السلام عليكم🌺
أختكم في اللّه مضيعه وعندها اختبارات.. دعواتكم❤
.
.
.
إن أعجبكم الفصل...
أرجو منكم التصويت★ والتعليق على الفقرات..
.
.
.
.
• • • •
#لجي:
”الأموات ما يجوز عليهم إلا الرحمة.. طيب وإذا العكس؟.. هل الرحمة ما تجوز إلّا على الأموات؟!
لا.. أكيد لا.. كلنا محتاجين الرحمة.. كلنا نطلبها و نرجوها وننتظرها... إحنا في أمسّ الحاجة للرحمة..
فيارب... الرحمة..!“.
• • • •
”حسّيت حالي مع ناس متعودين على كذا مواقف..!
فبمجرّد ما خرجنا من الفصل "بندر" اختفى وما دريت وين راح، و "أحمد" نزّلني الحوش متجه قدام بوابة المدرسة بالضبط..“.
الحارث: خير خير على وين؟
أحمد: خويي تعبان نبغى نخرج...
الحارث 'يقاطعه': ممنوع الخروج بدون إذن من المدير...
أحمد: ندري، خويي الثاني راح يجيب الإذن...
”عرفت ان قصده على "بندر"، وفعلًا شوي وجا "بندر" ومعاه ورقه عليها كلام من المدير زائد توقيعه..
ابتسم "أحمد" ابتسامة نصر يوم قال الحارس: "يلا أخرجوا"..
- "غصبًا عنّك...".. قالها بندر بهمس كان مسموع بالنسبة لي..
خرجنا من المدرسة وحسّيت الاثنين مستانسين كاننا طالعين رحلة!.. وأنا ما كان علي غير اني أناظرهم مستعجب من تصرفهم السريع..! “.
أحمد: شفت كيف؟.. مو كذا أسهل من اننا نشرد من فوق السور؟
بندر: أدري بس ما جا على بالي ذي الخطة...
”مدري عن أي خطة يتكلم وأنا ما شفتهم يتناقشون أصلًا...!
غريبين ذولا الأثنين.. والأغرب ان المدير وافق يعطينا إذن!.. “.
بندر: سيّارتي تحت أمركم.. وين نروح؟
أحمد: وين نروح؟
”عاد "أحمد" السؤال موجهه لي، وأنا أخذت وقت عشان أستوعب السؤال، مدري ليش...!“.
لجي 'بفهاوة': نروح الحديقه اللي جنب المدرسة..
بندر 'بطفش': يعني إحنا شردنا من المدرسة عشان نروح الحديقة اللي جنب المدرسة..؟!
أحمد: ترا فكره كويسه؛ عشان نقدر نرجع بسرعه قبل الصرفة..
بندي 'بصدمة': لحظه ليش نرجع؟!
أحمد 'بطفش': يا غبي تاركين أغراضنا في المدرسة؛ لازم نرجع..
بندر 'بزعل': هففف طيب خلاص...
”طفل..!
وأخاف اذا صرت خوييه أصير طفل مثله.. بس لحظه المفروض ذا شيء حلو!
أنا إيش اللي يخلّيني واثق اني عاقل أصلًا؟!..“.
أنت تقرأ
لُجَيْ | عاميّة سعودية
General Fiction" حياتي عباره عن ماضي كاذب، حاضر مرير، مستقبل مخيف... " . . الرواية عفوية بشكل كبير، ويمكن أكثر تصنيف يمثلها هو "شريحة من الحياة".. ولكنها أكيد لن تخلوا من الأحداث والمواقف الصادمة.. ملحوظه: مع تدرج الأحداث ستطرؤ بعض السوداوية على الرواية.. . (الروا...
