات و كتشوف فيها و هي فمها منفوخ : باابا باغي يتخلى علية االمى ما بقاش قاد على مصاريفي كتحرشوا علية ديك الزمرة تاع مرأة بابا المى شنو ندير كنحس براسي يتيمة من جهة مي و بااا المى
المى تنهدات و هي تجرها كتعنق فيها و كتواسي فيها :صافي حتى نتي البغلة عندك 21 عام متحتاجيش ليهم و الله و زايدون هاني معااك و باب داري مفتوح ليك
ياسمين بنغمة مكسورة و البرد تاع البحر مطير ليها شعرها :المى الام هي كلشي في حياة كل بنت هي اللي تفهمك هي اللي تفرح لنجاحك هي اللي متحسدكش و اكثر واحد يبغي ليك الخير مغتحسيش بية حيتاش مك معاك
المى :صافي وخا نكون انا ماماك اللي ثقالت عليك خفافت علية صافي ؟
ياسمين بتاسمات سرعان متقلب وجهها لصدمة مني شافت اوس مع شي بنت في الكافي... بقات كتنقل عينيها منو لالمى اللي كتشوف كيفاش تبدلو ملامح ياسمين من حزن لصدمة
المى : مالك شنو واقع ( يالله جات تلفت و هي ترجعها ياسمين )
ياسمين بتوتر : لا لا مكاين والووو غير تعطلت على الدار
المى: باقي الحال يالله نبقاو شوية في البحر
ياسمين : المى صافي جاني البرد يالله نوضي نوصلك تاخدي طاكسي اما انا دارنا غير هنا
المى دوزات بايديها على حناك ياسمين : حبيبتي هاني معاك ميخصك معاية خير فهمتي نكون مك ختك صاحبتك غير منشوفكش مقلقة
ياسمين ضحكات : كنبغيك وخا هكاك الهيشة ( و هما يتعانقو و صوت ضحاكتهم كيعلا حتى نتابه ليهم اوس و هي تجيه وحدة منهم كتشبه لالمى سرعان ما حول عينيه لاروى اللي باقي مزنكة ...
ناضوا البنات و مرة مرة كتخلي حتى كتلهى المى بشي حاجة و كتقلب عينيها ياسمين لعند اوس بشوفات نارية ... وقفات ياسمين طاكسي و هي تركب المى فيه بعدما ودعات ياسمين ...
ياسمين غار تحرك الطاكسي و هي تغير ابتسامتها لنضرات غضب و توجهات لقهوة
*******
عند صوفيا
كانت في الكوزينة .. و هي تفكر انها غادي تجيب ولد لهاذ الدنيا
صوفيا: بففففف غادي نغلاض خاص كي نولد ندير شي رجيم ( بغضب ) تفووو كي ندير نتفك من علي و رجالو ضايرين في الجزائر خاص ضروري نهرب ( شدات واحد الكاس بالاعصاب ضرباتو مع الارض حتى تسمع صوتو و هو يجي عندها علي مخلوع : صوفيا مالك
صوفيا كترعد : سييير فحالك بعد مني متقيسنيش
علي قرب لعندها و هي تبعد و زادت تعصبات :علي قلت ليك متقربش
علي حبس :وخا وخا ( خايف على الولد )شنوو وقع
صوفيا :اناا ملييييت اهئ اهئ ما بغيتش اعباد الله ماااا بغيييييتش عييييت و الله ( بدااات كتنتف في راسها حتى قرب عندها علي و شد ايديها كيحاول يبردها ) ششششش بردي تكالماي
صوفيا:اهئ اهئ علي ما بغيتش ..
حتى سخفات ليه في ايديه و هو يهزها علي و داها لناموسية و عيط على الطبيبة ...و بدا علي كيمشي و يجي خايف عليهم و ما فهم والو من عند صوفيا.. حتى جات الطبيبة و دقات و حل عليها علي الباب
بارت 77
علي مخنزر :تعطلتي
الطبيبة :سمح لية فين هي المريضة
علي : تبعيني ( و بقا غادي و هو مكلضم سهات الطبيبة في فصالتو حتى فيقها هو من سهوتو )
علي :يالله تحركي
فحصات الطبيبة صوفيا و ما لقات عندها والو
الطبيبة :غير الطانسيو هبط ليها كنصحها متحاولش التعصب و تهذن ( كتبات ليه شي حاجة في الورقة ) هاذو دي كالمون ..
