لُجَيْ | عاميّة سعودية

«٤٠»

السلام عليكم🌺
.

احمممم وبعد غياب أكثر من شهر🌚
طبعًا مو بوسعي أشكركم على انتظاركم لي كل ذا الوقت، الحمد لله أنا بقيت بخير وأرجو ان كلكم تكونوا بخير..
.

إن أعجبكم الفصل..
أرجو منكم التصويت★ والتعليق على الفقرات..
.
.
.

• • • •

#لجي:

" "هجرت بعض أحبتي طوعاً لأنني رأيت قلوبهم تهوى فراقي ..
نعم اشتاق ..
ولكن وضعت كرامتي فوق اشتياقي ..
أرغب في وصلهم دوماً، ولكن طريق الذل لا تهواه ساقي"
قصيدة للشاعر "أحمد شوقي".

مدري إيش وضعي مكثّر أشعار ونصوص أدبية ذي الفترة بس.... أحسها تغنيني عن أي كلام ممكن أقوله، هي لحالها تعبّر عن كل اللي في خاطري".

• • • •

"زي ما وعدت "حمد"، في أقل من ساعة وصلنا مطار جدة.

مدري كيف أوصف شعوري يوم نزلت من الطياره، يمكن لأن فعليًا ما حسّيت بشيء؟

خذنا سيّارة أجره من عند المطار عشان تودّينا البيت، وهنا كان في نقاط زياده لازم نحطها على الحروف.
"حمد" اللي كان جالس جنب السوّاق وصفله مكان شقتهم، وبعدها أنا وصفتله مكان شقة "بندر" و "أحمد"، "حمد" لف يناظرني مستغرب بس بعدها رجع ناظر قدّامه وما قال شيء.

يمكن هو على باله اني بقبل أرجع شقتهم، وصح أنا قلت اني بحسّن علاقتي باخواني، بس أحتاج وقت لذا الشيء وغير كذا ما أبغى أرجع وهم مازالوا ما يتقبّلوني، وحتى إذا "حمد" كان طلب مني أرجع فالسبب هو انه ممنون لي لأني ساعدته وقت طلب.
ويمكن نحتاج جلسة حوار صريح عشان نناقش الأمور؛ لأن منجد ما أقدر أرجع أدخل حياتهم وهم ما يبغوني.

وصلنا أول شيء لوجهتي وأول ما وقف السواق نزلت، أخذت خطواتي بدخل العمارة بس وقفني "حمد" يوم قال اسمي: - "لجي"..
ناظرته: - هلا؟

فتح باب السيارة ونزل لأنه كان بعيد وبيضطر يرفع صوته عشان يتكلّم.
وقف قدامي وقال: - بكره تعال عندنا الصباح بيكون "سعد" رجع ان شاء الله، يبغى يشوفك سألني عنّك كثير.

فرحة اجتاحتني لسببين، أولهم ان "حمد" بنفسه طلب مني أجي بيتهم وثانيهم ان "سعد" يسأل عني ويبغى يشوفني، بس رغم كذا اتصرّفت ببرود وهزيت راسي: - ان شاء اللّه.
- يلا أنا بروح، تحتاج شيء؟

شاهد قبل الحذف، "حمد" يسألني أنا إذا أحتاج شيء!

وللمرّه الثانية ادعيت البرود: - لا شكرًا، سلام.

حتى إذا كان "حمد" يتصرّف كذا كمجاملة، بس الموضوع أسعدني ياخي، ما عمري حسّيت ان "حمد" أخوي منجد!