عشقي للمغربية (مكتملة )

الحلقة 45

المى دخلات للمستشفى خايفة على جاسر و مشات عند الاستقبال
المى : عفاك جاسر واحد الرجل دار اكسيدون و قالو لية جابوه للهنا
الاستقبال : وخااا لالة تسناي ( بدات كتقلب في البيسي و المى كتسنى بالقريب العاجل )
الاستقبال : اه قدرو البوليس يتعرفوا على واحد الشخص سميتو جاسر دار حادثة سير دخل فيه كاميو و ساعة الوفاة تسجلات في الساعة 8.00
المى مكتسمع والو من هضرتها من غير موت جاسر في الاخير كيبقى واحد الشخص عاونها باش تحقق انتقامها دابا تابعها طريق طويلة و بوحدها.... داخل اوس و بانت ليه المى مصدومة و مشا لعندها
اوس : المى مالك ؟؟
المى عينيها مغرغرين تفكرات موت واليديها : اوووس اووووس ( عنقاتو كتبكي ) جاسر ماااات ااوس جاسر مااات
اوس تعصب و حمار مزير على قبضة ايديه كيشوف حبيبتو كتبكي على فراق راجل اخور في حياتها مكرهش يقتلها و ميسمعش هذا الهضرة
المى كتشوف فيه و كتبكي: اوووس شنو ندير ااوس شنوووو كان عزيز علية
اوس ساكت و صابر لهبالها الغيرة كتحرق فيه وخا مات جاسر مخلي الغيرة شاعلة فيه
المى بعدما تهدنات خاصة لاحضات غيرة اوس و قال بتفكير : اشنو وقع للماماك
اوس بعصبية: شي واحد سممها و تشللات
المى : الله يشافيها ( في خاطرها الله يعطيها كثر من هاكا )
مشا اوس و المى بقات كتفكر لو ان اوس عرفها هي اللي سممات مو اشنو غادي نكون ردة فعلووو ...
المى سولات لاستقبال : ايمتا غيكون الدفن ؟؟
المرأة اللي خدامة في الاستقبال: غيكون غدا مع الضهر ...
رجعات المى للدار و علمات البوليس في المغرب على وفاة جاسر و هي كتفكر كيفاش غادي تقد تبقى في المغرب صافي راه حققات انتقامها و هاهي نزهة اللي قتلاة ليها واليديها كتعذب تزيرات عليها نفسها لا عرف اوس الحقيقة غادي يقتلها و ما يسيق ليها حد الخبار و هاكا حبهم غيكون تدمر حيتاش باقي عندها امل انهم غادي يرجعو مع بعضياتهم ....
*****
في الصباح
مشات نجمة للخدمة و كيبان ليها ركن خدام في بيروه و هي تمشي لعندو
نجمة قعدات و بقات كتهضر مسكتاتش من الهضرة: دابا انا حياتي في خطار يقدو يقتلوني في اي لحضة و نتا ساكت عاجبك الحال ياااك اسي ركن ( قربات ليه حتى ولات عينيها في عينيه و كيحس بقلبو كيخفق ) غتفكني من هذا المشكلة اليوم قبل غدا فهمتي
ركن توتر من القرب اللي بيناتهم و دفعها حتى جات طايحة للارض : سيري فحالك متعرفيني منعرفك
نجمة ناضت محزمة : كيفااااااش متعرفيني منعرفك يااااك اخااااي و انا لمن خليتيني
ناض جاسر و جرها معاه حتى خرجها من الباب و سدو بالساروت و هو كيحس بقبلو كيخفق
ركن شاد في قلبو : اشنووو هادشي يا ربي
... ياسمين كتدرب على الموسيقى و بالها مشغول مع علي
المدرب: مالك فاش كتفكري تركيزك خاصو يكون معاية
ياسمين :سمح لية خاصني ندير واحد لابيل
مشات ياسمين و هي تشوف في نمرة علي و مترددة واش تعيط ليه و لا متعيطش ليه حتى وكلات امرها لله و عيطات ليه
علي قاعد حتى كيبان ليه اتصال ياسمين و هو يجاوب
علي بصوت حزين :الووو
ياسمين : علي فينك شنو واقع اينا مستشفى كنتي كتهضر عليه البارح
علي بحزن :ياسمين جي انا محتاج ليك انا كاين في مستشفى ****
ياسمين : وخا انا جاية
خرجات ياسمين من الوكالة و مشات طايرة شادة طاكسي للمستشفى ...وقفات الطاكسي و نزلات ياسمين بلا ماتخلص مشات كتجري حتى دخلات للمستعجالات و بان ليها علي و هي تمشي كتجري حتى عنقاتو
علي عنقها سرعان ما دموعو بداو كينزلو ...ياسمين كدوز بحنان على ضهرو
ياسمين :علي مالك شنو واقع ؟؟
علي : ماما اياسمين ماما تشللات
ياسمين خرجات عينيها مصدومة :كيفااااش كدوي منيتك كيفاش ماماك تشللات هادشي ميمكنش ؟؟
عنقاتو ياسمين مصدومة صعيبة ماماك تمشي صحتها حتى جا اوس بانت ليه ياسمين ماهتمش بزاااف و عرف باللي بيناتهم شي علاقة ....المى دخلات للمستشفى باش يتدفن جاسر و معاها بعض العملاء مغاربة ... المى لابسة جلابة في الكحل و داير الزيف و عينيها حمرين بالدموع
المى بعدما ضربات ليها في راسها فكرة شيطانية قالت لاحد العملاء : سمح لية خاص نمشي نشوف واحد الحاجة
مشات المى لقسم المستعجالات حتى كترجع باللور مني كتشوف ياسمين مع علي ... ضارت المى بالزربة و هي تشوف ياسمين المى و لكن من اللور من الضهر
ياسمين باستغراب : هاديك مكتشبهش للالمى
المى سمعاتها و هي تجري ضغيا و ناضت ياسمين تبعاتها كتجري... حتى وقفات ياسمين مني تلفات ليها و هي تحس بشي ايد على ضهرها ...
