السلام عليكم🌺
.
إن أعجبكم الفصل..
أرجو منكم التصويت★ والتعليق على الفقرات...
.
.
.
• • • •
#لجي
”بعض الأحيام الوضع يصير مزعج لدرجة انك بتحس كل شيء من حولك يقول لك "انقهر إذا مو لاقي شيء يقهرك.."
وانت بطبيعة الحال.. راح تموت من القهر...“.
• • • •
”حمدت ربي اني مازلت حافظ مكان العمارة و شكلها..
بعد ما وصّلني التاكسي قدامها نزلت ورحت للشقة المطلوبة... دقتين ثلاثة و انفتح الباب...
نظرات "بندر" كانت توحي انه داري برجعتي...“.
بندر: انطردت؟
لجي: انطردت..
بندر: مرّه ثانية؟!
لجي: يا شيخ لا تقول ثانية.. خلينا نقول رابعه، أو يمكن خامسه واللّه..
”ابتسم "بندر" ابتسامه جانبية حسيته حاول يخفيها عشان ما يصير الوضع كانه يسخر مني... بس عادي يعني، أصلًا وضعي مثير للسخرية، خاصةً مع ذا الهدوء اللي فيني كأني هاج من البيت بكيفي مو مطرود..“.
بندر: أتفضل..
لجي: يزيد فضلك..
”واللّه لو داخل بيت أبوي ما أرمي الجزمة -اللّه يكرمكم- بالعشوائية اللي رميتها قدام الباب، ولا أطيّح شنطة ظهري بالإضافة لشنطة ملابسي كذا بإهمال جنب الكنبة.. ولا كنت أنا نفسي انسدحت عالكنبة كذا...
جلس "بندر" على طرف الكنبة اللي ما كنت مادد رجولي عليه.. وحل صمت لفترة كأن ولا واحد مننا داري إيش المفروض يقول.. أو كذا ظنّيت..“.
بندر: واللّه مدري أسب أخوانك على نذالتهم وانهم طردوك ولا أسبك انت على غباءك وانك ما حاولت تواجههم... ومدري ليه أتخيّلك أن أوّل ما قالولك روح رحت..
”حطيت ظهر كفي على فمي أحاول أخفي ابتسامتي... ذا اللي منجد صار، أول ما "سعد" قال لي "لا ترجع البيت" علطول رحت..“.
بندر: ما ينفع وضعك كذا، لازم أعلمك كيف ترد على الإهانة..
لجي: لا باللّه، تبغاني أتضارب مع ذول؟، انت ما جرّبت رفساتهم ولا دفهم... أصلًا الواحد منهم ما شاء اللّه طوله طول عمود النور، ما يمديك حتى تعطيه كف..
بندر: ما قلت لك اتضارب.. شفت كيف؟، انت أصلًا تبغى تضارب معهم بس تعطي لنفسك أعذار تمنعك و تأيّد فشلك..
”يمكن ذا أهدا حوار دار بيني وبين ذا الباندا.. رغم ان كلامه لازال لاذع ويقوله بدون تفكير.. بس مدري ليش ما اتضايقت..! “.
YOU ARE READING
لُجَيْ | عاميّة سعودية
General Fiction" حياتي عباره عن ماضي كاذب، حاضر مرير، مستقبل مخيف... " . . الرواية عفوية بشكل كبير، ويمكن أكثر تصنيف يمثلها هو "شريحة من الحياة".. ولكنها أكيد لن تخلوا من الأحداث والمواقف الصادمة.. ملحوظه: مع تدرج الأحداث ستطرؤ بعض السوداوية على الرواية.. . (الروا...
