لُجَيْ | عاميّة سعودية

«١٦»

.
السلام عليكم🌺
.

حطيت رابط صراحه في البايو للي حابب يكتبلي أي شيء..
.
إن أعجبكم الفصل...
أرجو منكم التصويت★ والتعليق على الفقرات...
.
.
.
.

•  •  •  •

#لجي:

”خوفي الزايد على "عثمان" ما كان من فراغ أبدًا...
أنا من يوم ما دريت انه مريض وصرت أتعاطف وياه وأحرص على إسعاده.. بس هو زاد خوفي عليه أكثر في الفترة الماضية..

في مرّه كنت آخذهم من المدرسة و راجعين البيت، بس رحنا الحديقه القريبه عشان نشتري أيس كريم من السيارة... "معاذ" أصر ان هو اللي يشتري، وبقيت أنا جالس مع "عثمان"..
وقتها "عثمان" جلس يفضفض لي بزعل، و قال كلام خلّاني أشك انه أعقل منّي أنا شخصيًا...

قال "أنا مؤمن بقضاء اللّه وقدره، وأدري ان اللّه إذا أحب عبدًا ابتلاه... بس أنا ما أبغى أموت..."..

وقتها أتذكرت يوم أمي اللّه يرحمها قالتلي "محد في الدنيا هذي يبغى الموت، حتى اللي يتمنّوه.."..

منجد، محد يبغى يموت.. حتى اللي يقولون "يارب خذني" أو "ياليتني أموت"، كلامهم يكون في ساعة ضيق أو غضب أو إلى آخره... بس إذا جاهم الموت بينحاشون عنّه...

أدري إني اتمنيت الموت كثير في الفترة الماضية... واللّه ما أستحي على وجهي؛ مو مقدر النعمة اللي أنا فيها...

بس الصراحه مدري إذا جاني الموت بنحاش عنّه ولا برحّب فيه بصدر رحب!“.

•  •  •  •

  - "لجي"، قوم ياخي...

” "لجي" واللي جاب "لجي"..!
ليش كل ما نمت ما يهنّوني على نومي؟!

فتحت عيوني منقهر من اللي صحّاني..
مدري إذا المفروض أنصدم ولا لا...“.

لجي: "أحمد"؟!
أحمد 'بطفش': يا رجّال لي ساعه أستنّاك تقوم.. طفّشتني، كل ذا نوم؟!
لجي: طيّب أجلس حيّاك..

”سحب "أحمد" كرسي كان موجود في آخر الغرفة وحطه قريب من سريري وجلس عليه...

مدري إيش المفروض أقول.. الأخ ضاربني وعادمني العافية؛ لازم آخذ موقف..“.

لجي 'بدون نفس': خير، إيش تبغى؟
أحمد 'بطفش': أقول بس لا تسوّي نفسك زعلان قلّك..
لجي 'بلوم': تراني ما سوّيت لك شيء عشان تضربني، حتى ما مدّيت يدي عليك...
أحمد 'بتلقائيّه': قلتلّك، كنت مهموم ومخنوق فشفتك قدّامي و طلّعت همي فيك.. ولّا حلال عليك وحرام علينا؟