*****
نجمة واقفة قدام الباب تاع البيرو تاع ركن كدق
نجمة : غتحل و لا متحلش
ركن كيحس بمشاعر جديدة دخلات لقلبو شوية كضرب ليه طن في راسو ... نجمة اللي كيعرفها قبل عام كتشبه لهذا نجمة و هو يحل الباب بالزربة حتى تفزعات نجمة و هو يجرها من ايديها دخلات
ركن : واش نتي هي نجمة صاحبة المى
نجمة تصدمات و هي تضربوا بصباطها و صباطو و هربات نفس الحركة اللي دارت شحال هذا قدام المقبرة ... ركن تصدم سرعان ماحك ذقنو بفرح حيتاش عمرو نسا نجمة
*****
ضارت ياسمين حتى كيبان ليها الشيفور تاع الطاكسي
الشيفور : الالة راك نسيتي متخلصيني
ياسمين :سمح لية ( جبدات بصطامها ) هاك
مشا السيد كينغر حيتاش كيصحابو مباتش تخلصو
ياسمين قلبها كيدق :انا متأكدة شفت المى
المى من بعيد كتبكي كتشوف صاحبتها توحشاتها ماشي ما توحشاتها و لكن ما عندها ما دير
حتى كتحس بأوس حداها
اوس :سيري لعندها
المى :ماشي سوقك ( و مشات حتى رجعها لبلاصتها
اوس : علاش كتعذبينا عارفاني كنبغيك شنو مخبية علية
المى : سير عند فيكتوريا هي تجاوبك
مشات المى و عينين اوس ضلامو مني تفكر فعلة فيكتوريا خاصة انه عرفها باغي تنتاقم لموت باها مارك
مشا اوس و ناوي على خزيت
في المقبرة
جالسة المى كتشوف في جاسر كيدفنوه و هي كتبكي كيبقى صديق قريب بالنسبة ليها و مهم حتى بدا الامام كيقرى عليه القران ومشا كلشي و بقات هي معاه
المى : غنتوحشك بزاف اجاسر وخا كنتي كتهددني الا ان بلاصتك في قلبي بوحدها الله يرحمك في هذا النهار
مشات المى و من بعيد كيشوفوا فيها عينين بهوس كبير بزااااف ...
... فيكتوريا كاينة في واحد المستودع خارج المدينة .. رابطينها يومين بلا ماكلة و شراب .. حتى كيدخل عليها اوس و هو كافر ووقف قدامها
فيكتوريا بطلب : اوس عفاااك رحمني عفاااااك
اوس : نتي زعمتي زعامة كبيرة مني بستيني و قدام شكون ( باستهزاء ) قدام حبيبتي اللي كتعني لية كلشي عرفتي شنو نتي جرحتي قلبها و انا مغاديش نسامح اللي جرح قلب حبيبتي
فيكتوريا بحقد: سارة يااااك سارة ( معارفهاش باللي راها المى ) غادي نقتل ديك المغربية غندمرها
اوس سمع هضرتها الجنون لعبو ليه في راسو شد واحد السنسلة و ضورها على عنقها حتى بدات كتخنق و كتركل حتى تقبلو عينيها لبياض و صخفات و هي طيح ميتة
اوس ناض كيحك في نيفو بهوس : هي اللي بغات تأدي حبيبتي و انا مغاديش نخليها مغاديش نخليها غنقتلها غنقتلها ( ضحك بحال شي حمق ) هاااااهاااا هااااا قتلتها قتلتها
مشا اوس بعدما سااس ايديه و دوا مع رجالو
اوس : ديوها علية من هنا
مشا اوس و هو سايق عند المى يفهم منها كلشي