علي :صافي وخا حسابك غادي تاخديه التحت و عطي الورقة لشي واحد من الغارد
مشات الطبيبة و علي بقا كيشوف في صوفيا ...
*****
كان اوس قاعد مع اروى غير ساكتين كيتسنى دوز ساعتين باش يرضها لدار باها حتى شافو شي صاك تحط فوق الطبلة و هما يطلعو عينيهم بجوج و اوس غير شاف ياسمين تصدم من بعد ثواني قلب ملامحو لبرود
ياسمين بالفقصة : سمحو لية يا كما قاطعت موعدكم الغرامي
اروى :شكون نتي ؟؟
اوس : إحدى التلميذات ديالي ( و هو ينوض اوس جر ياسمين حتى خرجو من الكافي و هي تحيد ايديها بالزعفة و غوتات عليه : اشنو كيصحاب ليك راسك كدير ( مجات تكمل هضراتها حتى تحط الفردي فوق راسها و هو يبرد ليها الماء في الركابي و بدات كتفتف : شنوو كدير ؟؟
اوس خسر عليها جوج كلمات :متوصلش لالمى
و هو يرجع لعند اروى مخليها مصدومة من التهديد اللي عطاه ليها بشكل مباشر توصل ليها تموت و هو معندوش مع الهضرة بزاف كيعجبو التطبيقي ....
اوس هز سوارتو و التليفون : يالله نوضي
ناضت اروى و هي كتشعل بالغيرة من هاديك اللي جات دابا و بغات تعرف شنو بينها و بينو .. ركبو في الطموبيل و طول الطريق و هو سايق ساكت و اروى حداه كتحرق بالغيرة ... حتى وصلها لدارهم و هو يرجع لدارو ....
ياسمين شادة التيليفون كتفكر واش تقولها ليها و لا لا كانت قاعدة في بيتها و هازة التيليفون في ايديها حتى قررات و هي تصوني ليها
المى كان في بيتها حتى شافت ياسمين كتعيط عليها و هي تجاوبها : الووو الحب
ياسمين :شوفي خاااصك المى تفارقي مع اوس
المى بتعجب : علاش
حتى كتقطع لابيل و هو يصوني تيليفون ياسمين بمجهول و هي تجاوب: الووو
اوس : حذرتك متقولي ليها والو ( كيلعب بالفردي في ايديه ) كيعجبك اللعب
ياسمين: سعادة صاحبتي كتهمني نموت معنديش مشكيل
اوس :سعادتها معاية
ياسمين : شكون ديك لللي كنتي معاها ؟ كتخونها ؟
اوس : ماشي سوقك ( بتهديد ) باااك الله يعمرها ضاار
ياسمين بدات كترعد : مجرم قتال متقيسوش فهمتي
اوس :هي لا درتي عقلك فهمتي و هادشي غيبقى سر بيناتنا انا وياك ياااك
ياسمين : المى مخدوعة فيك و لكن حبل الكذوب صغير تيقني ( قطع عليها و هي ضرب بالتيليفون على جهدو مع الارض حتى دخلات كلثوم ولقاتها كترعد هكاك )
كلثوم :اوعدي ( شافت التيليفون تهرس ) شني عملتي كي شفتي حنا عندنا شركات تاع سامسونج هايدة مشايرين
ياسمين :كلثوم مناقصنيش نتية فهمتي خرجي من بيتي
كلثوم : شوووف نتية راه و الله و معملتي عقلك معاية حتى نشري ليك الصداع مع باك و ها وذني منك
ياسمين :نتي باغة غير ايمتا تفكي مني غادي تفكي مني غادي تفكي غنتزوج بأول واحد ايدق دارنا و نخرج من هذا عيشة الذل و دابا سيري علية
كلثوم فرحات:مزيياااان مزيياااان هاني خارجة
و هي تقعد ياسمين معصبة ما حيلتها لدارهم ما حيلتها لصاحبتها
ياسمين :ااوووووف شنو ندير شنووو ندير يا ربي
بارت 78
المى خرجات من بيتها كتعيط لمها :ماماااا ماااماااا
حتى خرج ليها باها .. علاقة المى بباها هي علاقة احترام مضاسراش عليه وخا هكاك....المى شافتو و هي تمشي باست ليه راسو
المى:اهلا الوليد
حميد :كيدايرة ابنيتي لاباس محتاجة لشي فلوس
المى ببتسامة :لا باابا غيرو كان غدا عندنا رحلة مدرسية لافران داكشي بسبب غادي يتفتح واحد المتحف جديد
حميد : بحالة كترتو من الرحلات
المى بتوتر : لا راه ضروري نحضر شعبتي كتطلب ندير دراسة تطبيقية ماشي كتابية
حميد : صافي وخا محتاجة لشي حاجة
المى :لا المدرسة متكلفة بكلشي
مشات المى عند مها لقاتها في الكوزينة و هي تخلعها
سعيدة شادة في قلبها : اااااا بسم الله الرحمان الرحيم
المى كضحك :خلعتك
سعيدة :الله يعطيك الجذام بانت الحرام مشيتي تسكتيه لية
المى هزات الفريز كتاكل فيه :غدا عندي رحلة مدرسية
سعيدة : يا بنيتي و الله لا عتبتيها
المى :ايه وخااا بقاي تحلمي لية تماك او زايدون وافقات الحكومة
سعيدة : ايه و فين هذا الرحلة بسلامة
المى : افرااان
سعيدة :هاااا ويلي
المى بدات تغمق عليها في الهضرة :راه تفتح معرض تماك خاص ضروري يحضرو الطلبة تاع التاريخ
سعيدة : ايه مني القضية فيها القراية صافي وخا حضري ( شافت فيها بعدما حبسات تنقية تاع الخضرة ) محتاجة لشي حاجة
المى : لا ممحتاجة لوالو
في الغد ....
