عشقي للمغربية (مكتملة )

الحلقة تسعة و عشرون

بارت 101
ياسمين ناضت و هي تشدو من ايديه و خرجاتو :خرج علية من البيت ( و هي تحبس ) بلاتي اصلا علاش غتخرجش و نتا ماشي راجل مزوج بية حيتاش خايف من عائلتك يعرفوك على حقيقتك دابا نتا بحال صاحبتي يااااك نبقا ندير معاك البيديكير و المنيكير و لا شنو سييير سييير دير ليك شي بيت خرى و خوي هادي
سدات عليه ياسمين و هي تمشي تنعس حتال غدا و يحن الله ...
********
في الصباح اليوم الباكر
كتحل في عينيها على اشعة الشمس... ناضت و هي راسها ضارها .. ضورات عينيها بان ليها راسها باقة بتكشيطها .. ناضت للدوش و غير شافت راسها في المراية غوتات واحد الغوتة ... كان الكحل مطلي على وجهها و عينيها و العكر مجلخ و المكياج ولا حالتو ... جبدات الديماكيو مسحات بيه وجهها و غسلات وجهها ... بدلات حوايجها لبيجامة و هي تخرج مبوقة عند مها بالنعاس مع نعسات مع الخمسة و فايقة مع الطناش
سعيدة : صباح الخير
المى : صباح النور كاين شي فطور
سعيدة : ايه دوزي تفطري قولي لية كي كان العرس
المى : بحال غاع العراسات( تفكرات اوس و هي ضحك ) و عامر مفأجأة
سعيدة : مزيان مزيان ابنيتي
ناضت المى بعدما فطرات غسلات الماعن و هما يتغداو مع باها حميد .. حتى مشا حميد و هي تعاود تغسل ماعن تاع الغداء و قاست المى بشرتها اللي تقاست بفعل المكياج اللي باتت بيه
و هي تنوض دير واحد الماسك في الخضر حتى تصاطحات مع مها اللي تخلعات
سعيدة : بسم الله الرحمان الرحيم
المى كضحك :خلعتك امي
سعيدة : اوعدي شنو هادشي
المى : ماااسك متضررة البشرة ديالي( حتى سمعو الصونيط في الباب )
سعيدة : شكون غادي يجي في هذا الوقيتة
المى: منعرف شكون سيري حلي
مشات سعيدة حلات الباب و هي طلقا اوس شاد بوكي تاع الورد و داير ضحكة على وجهو و هو يدخل بدون مقدمات و باس راس سعيدة: اهلا انسيبتي ( و هو يدخل للصالون ) تبعو علي اللي جا مع هجار للمغرب باش يخطبو لاوس بلا خبار مهم نزهة هاز قوالب تاع السكار
علي كيضحك و كيهضر بلكنة جزائرية : اهلا انسيبة خويا عفاك كوني قاصحة بحال نسيبات المغربيات بغيتك تحرري عيشة خويا
و هي دخل هجار لابسة جلابة في الموف و كتبتاسم : متديش عليهم( عطاتها الحليب و دانون و الشكلاط داكشي في ميكات ) هاكي اخالتي
و هي تدخل صوفيا اللي كرشها واصلة لفمها دخلات في شهرها و عطاتها الحلوة المغربية اللي واكلة نصها : bonsoir .tiens ( مساء الخير .خودي )
خدات سعيدة داكشي كولو و هي مصدومة من هاد بنادم اللي ما عرفات حتى واحد فيهم و تعرمو عليها .. حطات داكشي في الكوزينة و هي تمشي لعندهم
سعيدة : نعم اش حب الخاطر ( شافت في اوس ) نتا عقلت عليك
اوس : جيت باغي نتزوج ببنتك لا قبلتو علينا
علي حداه همس ليه : لعجب الصواب اخويا ولا فيك
اوس باقي كيشوف في سعيدة و هو يضرب علي بمرافقو حتى تقصح علي من الضربة و هو يتأوه بألم .. المى سمعات الصداع و هي تنزل للتحت بداك الماسك بانو ليها الناس كثار .. غار شافتهم تصدمات ما عرفات حتى شي واحد فيهم من غير اوس و هي تخنزر فيه و قعدات قدامو في الصالون و نطقات : شكون نتوما ؟؟
اوس :جيت باش نخطبك ياك قلتها ليك البارح
المى رجعات بذاكرتها للوراء و هي تفكر مني قالها غادي نجي نخطبك و هي تشهق : ما بغيتكش ( خنزر فيها مزيااان ) لااا بغيتك بغيييتك
علي : ايوى المخلوق الاخضر ( خنزر فيه اوس ) بغيت نقول امراة خويا كي درتي حتا طيحتي الصقر
المى باستغراب :كيفاش المخلوق الاخضر( غار حطات ايديها على وجهها و هي تتفكر انها دايرة ماسك حتى غوتات و هي تقفزهم كاملين ) عاااااااااااااااا
و هي تنوض جرية وحدة للدوش غسلات حالتها ... و هي تستأذن منهم سعيدة تصايب القهوة و اتاي ...حتى جات المى و قعدات حداهم بالبيجامة هكاك و كتشوف فيهم ما عرفات حتى واحد فيهم : شكووون نتومااا( مشيرة لدوك الثلاتة اللي مع اوس )
اوس : هذا البغل ( زير على كتاف علي اللي كيضحك مخبي الالم ) هو خويا البغل و لا خرى ختي هجار و هاديك مرأة خويا
علي : تي عنداك صاحبتي ( زوااه اوس ) لا لا مراتي مراتي
اوس :و نتي الزوينة غادي تبقاي بالبيجامة
المى : على مالها
اوس :راااه جيت زعما خطبتك