لُجَيْ | عاميّة سعودية

"لجي" الخاتمة.

السلام عليكم🌺
.

صراحه مش واثقه من مدى عدم تقبل بعضكم للنهاية بس حاسه ان في كتير قرؤوا الفصل الأخير ومقالوش رأيكم خالص🌚..

بس خلينا نناقش في الخاتمة كثير من التفاصيل..
ورجاءً علقوا قد ما تقدروا وبكامل المصداقية لأن تعليقاتهم هي اللي هتوضحلي رأيكم في الرواية

خلينا بداية نتطرّق لبعض الأمور..
زي وضع التوأم وعملية "سعد" و وضع "أحمد" وعيلته وسجن "فيصل..
دي حجات أنا أعتبر ذكرتها بشكل سطحي ومتعمّقتش في تفاصيلها، وكنت متعمّده الشيء دا عشان أديكم فرصه تفكروا انتوا بالتفاصيل.. يعني أنا اديتكم بداية الخيط لكل شيء من الأمور دي وانتوا عليكم تفكروا في الباقي..
يعني مثلًا عملية "سعد"، هو قال في الفصل الأخير انه هيبدأ يعمل التحاليل ويحدد معاد العملية، دي بداية الخيط.. هل هيعمل العملية او لا؟ وكيف هتسير الأمور؟ انتوا عايكم تفكروا في الاجابة الأقرب لرأيكم..

ثاني شيء وضع "فهد"..
يمكن كتير منكم كان منتظر أحدد مصيره، والأكثر عايزه يعيش.. بس أنا حبّيت أخليها مفتوحه برده، والسبب اني كنت بفكر أخليه يموت بس في نفس الوقت شفت ان كتير حابين شخصية "فهد" وعايزينه يعيش.. فقررت أمسك العصاية من النص..

ثالثًا تلميحي عن المشتبه فيه بمقتل "حوراء"..
يمكن طفشتوا من كتر ما خليت حجات مفتوحه🌚..
بس انا فكّرت فيها بشكل مختلف شويه.. "لجي" اذا حاول يدوّر ورا الموضوع هيفتح على نفسه أبواب هو في غنى عنها، وبدال ما تقصر هتطول.. عشان كدا قرر يسكت عن الموضوع..
ويمكن احنا فضولنا قاتلنا عشان نعرف الحقيقة بس نيجي ايه جنب اللي القهر قاتله ورغم كده سد الباب اللي تجيه منه الرياح؟

مشاعر "لجي" وصراحته..
عايزه أقلّكم ان مشهد لما "لجي" حكى لأصحابه كل شيء أنا مكنتش ناويه عليه وقررته وانا بكتب الفصل الأخير..
الفكرة اني حسيت ان فعلًا "لجي" ظالمهم معاه، يمكن هو مش مجبر يقولهم كل حاجه بس في نفس الوقت إحساسي كان كإحساس "لجي"، هم من حقهم يعرفوا كل حاجه..
ومواجهة "لجي" مع اخوانه أكيد شيء كان لابد منه ومفيش عليه نقاش..

هل "لجي" سامع اخوانه؟
دا سؤال هو نفسه مش عارف يحدد إجابته، بس زي ما قال هو حتى إذا حاول يتخطى مش هيقدر ينسى..

"لجي" قرر انه يشتغل في معرض سيارات أبو "عبد الرحمن".. قلت أربط بين حبه للسيارات وشيء قرر يسويه كنوع من الاستقرار..

كمان عرض "صفوان" ل"لجي".. هدفي كان اني أبين أن "لجي" مش هيكون وحيد بشكل تام + اني حابه شخصية "صفوان" فكنت عايزه أخلي ليها دور مهم..

وأخيرًا النهاية..
زي ما حاولت أربط بين مقدمة الفصل اللي فات وأوّل فصل حبيت أربط بين نهاية الفصل الأخير وأوّل فصل..

أكيد في كتير منكم كان نفسه "لجي" يعيش مع إخوانه..
بس خلينا نفكر من وجهة نظر "لجي".. يعني حتى اذا سامحهم واقتنع بكل تبريراتهم صعب يعيش معاهم ويتعامل كأن حاجه محصلش.. مستحيل ينسى أكيد وهو في غنى عن ان يحصل أي موقف يرش الملح على جروحه..

وكمان لنكن واقعيين.. اللي اتكسر حتى لو اتصلّح هيسيب أثر وهيبقى عُرضة للهلاك التام لإنه لو اتكسر تاني هيتكسر بشكل أعنف وصعب يتصلّح..

حابه أقلكم ان أغلب الأحداث في الرواية ككل مكنش مخطط ليها غير قبل الحدث بفصلين أو ثلاثه أو حتى في نفس كتابة الفصل اللي ظهر فيه الحدث.. لأن الرواية كلها جات كده بالصدفة..

وأخيرًا حابه أسألكم عن السلبيات والإيجابيات..
وأنا هشاركم رأيي برده لأن غالبًا بعد ما أنزل الفصل كنت بقرأه عشان أعيّش نفسي جو القارئ..

الإيجابيات؟

برأيي من إيجابيات الرواية جو البرومانس اللي أنا بحبه في الروايات.. كمان الشخصية الرئيسة كانت مميزه، مكانتش لامعه جدًا وفي نفس الوقت مكانتش سطحية.
وهنا خليني أرجع لدور الراوي وأقلكم اني اتعمّدت مخليش شخصية "لجي" -كبطل قصة- لامعه ومشهوره وماهره زي أغلب أبطال الروايات..
اتعمّدت أخلي "لجي" يتمتع ببعض الفهاوة🌚، وصح شخصيته مكانتش غامضه بس كان فيها نوع من العمق..

السلبيات؟

من رأيي أهم السلبيات -للي بيتابع الرواية فصل بفصل- هو التأخير في نزول الفصول🌚.. ودا شيء ممكن نسامح عليه تقديرًا لأي ظرف بتمر بيه الكاتبه..🚶
يمكن من السلبيات كمان ان الرواية كان فيها تفاصيل وشخصيات كتير؟ حاولت أفسر الشيء دا بأنها طويله فلازم تظهر شخصيات وأحداث وكده..

مين شخصيتكم المفضلة؟

أنا الصراحة مش عارفه أختار شخصية..🚶😂

قولولي رأيكم بصراحه في كل التفاصيل.. أتقبل كامل آراءكم برحابة صدر..

ان اتكلّمت عن رواية "لجي" بشكل عام فهي كانت رواية دراميه أسريه هادئة في محطات وصاخبه في محطات أخرى.. مضحكه في مواقف وتعيسه في مواقف أخرى.. بعض المشاهد كانت بدون معنى والبعض الآجر وراها مغزى..
باختصار "لجي" كانت رواية عميقه..

وبس كده.. آخر حاجه عايزه أقول اني هفتقد الرواية جدًا جدًا.. يمكن أي حد منكم يقدر يعيدها ويعيش جو قراءتها.. بس أنا هفتقد اني أعيش جو كتابتها😢..

شكرًا لأنكم عطيتوا الرواية كل الحب، وأعتذر عن أي تقصير حدث مني..

لسه مخلصتوش مني لأن بعد الخاتمه هنزل منشور نتكلّم فيه عن ما بعد "لجي" فترقبوا🌚😂..

وانتظروا مني في أي وقت أي إشعار..
فياريت اللي مش متابع الحساب نفسه يتابعني لأن لو متابعين الرواية بس مش هيوصلكم إشعارات كل اللي بينزل عالحساب..

دمتم سالمين..❤️