خرجات المى و هي كتسلم على واليديها جارة معاها ليفاليز ... حتى فاتت شوية باب الدار و هي تلقا اوس كيتسناها .. بتاسم ليها اوس و هو يحل الكوفر حط فيه لافاليز و هي بقات كتسناه يحل ليها الباب حتى شافتو دخل لطموبيل و هي بقات كتسناه و هو يحل الشرجم
اوس : يا كما كتسنايني نحل ليك الباب
المى : بحالة علمك الله
اوس : مالي الشيفور تاع باك
المى حلات الباب بالزعفة و خنزرات فيه : ما فيكش الحس تاع جانتل مان
اوس : خليتو ليك
بقا غادي سايق و هي تشد تيليفونها و خدمات الموسيقى بالجهد و كتردد مع الاغنية
المى : ياااااا حبيبيييييي تعاااال في حضني استنااااك
اوس : ها هو حبيبك حداااك
المى : كنهضر على واحد اخور ( خنزر فيها ) ههههه لا غار نتا والله
المى كتغني مع الاغاني و تشطح ممسوقاش ليه هو اللي عصباتو
المى : ايييييه الحلوة الحلوة .. اييييييه نوضوها اييييه الحلوة الحلوة
المى: شمس سطعت و الجو جميل هذا اليوم و فراشة قد قالت هذا فصل الصيف و رفيقتي قلنا هية لنزهة هية ما اجمل هذا اليوم هية يا اصحاب هييييييي
المى : في فخ غريب وقعنا
في عالم الارقام ضعنا
كيف الخروج كيف الخروج و من اين الطرييييق ؟؟
عالم غريب المعالم
نواجه الاخطار نقاوم ( قربات حتال وذنوو و هي كتهز في كتافها و كتغني مع الاغنية )
نلقااا عدواا و نقابل الف صدييييق
لا لا لا لا واااااوااااااوااااوااااا
نحن في وجه المخاطر
لاااا لاا لااا وو وو ووو ووو
نحتفظ بهدوء اعصابنا نقاااااااوم
نعلم ان لا يعيدنا الامل
من عالم الديجيتال
( هزات ايديها و هي كتعبر بقلبها و هو كيشوف فيها بنص عين )
بل العمل معا
يدا بيد بحثا عن الطريق هيااا
نعلم انا لن يعيدنا الامل
من عالم الديجيتال
بل العمل معا
) طلقات داك الحلوق )
ابطال الديجيتاااااااااااااال
و بدات كتحرك في راسها مع الموسيقى حتى قطع اوس الموسيقى و هي تشوف فيه
المى :حرام عليك
اوس : يصحابوك غير مشيرة و نتي كتحركي راسك بديك الطريقة ( حرك راسو ) لا حول و لا قوة بالله باقي شي واحد كيتسنط لهاذ الموسيقى
المى :كاين
اوس : شكون
المى : حشمت نماركي عليك ( خنزر فيها ) هيهيهيهي غييير انا
اوس : جمعي جمعي داكشي و سيري تنعسي شوية تحت عينيك زرق و نتي بايتة تحلمي بافران
المى جبدات المراية:بايتة كنحلم بيك الحب