Everything After ✅

15. Perfect

"Good Morning po," si Lachie kay Tita Amber at sa aming lahat.

Nakangiti akong nakatitig sa kanya. Maaga siya ngayon sa bahay at may bitbit siyang bibingka at suman. Sa pagkakaalam ko ay gawa ito ni Yaya Kuring. Nag order kasi si Tita Amber nito kay Yaya, at gumagawa si Yaya nito talaga.

Tinitigan lang siya ni Tita Amber na nakataas ang kilay at nag-iwas tingin na.

"Bebe, pakikuha nang bitbit ni Lachie at ang pera nasa katabi ng vase. Pakibigay na rin sa kanya. Salamat," si Tita Amber kay Auntie Bebe.

Sinunod ko nang tingin si Auntie Bebe at tumitig na ako kay Lachie. Napayuko lang siya habang naghihintay. Nakapwesto na ang lahat sa mesa at tahimik lang din sila. Nakatitig sina Bria at Ava sa akin at pati na sina Tadeo at Riley. Napako ulit ang tingin ko kay Lachie na nasa labas lang.

Tumayo na ako gusto ko kasing lapitan siya.

"Umupo ka, Faith!" si Tita Amber sa akin.

"Tita... M-May ibibigay lang ako para sa Mommy niya."

Tumaas ang kilay ni Tita Amber sa akin at dumating na si Tito Jamie. Siya lang din kasi ang hinihintay ng lahat bago magsimulang kumain.

"Oh, ba't nasa labas ka, Lachie? Get inside, son."

"Hindi na po... Salamat."

Napatingin si Tito sa akin. Nagtataka siguro siya dahil nakatayo na ako.

"Tito, may ibibigay lang ako sa Mommy ni Lachie. Wait lang po kukunin ko sa kwarto."

Tumango na siya at binilisan ko na ang hakbang ko. Sumenyas pa ako kay Lachie para maghintay siya.

Nang makabalik ako ay nasa labas na ng balkonahe siya. Kaya lumabas nadin ako.

"Saglit lang po, Tita..." tugon ko kay Tita Amber. Panay kasi ang sunod nang tingin niya sa akin.

Nakatayo lang din si Lachie at hinihintay ako.

"Lach!"

Lumawak agad ang ngiti sa labi niya.

"Here. Give this to your Mum. Sabihin mo sa kanya salamat ah."

May ginawa kasi kaming project ni Yaya at Auntie Bebe. Tinuruan nila ako kung paano gumawa ng fancy bracelets. Pinagkakaabahan ko ang pag-gawa ng kwintas at ipa pa. At napansin ko rin na mahilig ang Mommy ni Lachie sa mga accessories. Kaya gumawa ako ng exclusibo na para sa kanya.

Syempre gumawa rin ako ng para kay Mommy at Hope. Yari pa ang mga ito sa tunay na perlas at bato. Medyo may kamahalan pero okay lang. At least, sariling gawa ko 'to.

"Salamat. Magugustuhan to ni Mommy," sabay titig niya sa perlas na kwintas na gawa ko at bracelet.

"At sympre meron din ako para sa'yo. Pero hindi ko pa natapos, kaya mamaya ko pa maibibigay sa'yo ito."

"No need, Love."

Napansin agad niya ang kamay ko ngayon. Suot ko kasi ang singsing na bigay niya kahapon ng gabi. That was so crazy for us, because I got home at nearly dawn. Mabuti na lang at hindi ako nahuli. Tulog pa kasi silang lahat.

Humawak agad siya sa kamay ko at hinagkan ito. Napangiti na ako.

"I'll see you tonight, Love."

Tumango na ako. Mabilis lang din dahil alam kong nagmamasid si Tita Amber. Pinagmasdan ko lang ang pag alis niya bago ako pumasok sa loob.

"Boyfriend mo na ba si Lachie, Faith?" tanong ni Tita Amber habang kumakain kami.

Napatingin na ako kay Bria at Ava na ngayon at nanlaki ang mga mata kong nakatitig sa kanila. Nakayuko naman sina Riley at Tadeo. Ayaw nilang makialam. Alam kong takot silang lahat sa Mommy nila. Kabaliktaran kasi sila rito. While me and Hope? Kay Daddy kami takot at hindi kay Mommy.